Hebreus 11:13 - Kaxinawá Bíblia (BR)

Hamẽ ha yurabu haska Deusũ hatu yubani hari hiweriamabia ikũwã besti mawanibukiaki. Hakia Deusũ yubani bebũkirihairashũ ikũwãkĩ besti xinaĩ punu nukama manakakĩ habũ ibubis xinaĩ: “Na nawã mai anu baii niyua keskakĩ Deusũ mae pepa nai anua nũ hari kashanai anu nũ manakakubainaii”, ikubainibukiaki.

Kashinawa : Diosun Jesúswen taexun yuba bena yiniki

Jamen ja yudabu jaska Diosun jatu yubani jadi jiwediamabia ikunwan besti mawanibukiaki. Jakia Diosun yubani bebunkidijaidaxun ikunwankin besti shinain punu nukama manakakin jabun ibubis shinain: “Na nawan mai anu baii niyua keskakin Diosun mae pepa nai anua nun jadi kaxanai anu nun manakakunkainaii”, ikubainibukiaki.

Hebreus 11:13 Referencias Cruzadas

Gênesis 21:34

Hanua haskai Abraão Gerar nawabu anu hatu dapi bai kani hawenabube hiwepaunikiaki, bari itxapa hanu Filisteu nawabu hiweabu anurã.

Gênesis 47:9

hatũ yuikĩ: —Ẽ bari itxapa tekikaĩriamaki, natiã 130 ano na mai anu maea akeakekĩ bika betsa betsapa tenei ẽ hiweyuaii, ẽ shenipabu hiweniti ẽ bari kemariamarã— akĩ

Gênesis 48:21

Hanushũ hawẽ bake José yuikĩ: —Uiã. Ẽ ma matu mawashũkatsis ikaii. Hakia ewẽ dateyamashãkãwẽ. Txanima Deusũ matu merabewapakekĩ ana nukũ shenipabu hiwekubaunibu anu matu txĩtũwãshanikiki.

Gênesis 49:18

hawẽ mekenika Deus datã akĩ: “Senhor Deusuũ, mĩ ea mekekubaĩshanai ẽ mia manahairaii”, itã

Gênesis 49:28

Hatibuki, Israelĩ 12 huni bakebu shukua tibi hatũ ibuã habu tibi hau haskanũbarinũbũ hatu hãtxa tibi yuikĩ yunua akeakenirã.

Gênesis 49:33

hanua Jacó hawẽ bakebu hãtxa wakĩ menetã ana dakai petã mawaya

Gênesis 50:24

Hanushũ José hawẽ betsabu yuikĩ: “Mawakĩ ẽ ma matu shunukatsis ikaii. Ẽ haskabiaya Deusũ matu merabewakĩ Egito anua matunabu tashnimabaĩkĩ hanu nukũ shenipabu Abraão inũ Isaque inũ Jacó ha mai Deusũ hatu yubani anu matunabu iyushanikiki”, iwanã,

Êxodo 2:22

hanushũ huni bake bima kaiã hawẽ bake kenakĩ Moisĩ yuikĩ: “Huni betsã mai pakea anu nawa keskai ẽ hiwekũkainaiwẽ taeshũ hawẽ kena Gérson ẽ waii”, hatu wa

Números 24:17

Hawara haska tashnishanai ma ẽ uĩshuki. Unu iriamahaira haskakũkaĩshanai bebũkiri ẽ unaiĩ. Jacó enabu anua huni kushipahaira tashnishanikiki, bishi bena txasha txasha ikai keskarã. Israelĩ enabu anu shanẽ ibuhaira benikaũshanikiki. Hatũ bushka butxusha keska wakĩ Moabe nawabu yamawashanikiki. Sete enabu pabiakubainaibu haburi butxushkĩ yamawariashanikiki.

João 12:41

Hanushũ Isaíasĩ namai keskakĩ Jesusũ kuxipa uĩtã hakiri txanikĩ hatu keneshuniki.

