Isaías 58:11 - Kaxinawá Bíblia (BR)

¹¹ Mã haskakenã, earã, matube ketashamea matu mekekubaĩkĩ hanu buniaibutiã mã pinũbũ hanu tsua hiweabuma anu piti hamẽ ikai ẽ matu washũshanaii. Matũ yura babuaya ẽ matu ana kushipa washanaii. Mã mibã bana matu nashima keska wakĩ ẽ matu duawashanaii, txatxa ũpash hawa hene netsutima keska wakinã.

Isaías 58:11 Referencias Cruzadas

Jó 5:20

Piti hayama buni mawabaunaibũ Deusũ mia merabewakubaina mĩ mawama ishanaii. Ha inũ, hanu detenameaibutiã nupe txaipawẽ mia detenũ ika ibiaibũ Deusũ hatu mia nemashũshanikiki.

Salmos 1:3

Ha yuraburã, hene kesha hi banabu pe ewatã hanu bimiaitiã hawẽ bimi pe hushĩmis keskabuki. Ha inũ, hawẽ pei shanama keskai, habũ Deusũ hãtxa betxipaimisburã, dasibi haska amis pepahaira ikubaĩmisbuki.

Salmos 32:8

Shanẽ ibu Senhor Deusũ ea yuikĩ: “Mikiri shinãkĩ ẽ mia uiaĩ ea uĩwẽ. Ẽ mia tapĩmakatsis ikaii, hãtxa pewẽ yusĩkinã, haska ẽ shinaĩwẽ haratu bai pe ha katutã mĩ hawẽ kakũkainunã.

Salmos 33:19

hatũ hiwea benui hau mawayamanũbũ inũ bunitiãbiakẽ hau debuama hiweyukubainũbunã.

Salmos 37:19

Bari betsatiã betsabũ bika tenei buniaibũ tsuabũra Deus duawamisrã, hawa dakeama inũ hatũ piti hayakubaĩshãkanikiki.

Salmos 73:24

Mĩ yusiã pepawẽ mĩ ea tapĩmakubaĩmiski. Txipu mĩ kushipawẽ nai anu ea benimawakĩ mĩ ea ishanaii.

Salmos 84:7

Hatũ kushipa Deus anua bi ewakubaĩkĩ ha maewã Sião Jerusalém anu uĩkĩ Deus kushipa binua uĩshãkanikiki.

Provérbios 11:25

Hawara haya yaushiama pashkatã hatu inaĩwẽ taea hatũ hawara Deusũ hatu inãkubaĩmiski. Tsuabũra hawẽ mabu hatu inãmis betsabũ hari inãriamisbuki.

Provérbios 13:4

Txikishbũ hawara betxipaikĩ bikatsis ibiai hawa bitirubumaki. Hakia dayakapaburã, hamapai hayakubaĩmisbuki.

Provérbios 3:8

Senhor Deus besti mĩ duawakubainairã, dau pepa mĩ shea keska waya mĩ yura kushipakũkaĩshanikiki.

Isaías 33:16

haburã, txanima hatũ hiwea mestẽki. Hanu pashai hiwei meketiruburã, hatũ hiwe kushiparã, mishki hiweki. Habu hiweabu anurã, piti hamẽ ikai inũ ũpash hawa yupama ishãkanikiki.

Isaías 41:17

Enabu nuitapai hawa pei hayabumã ũpash benabiai ibubis betxiabumaki. Ũpash manui hatũ hana tashkai tetsusĩbiaibũ hakia ea Senhor Deusũ ẽ hatu amashanaii. Israelĩ mekenika Deus eanã, henekĩ ẽ hawa hatu putabainama ishanaii.

Isaías 44:4

Habu yumei pairã, basi heshe sa itã yumemis keskai inũ hi hene keshakea hawẽ tatxa heneya ewai keska habu kushipashãkanikiki.

Isaías 49:10

Mã hawa buniama inũ mã ũpash manuama inũ, bari txashahairakĩ matu kuama ishanikiki. Eã matu betxipaikĩ ẽ matu iyuaiwẽ taeshũ matu mekeshũ iyukĩ hanu txatxa tibi ũpash haya anu ẽ matu iyukubaĩshanaii.

Isaías 61:11

Haska mibã mai anua hukuĩ peshei taemis keska inũ bai watã hawara heshe betsa banashinabu peshetã hukuĩ ewamiski. Haska keskari wakĩ Senhor Deusũ hawẽ kushipawẽ hawenabu hatu binumakĩ dasibi nawa shukuabu hatu kãtamakĩ kẽwãmashanikiki.

Jeremias 31:12

Mati Sião anu bei benimai Israelĩ enabu kãtakubirãshãkanikiki. Senhor Deusũ hatu merabewa shekiwã trigo itxapa inũ, uva vinho inũ, piti sheni itxapa inũ, txashuwã nami itxapa inũ, ina awa nami itxapa hayawẽ taea benimahairakubirãshãkanikiki. Bai mibã bana uiã txa amis keska Israelĩ enabu hatũ kushipa hawa ana benuama ikubaĩshãkanikiki.

Ezequiel 36:35

Habu yuinamekĩ matukiri yuikĩ: ‘Na mairã, bari itxapa hanu tsua hiweabuma ibiani ikis dasibi hawẽruahairaki, Éden anu Deusũ bai hawẽrua wani keskarã. Hatũ mae tibi berãkĩ txakabuwakĩ keyutã henebainibu ikis ana pewatã mishki kenebaũkĩ keyutã hanu ma hiwekanikiki’, akĩ matu yuishãkanikiki.

João 16:13

Hakia txipu Yushĩ Txanima Unãmanika hushũ txanima dasibi matu yusĩkĩ meshtãmashanikiki. Hawẽ xinãnẽ hãtxama hakia ekiri dasibi nĩkatã hawara ishanairi matu shabakabi unãmashanikiki.

João 4:14

—Hakia tsuabũra ũpash ẽ inaĩ atanã, ana tetsusini manuama ishãkanikiki. Habu tibi merã txatxa ũpash netsuisma keskatũ hatu hiwekuĩmashanikiki, ikibi imakinã— aka

João 7:38

Habiaskari Deusũ hãtxa keneni keska wakĩ tsuãra ea ikũwaĩ hawẽ huĩti meranua hiwekuĩmati hene habai netsuama ishanikiki, hatu kuxipa wairã— hatu waniki.

1 Tesalonicenses 3:11

Haskakẽ nukũ Epa Deus inũ nukũ Shanẽ Ibu Jesusũ nuku merabewakĩ hau matu anu nuku nitxĩkĩ nuku yunushanũbũwẽ, nũ matu uĩ kanunã.