Isaías 52:12 - Kaxinawá Bíblia (BR)

¹² Habu mã kaĩbaĩshanaiburã, Israelbũ Senhor Deusũ matu keshea akekebainaiwẽ taea kairã, hĩ hĩ iki hawaira kaĩbainama inũ hunebaini pashayamashãkãwẽ.

Isaías 52:12 Referencias Cruzadas

Êxodo 12:11

Senhor Deusũ kushipa shinãti piti mã besikĩ piairã, tari sawe pewatã inũ bitxi tae sawetã inũ matũ mestẽti tsumatã kaĩbaĩkatsi hawaira pishãkãwẽ, Senhor Deusũ Páscoa shinãkĩ pikinã.

Êxodo 12:33

Israelĩ enabu dasibi hau hawaira bunũbũ hatuwẽ datekĩ shinaĩ: “Hatuwẽ taea nukuri nũ mawatirumẽkaĩ”, iki yuinamekĩ hatũ mai hirabi anushũ Egito nawabu dasibibu hatu nitxĩbaunaibũ

Êxodo 12:39

Egito nawabũ hatu hawaira nitxiaĩbũ haska washũ piti pewatima pashai bukĩ misi wakĩ sapa washũ tsuitiki bawashũ pikubainibukiaki.

Êxodo 14:8

Senhor Deusũ Faraó nĩkaismakĩ huĩti kushiwatã hanua Israelĩ enabu pashaibu Senhor Deusũ hatu kushipawaya kaĩbaĩshinabu Faraónẽ shinãma hatu atxikatsis ikaya

Isaías 28:16

haskaibuwẽ taeshũ Senhor Deusũ hatu yuikĩ: “Mishki karuhaira ẽ katuni ha mishki uĩbaĩ hakimatima haki tsamabaũkĩ mestẽwãti Sião anu ẽ tashnimashanaii. Tsuãra ha mishki betxipaikĩ katutã hawẽ datetirubumaki, ma haki txiti ikarã.

Isaías 42:16

Beshushbu hatu iyukinã, bai tanamabaĩkĩ hanu uĩ buisbuma anu ẽ hatu iyushanaii. Meshu anu buaibu hatu bebũshũ bĩ hatu txashawashũkĩ mai txakabu pãpa wakĩ bebũkiri hawamawakĩ ẽ hatu pewashũshanaii. Na habu haska tibirã, hawa yupatirubuma ẽ hatu ashũshanaii.

Isaías 45:2

“Mĩ kai bebũ mia bebũ kakĩ mati tibi ẽ mia pureshũkubaĩshanaii. Mane bronze beputi tibi ẽ mia taskeshũkubaĩshanaii. Mane ferro shui mestẽwãti tibi ẽ mia teke teke ashũshanaii.

Isaías 49:10

Mã hawa buniama inũ mã ũpash manuama inũ, bari txashahairakĩ matu kuama ishanikiki. Eã matu betxipaikĩ ẽ matu iyuaiwẽ taeshũ matu mekeshũ iyukĩ hanu txatxa tibi ũpash haya anu ẽ matu iyukubaĩshanaii.

Isaías 49:11

Mati matipa anu bai hayamabiakẽ matu bai tapĩshũkĩ bai txakabu ẽ matu pãpa washũkubaĩshanaii.

Isaías 58:8

Mã haska wakĩ samakekĩ ea uĩmakubainaiburã, matũ akarã, penai shaba txashamis keska ẽ matu washanaii. Hamapai bika mã teneai hawaira mã shushashanaii, dete bui keskairã. Kaneama mã pepa wamisrã, mia bebũ tashniaya ẽ kushipa pepawẽ matu mekeshũ ẽ matu unãmakubaĩshanaii.

Miquéias 2:13

Deus bebukaĩkĩ hawẽ bai bepẽbainaya habũ txibaĩ maewã kenebaunibu hikiti shui hawẽ beputi anua tashni ishtxubaĩbaĩshãkanikiki. Dasibi hatu bebũ ẽ hatũ shanẽ ibu Senhor Deus kaya ea itxũ bushãkanikiki”, iwanã, ea yuimaki.

Josué 6:9

detenamenikabu bebũ habu Deusbe hawenabu hãtxashunikabu txibãbainaibũ habũ hatu mekea betsã hatũ yubakani hãtxa iabainaibu habũ petxiurishũ hatu uĩshũbainaibu inũ txashuwã mashũ txã akĩ mawakĩ heneabumakẽ

Juízes 4:14

hanushũ Déborã Baraque ana yunukĩ: —Benikaĩ ditãwẽ! Mĩ Sísera detenũ ikis Senhor Deusũ mia maemamaikiki. Hatu merabewai mĩ mẽtsisipa detenamenikabu bebũ Senhor Deus kaikiki— aka 10.000 hunibube Mati Tabor anua Baraque matxi butebainaya