Isaías 43:19 - Kaxinawá Bíblia (BR)

¹⁹ Eanã, mã haska hiweisma betsa bena ẽ matu ashuaĩ natiã tashniai ibubis mã uĩshanaii. Hanu tsua hiweabuma anu ẽ matu bai pesashũshanaii. Ha mai anu hawa hukuĩsma anu hene tuekĩ ẽ habawashanaii.

Isaías 43:19 Referencias Cruzadas

Isaías 32:2

Habu tibirã, eskabu ishãkanikiki. Niwe beaya hanu irutirubu keska inũ, ui niweya beaya hanu pashatirubu keska inũ, mai tsusĩ anu mibãkĩ bai tibi waimabu anu hanu hene habai keska inũ, hanu hawa hayama anu barĩ kuahairai anu mishkipãwã dakashũ mai utawamis keskabu ishãkanikiki.

Isaías 33:21

Hanu Senhor Deus hawẽrua kushipa pepa nukube hiweshũ nuku uĩmashanikiki. Ha maewã anu hene hashpa habai kushipai hayashanikiki. Hanu matuki sinataibu habũ matu detenũ ika hatũ shashuwã tueĩ mapuabu kushipabu ha henewẽ ana hikitã mapuama ishãkanikiki.

Isaías 35:1

Hanu tsua hiweabuma anu mai tsusĩ benimashanikiki. Hua hawẽrua tueaya benimashanikiki.

Isaías 41:18

Hanu tsua hiweabumanu mati keyatapa anua ẽ hene habamashanaii. Napaku anu txatxa tibi ẽ tsaũshanaii. Hanu tsua hiweabumanu iã pishta wakĩ ẽ newesh shanaii. Mai metu anu ẽ pashku habamabirãshanaii.

Isaías 41:19

Hanu tsua hiweabumanu mai metu anu hi tibi ẽ benemashanaii, kusharã inũ olivarã, hi pepa betsa betsapa benemakinã.

Isaías 42:9

Uatiã ẽ matuki txaninirã, dasibi bebũkiri ẽ yuini ẽ ma akĩ keyuaki, menekinã. Na habiatianã, ana haskashanai bebũkiri kaka bena ẽ matu tapĩmaii, matu bebũ tashniriama bebũkiri mã unãkubaĩshanũbunã.

Isaías 49:10

Mã hawa buniama inũ mã ũpash manuama inũ, bari txashahairakĩ matu kuama ishanikiki. Eã matu betxipaikĩ ẽ matu iyuaiwẽ taeshũ matu mekeshũ iyukĩ hanu txatxa tibi ũpash haya anu ẽ matu iyukubaĩshanaii.

Jeremias 23:7

txanima Senhor Deusũ ana yuikĩ: “Bari betsatiã ana ekiri datã aki yubakama ishãkanikiki, ‘Senhor Deus hiweatũ hawẽ kenawẽ Israelĩ enabu Egito anua kaĩmabiraniki’, akĩ yuiamarã.

Números 20:11

haska hatu yuitã mestẽti sanãtã dabeki mishki ewapa kusha ũpash itxapa tuei shuru iki taeaya yurabu inũ hatũ inabubetã akaibũ

2 Coríntios 5:17

Hanushũ tsuabũra Cristo ikũwaĩ haki nukui dasiayarã, habũ xinã sheni Deusũ betsa waya hawara mekĩ txakabuwamis henetã hatũ Shanẽ Ibu Cristo txibãnũ ika yura bena keskabuki.

Apocalipse 21:5

hanua shanẽ ibu haki tsauti anushũ nukũ Shanẽ Ibũ ea yuikĩ: “Txanima hãtxa xinã kaya ẽ mia yuiai keneriwe, eskarã. Uĩa. Eãnã, dasibi ẽ bena wakĩ keyuaii”, itã