Isaías 54:10 - Kaxinawá Bíblia (BR)

¹⁰ Mati matipa ibubis maebiai inũ mawa matekei niri ibiaya hakia ẽ nui ikibi ika miwẽ taearã, hawa betsai maetiruma inũ ẽ yubakani hawẽ unanuma hiwemati hawa betsa wakĩ ẽ maewatirumariki’ ”, iki Senhor Deus miwẽ nui hãtxaikiki.

Isaías 54:10 Referencias Cruzadas

Salmos 46:2

Patxa sakukĩ mai txurũwãkĩ ha mati tibi tsekebaĩ ianẽwã nuahaira merã pukui keyubiaya nũ hawẽ taea nũ hawa dateama ishanaii.

Salmos 46:3

Ianẽwã shubi buspu tsaubirani hawẽ hui kaĩ meseai nĩkabiai nũ hawa dateama ishanaii. Mai mati matipa sinatai patxa sakui saki saki iki mesehairabiaya nũ hawa dateama ishanaii.

Isaías 49:10

Mã hawa buniama inũ mã ũpash manuama inũ, bari txashahairakĩ matu kuama ishanikiki. Eã matu betxipaikĩ ẽ matu iyuaiwẽ taeshũ matu mekeshũ iyukĩ hanu txatxa tibi ũpash haya anu ẽ matu iyukubaĩshanaii.

Isaías 49:15

Mĩ shinanã, aĩbu betsanã, hawẽ bake kayabi betxipaibiakĩ hakimakĩ henetirumẽ? Hawẽ bake kayabibia hakimatiruki. Hakia earã, Siãonẽ, ẽ mia hawa hakima taskatirumaki.

Isaías 54:8

Hawaira matuki sinatakauã matuki dakei matu anua ẽ irubiaima hakia ẽ nui ikibi ini ha ẽ nuimis ẽ ana matu uĩmashanaii”, ikikiki, matũ mebikinanika Senhor Deus hãtxai txanirã.

Isaías 55:12

Nenu Babilônia anu mã Israelbu benibu ana matũ mae anu txĩtũbaini benimabaini bui matũ mai pakea anu unanuma mã hikishãkanaii. Mã haskabainaibu matu uĩtã mati matipa inũ mawa tibi matuwẽ benimai kãtaibũ ni shukuabũ matu uĩtã matuwẽri benimakĩ mekẽ paush paush akai keskai bubi bubi ishãkanikiki.

Isaías 55:3

Eki kemai ea anu beshũ ea nĩkakãwẽ. Ea nĩkahairakubaini mã hiweshanaii. Davi betxipaikĩ yubanishũ amakĩ ẽ meneshuni keska wakĩ matube yubakatã henepaketima ẽ matuberi yubakatsis ikaii.

Isaías 55:7

Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

Isaías 61:8

Deusũ hatu yuikĩ: “Yunuti kushipa pepa ea Senhor Deusũ ẽ betxipaimiski. Hakia habu yumetsumisbu inũ yura betsa tenãmisbu danaĩ ẽ hatuki sinatamiski. Ẽ shinã haskawẽ taea enabu habu duawakĩ heneama pewẽ hatu manakukatsi iki ẽ hatube yubakakĩ mestẽwãkĩ ẽ akibi ashanaii.

Isaías 63:7

hanushũ Isaíasĩ yuikĩ: “Ea hãtxairã, Deus nuikipakiri ẽ hãtxakatsis ikaii. Dasibi hatũ nuku ashũmis inũ, Israelĩ enabu hawẽ duapa keyutimawẽ nuku duawamis inũ, nukuwẽ nuikĩ nuku betxipaimiswẽ taea ha kẽwaĩ ẽ kãtakatsis ikaii.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Malaquias 2:5

“Ẽ yubaka hãtxarã, hiweti hãtxa inũ unanuma hiweti Levĩ enabu ẽ ashuniki, na yunuti hãtxa hatu inãkĩ habu eki meseti inũ dateti wakinã. Haskawẽ taeshũ habũ ea uĩmai ewẽ datekĩ ea nĩkakĩ duawapaunibuki.

Mateus 16:18

Eã mia kenakinã, mia Pedro wakĩ mixki kuxipa keska ẽ mia waii. Mĩ haska hãtxakĩ yuishuwẽ taeshũ yurabu mĩwẽri itxapa ẽ hatu ikũwãmashanaii. Yura mema mawatirubiakẽ Satanásã datemakĩ ea ikũwaĩbu maematirumaki, hatu nemakinã.

Mateus 24:35

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

Mateus 5:18

Txanima nai anua inũ mai keyuriamakẽ Deusũ hãtxa yuishunikabubetã haska Moisés hatu yusĩni hãtxa ikũnã, eã ẽ matu yuiairã, hawa tsuã nemakĩ inũ hawa betsa wama hãtxa tibi menepakeshanikiki.

Tito 3:5

Nukubũ hawa wakĩ nũ peshunamabia hawẽ nui pepas hawa husiamawẽ nuku mekekĩ piskumaniki, nukũ txakabu txuka keska wakĩ. Nuku ana kaĩ bena wakĩ hawẽ hiwea bena nuku inãniki, hawẽ Yushĩ Pepawenã.

Hebreus 12:27

Hakiri yuikĩ: “Ana bestiwakĩ ẽ ashanaii”, inirã, ha mai damiwani anua hamapai tibi maewakeaketã hanushũ hawara Deusũ abuai maewama hau betsama ipakeshanũbũ dasibi damiwani Deusũ ana patxa sakumaya hawara Deusũ mekekatsi ikama hamebi yamai keyushanairã, nũ tapĩtirubuki.

Apocalipse 6:14

hanua nai yamakaini una sebiki ikaskainaya mati inũ hene anu mai natukã maeakei shekekaunaya