Jonas 4:8 - Kaxinawá Bíblia (BR)

⁸ bari mapekeaya bari huaikiria niwe shanabiri ikai Deusũ shũku imabirana hawẽ bushka barĩ kuahaira Jonas unãyamasi mawakatsis ikĩ yuikĩ: —Haskarã, peki, ẽ mawarã, ẽ ana hiweyamanunã— ikaya

Jonas 4:8 Referencias Cruzadas

Gênesis 41:6

hanua txipu shai betsa habiatiri estekiria niwe itxapa bekĩ shana waya kaĩbirã hawẽ bimi shepã bimi ewapabu sheakĩ keyuaibũ uĩkubirã Faraó ana bestẽtã shinaĩ: “Haskakenã, ẽ nama besti ikaii”, ibiatã

1 Reis 19:4

ana sulkiri ha mesti bai tanabaini hari tsua hiweabuma anu shaba bestitxai bari txaitanabaini ka punu nuka hi txãpa hawẽ pei tupã utapã anu tsaua punu nukai hĩ iki mawakatsis ikĩ Senhor Deus yuikĩ: “Senhor Deusuũ, hatiski. Ẽ ana bika tenetirumaki. Ẽ shenipabu ẽ hawa hatu binuamaki. Menã ea tenãkĩ ẽ hiwea ea biriwe”, atã

1 Reis 21:4

Nabotẽ hãtxa wakĩ yuikĩ: “Ẽ ibubũ hatũ bai ea heneshũbaini ẽ mia inãtirumaki”, akĩ kemawẽ taea sinatai punu nuka hawẽ hiwe hawẽrua Samaria anu Acabe txĩtũkaini hikitã daka hawẽ keneki beti ika hawa hãtxama huĩti nishmahaira dakashũ pikatsi ikamakẽ

Jó 2:10

nemakĩ Jó yuikĩ: —Aĩbuũ, unaĩsmapatũ hãtxa yuiyamawe. Pepa Deusũ nuku inaĩ nũ bimiski. Haskai txakabu hanua huai ha dikabi bikĩ nũ tenetirumamẽ?— atã txakabu dasibi Jó tenekubaini Deuskiri hawa hãtxa txakabu yuiama ikũkainikiaki.

Isaías 49:10

Mã hawa buniama inũ mã ũpash manuama inũ, bari txashahairakĩ matu kuama ishanikiki. Eã matu betxipaikĩ ẽ matu iyuaiwẽ taeshũ matu mekeshũ iyukĩ hanu txatxa tibi ũpash haya anu ẽ matu iyukubaĩshanaii.

Jonas 1:17

hakimamari Jonas bakawã itamamahaira Senhor Deusũ dami wani yunua hushũ Jonas sheashina shaba dabe inũ bestitiã inũ meshu dabe inũ bestitiã kaya Jonas dakashũ

Jonas 1:4

hakia niwe kushipahaira Senhor Deusũ yunua bekĩ ianẽwã betxuruwãbirãkĩ hene buspu tsaubirãkĩ shashu ewapa hashka hashka akaitũ besuaya

Jonas 4:3

Haskawẽ taeshũ Senhor Deusuũ, ea tenãwẽ, iwanã, ẽ mia yukaii. Haskarã, peki, ẽ mawarã, ẽ ana hiweyamanunã— aka

Jonas 4:9

hakia Deusũ kemakĩ yukakĩ: —Nishi ewashina ikis ma shanashuwẽ taea mĩ sinatakũkainairã, haska mĩ shinainã, pemẽ?— aka kemakĩ Jonasĩ yuikĩ: —Hawaikika, eã ẽ shinanã, peki! Hakia sinatayabi ẽ mawaii!— aka

Mateus 20:12

yuikĩ: “Barĩ nuku kua niskaĩ shaba hirabi nuku besti dayai nũ nuitapabaishukẽ haskakĩ ha dama bubiakãshu daya eskarabesbiakãshukẽ nuku itsawakĩ shaba hirabi daya pei mĩ hatu pakashumẽ?” akabu

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.

Apocalipse 7:16

Haria ana nuitapai buni ũpash manui ikama inũ, barĩ ana hatu kuama inũ, shana bakakĩ ana hatu bikawama ishãkanikiki.

1 Samuel 3:18

Senhor Deusũ hãtxa Samuelĩ Eli banabimakĩ huneama dasibi yui keyua, Elĩ nĩkatã yuikĩ: —Aa, mĩ ea peirawawa! Txanimaki. Nukũ Shanẽ Ibu kayabiki. Hawenaki. Haska betxipaiai keska hau anũwẽ— aka