Isaías 33:16 - Kaxinawá Bíblia (BR)

¹⁶ haburã, txanima hatũ hiwea mestẽki. Hanu pashai hiwei meketiruburã, hatũ hiwe kushiparã, mishki hiweki. Habu hiweabu anurã, piti hamẽ ikai inũ ũpash hawa yupama ishãkanikiki.

Isaías 33:16 Referencias Cruzadas

1 Reis 19:6

bestẽtã uĩbaũkĩ hawẽ bushkakiri mishki mamaki txi kuhairaiwẽ misi dama bawashu inũ ũpash shumuki mata betxitã benikauã misi pikĩ ũpash neshutã ana habianuri dakatã ushaya

Salmos 15:1

“Senhor Deusuũ, miki nukuti hiwe anua tsua hikitã mia kẽwãtirumẽ? Ha inũ, mĩ mati meribi Jerusalém anu tsua mibe ikũkaĩtirumẽ?” aka

Salmos 33:18

Hakia tsuabũra haki mesei inũ hakiri pe hãtxakĩ nũ yuimis Deus nukuwẽ nuimis nũ ikũwaĩbu nuku putama nuku mekekubaĩmiski,

Salmos 34:10

Tsuara mabuwãyã hiwemisburã, benui keyuaya nuitapai ana hawa hayama buni teneshãkanikiki. Hamẽ tsuabũra Senhor Deus benakubaĩmisburã, hawa hawẽ hamapai tibi pepa benuama ikũkaĩshanikiki.

Salmos 37:3

Na mai anu mã hiwearã, Senhor Deus ikũwaĩ haki txiti ikĩ pepa besti aki txĩtuãma txibãkubaĩwẽ.

Salmos 91:14

“Hau huni txakabubũ meyamanũbũ ha ẽ tsuma pepatũ ea betxipaikĩ ea unaĩwẽ taeshũ eã ha mekekĩ ẽ pashawashanaii.

Provérbios 1:33

Hakia habũ ẽ yusiã nĩka pewakubainaibu unanuma hiwekubaĩshãkanikiki, hawara txakabu mese huaya dateamarã”, anikiaki.

Provérbios 10:9

Tsuabura pe hiwekĩ hawa txakabu meisbuma hawaki dateama unanuma hiwekubaĩmisbuki. Hakia tsuabũra txakabu mekĩ hunebiamisbu hatũ txakabu shabakabi betxitã hatu dake washãkanikiki.

Provérbios 18:10

Senhor Deusũ kushipa kayabi shinãtirã, mishki kushipa hiwe keyatapa wanibu hanu iruti keskaki. Tsuara pepabu hatũ mekenika Senhor Deus anu itxai buaibu hatu mekekubaĩmiski.

Isaías 32:18

Enabu hiweirã, mae pes daka anu hiweshãkanikiki, hawa dateamarã, hanu hiweabu tsuã hatu metirubuma anurã.

Isaías 49:10

Mã hawa buniama inũ mã ũpash manuama inũ, bari txashahairakĩ matu kuama ishanikiki. Eã matu betxipaikĩ ẽ matu iyuaiwẽ taeshũ matu mekeshũ iyukĩ hanu txatxa tibi ũpash haya anu ẽ matu iyukubaĩshanaii.

Isaías 58:14

Mã haskakubainaiburã, ea anua matũ benima pae mã bikubaĩshanaii. Matuki sinataibu ẽ kushipawẽ matu maemamatã matũ mae anu ana iyushũ ẽ matu shanẽ ibu washanaii. Matũ shenipabu Jacó ẽ yubani keska matubu ẽ matu inãshanaii, mã hawẽ benimashanũbunã”, ikĩ Senhor Deus kayabitũ hawẽ hãtxa haska mestẽwãkĩ yuikiki.

Jeremias 37:21

nĩkatã shanẽ ibũ hiwe hawẽrua mekenikabũ hemaĩtĩ kenekauna anu mekeshũ shaba tibi misi ewapa bestitxai hau inãkubainũbũ shanẽ ibuhaira Zedequiasĩ hatu yunua harishũ mekekubaĩkĩ misi hayayukẽ misi wanikabũ bai anua shaba tibi misi ewapa bestitxai beshũbirãbiranabu shanẽ ibũ hiwe hawẽrua mekenikabũ hemaĩtĩ kenekauna anu Jeremias hiweyukẽ,

Habacuque 3:19

Ẽ shanẽ ibu Senhor Jeovaã, ea kushipa inãkĩ ni txashu hawaira kaĩmis keska ẽ kishi ea wa mati keyatapa hanu pashati anu Senhor Deusũ ea iyukĩ mapemashanikiki”, inikiaki.

Mateus 6:11

Ha inũ, nuku mekekĩ na habiatiã nũ piyunũ haska mĩ xinaĩwẽ piti nuku inãwẽ.