Isaías 41:16 - Kaxinawá Bíblia (BR)

¹⁶ Mã hatu beka beka aka niwẽ hatu bushanikiki. Niwe shubi shubi ibirãkĩ sa abaĩshanikiki. Ẽ matu haska waya matubu mã benimashãkanaii. Israelĩ mekenika ẽ Senhor Deus meribiwẽ mã kẽshãkanaii.

Isaías 41:16 Referencias Cruzadas

Salmos 1:4

Hakia tsuabũra Deus danãkĩ nĩkaisbumarã, hawa pepa hayabumaki. Haskawẽ taea mai kuru niwẽ sa akĩ hatu yamawabaĩmis keskabuki.

Isaías 28:5

Ha haskaitianã, Deus dasibi binua shanẽ ibui maiti pepa txashakapa hawẽrua sawea keska ishanikiki. Ha hawẽ mae tesheniburã, haburã, Deusũ kushipawẽ hawẽruai pepahairashãkanikiki.

Isaías 35:10

tsuabura Deusũ hawenawakĩ hatu binirã. Hawẽ maewã Sião anu hikibaini kãtai benibaĩshãkanikiki. Hari hikitã hiwea benimai heneama ipakeshãkanikiki. Haburã, benimai shinã txãkã bestishãkanikiki, haria ana kashai bika tenei eẽ ikama yamakaini pes dakashanikiki.

Isaías 40:24

Haburã, mibã betsa dama banabu hatũ tatxa mai anu hawẽ tapũ hayariama mestẽriama keskabuki. Deusũ hatu mamaki shũ aka txushimis keskabuki. Uiyabi niwewã bekĩ hawẽ pei shana nuyamabaĩmis keskabuki.

Isaías 60:19

Ha haskaitiã ea ẽ matũ Senhor Deus ẽ txasha ikibi ishanaiwẽ taea ana hawa bari txashai inũ ushe meshu merã txasha hayamabiakẽ mã manuama ishanaii.

Isaías 65:18

Habu dami wakĩ ẽ ana bena washanaiwẽ taea benimai shinã txãkãkubaĩkãwẽ. Ha Jerusalém ana bena wakĩ benima paketi besti ẽ matu washũshanaii. Ha mae anu yurabu hawẽ hiweaiburã, ana hawa bika teneama benima besti hiweshãkanikiki.

Daniel 2:35

hawaira mane ferro inũ, mapu bawa inũ, mane bronze inũ, mane prata inũ, mane ouro ibubis tureke tureke iki mishpui keyushinaki, baritiã shekiwã trigo tsekatã manaũrishũ kata kata aka niwẽ hawẽ shaka sa abaĩkĩ txai bua hawa hawẽ shaka betsa dakama keskairã. Hakia mishkipã ha dami tu aka di iki mishpuaya hanubi ha mishki hawẽ shãtukũ ewakauani mati itamamatã dasibi mai hirabi atxi keyushinaki. Haska mĩ namashinaki, ha haskarã.

Joel 2:23

Mã Mati Sião anu hiweabuũ, benimarikãwẽ. Hanu ui pakei taekaini inũ hanu bari pakei taekaini hanu shaba pepatiã Senhor Deusũ ui yunumiswẽ taea matũ Mekenika Senhor Deuswẽ benimakubaĩkãwẽ. Txanima uatiã matu ashũmis keska ana habias keskari matu ashũkubaĩshanikiki.

Miquéias 5:8

Haskabiaibũ yuinaka shukua inu betsa leãonẽ hatu atxitiruki. Ina txashuwã shukuaburi hatu atxiriakĩ hawa betsa heneama tetsã akĩ tenãmisbu keskai yurabu shukuabu betsa betsapa mirima anu Jacó enabu hiwebaunabu habiaskariai kushipariashãkanikiki.

Mateus 3:12

Ha inũ, shekiwã bimi ta keyushũ pepa arutã hawẽ shepa kuamisbu keska wakĩ dasibi hawenabuma danãkĩ hawa txi nukaisma anu urẽshũ kuanũ, iwanã, manakubainikiki”, akĩ Naximanika Joãonẽ hatu yuikubainikiaki.

Romanos 5:11

Natiã nukũ Shanẽ Ibu Jesus Cristõ hawẽ Epa Deus hatũ nuku haibu wamakĩ daewamani unãnuma hiwekĩ txanima hawẽ taeshũ benimakĩ Deus nũ kẽwãkubainaii.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.