João 8:56

Yurabube hiwei ẽ huai uĩkatsi manakai ikũwaĩ matũ shenipabu Abraão benimaniki. Atimas ea uĩtã xinã txãkaĩ benimahairaniki— hatu wa

Romanos 4:21

Haska Deus kuxipatũ yubanishũ uĩmashanai Abraãonẽ xinãkubainai

Romanos 8:24

Haska nũ manaiwẽ taea nũ ma mekea hayaki. Na bika nũ uĩaĩwenã, nũ hawẽ mekeamaki. Hakia nũ uĩriama nũ ha manakai hiwea haki nukui nũ hawẽ mekeshãkanaii, hawara ha Deusũ nuku yubanirã.

2 Coríntios 5:6

Haskawẽ taea nũ benimakũkainaii. Na nukũ yurawẽ nũ hiwea nukũ Shanẽ Ibube benãta nũ hiweyua nũ unaiĩ.

Efésios 2:19

Haska inũ, uatiã Deuskiri unãma hariri mã xinãma ibiani natiã haska Deusũ nuku yubani ikũwaĩ nũ hayabu matuburi mã Deusbe haibunametirubuki, haska judeubũ Jesus ikũwaĩ keskai mã ma Deusũ enaburiki.

Hebreus 11:14

Habũ haska yuibiakĩ hatũ mae kayabi betxiriama shabakabi nĩkakĩ unãbiai haskara dabanẽ ha mae manaka bestikubaĩkanikiki.

Hebreus 11:17

Ha inũ, Abraãonẽ Deus ikũwãniwẽ taeshũ Deusũ hawẽ bake Isaquekiri yubakĩ yuikĩ: “Isaquewẽ mĩ bababu itxapa mia washũshanikiki”, abianishũ hanushũ haska ikũ ea txibaĩmẽkaĩ? ishũ unãti wa hawẽ bake Isaque Abraãonẽ Deus inãkĩ kua keyushunũ, iwanã, hawa yauxi hawẽ nuiama hawẽ bake bestitxai iyui kanikiaki.

Hebreus 11:27

Haskakẽ Egitonawabu shanẽ ibu haki sinatabiaya hawa haki dateama Egito mai pakea anua kaĩkainima Deus uĩtirumabia ikũhairawakĩ xinã betsa wama ikũkainikiaki.

Hebreus 11:39

Haskabia habũ Deusũ yubani xinãkĩ ikũwaĩbuwẽ taeshũ hawẽ yubaka hatu uĩmariamabia Deus hatuki petxiama hatu unãti watã hatuwẽ benimakũkainikiaki.

1 Pedro 1:1

Ẽ Pedro Jesus Cristõ kuxipayatũ ẽ hãtxa ẽ matu bumaii, mã mai pakea tibi Ponto inũ, Galácia inũ, Capadócia inũ, Ásia inũ, Bitínia anu mã hiwebaunabu anurã.

1 Pedro 1:17

Habiaskari wakĩ yurabu betsa betsapa dasibi uĩkĩ hatũ xinã tibi inũ haska wamisbu tibi kaneama Deusũ unãti washanaiwẽ taeshũ Deus dayuikĩ: “Epaã, ea mekewe”, aki bari tibi matũ hiweawẽ duawakĩ kẽwaĩ haki mesekubaĩkãwẽ.

1 Pedro 2:11

Ẽ betsabu inũ ẽ puibuũ, ẽ matuwẽ nuikĩ yunuai ea nĩkakãwẽ. Mã txaikea huima mã ikũwãbumabe hiwea naxui ika keskaburã, ha yurabũ haska xinaĩ habũ kemu paewẽ matũ yushĩ atxishũ yabutã matu bika tenematirurã, haska abuama henekubaĩkãwẽ.

1 João 3:19

Hamapai tibi kanebiakubaini nukunabube nũ abunamemiswẽ taeshũ Deusũ nukũ txakabu nuku buashuni nũ unãtirubuki.