Gênesis 49:18 - Kaxinawá Bíblia (BR)

¹⁸ hawẽ mekenika Deus datã akĩ: “Senhor Deusuũ, mĩ ea mekekubaĩshanai ẽ mia manahairaii”, itã

Gênesis 49:18 Referencias Cruzadas

Gênesis 49:17

Dunu pianã bai kesha manishũ cavalo tae txipũ meshtea keska wakĩ ha huni haki tsaua buaibu minabũ hatu pakeshanikiki, hatu maemakinã”, akĩ

Salmos 14:7

Ha Israelbũ mekenikarã, Jerusalém anu shanẽ ibunũ ika hau hushanũwẽ! Senhor Deusũ nũ hawenabu nuku ana pe mekekĩ duawaya Jacó enabu, ha Israelburã, dasibibu mae tibi anuabu benimai shinã txãkãshãkanikiki.

Salmos 40:1

Ẽ bika teneairã, Senhor Deusũ shinã ẽ manamiski. Ẽ kashayabi yukai Senhor Deus parabeketã ea nĩkatã

Êxodo 15:2

Hakiri ẽ kãtakũkainũ ea kushipa wakĩ Senhor Deusũ ea merabewamiski. Ẽ mekenika Deus kayabiki. Haskawẽ taeshũ heneama ẽ kẽhairawakubaĩshanaii. Ẽ epã mekenika Deus iniwẽ taeshũ hakiri hãtxa pepa besti ẽ hatu yuikubaĩshanaii.

Provérbios 14:32

Huni txakabu hatũ txakabuwẽ txakabuwai di imisbuki. Hakia huni pepabu duapakubaini hawẽ pepawẽ hawa dateama unanuma mawatirubuki.

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Isaías 33:2

Senhor Deusuũ, miki txiti ikĩ nũ mia manaii. Nukuwẽ nuiriwe! Penama tibi mĩ kushipawẽ merabewakĩ nuku uĩmakubaĩwẽ. Nũ bika teneaitiã nuku merabewakĩ piskumakubaĩwẽ.

Isaías 8:17

Senhor Deusũ hawẽ hãtxa Jacó enabukiri hunebiaya eanã, ikũwaĩ ẽ haki txiti ikaii.

Miquéias 7:7

Hakia merabe ẽ yuka ea nĩkashanaiwẽ taeshũ ea hatũ piskumashanai Senhor Deus manakakĩ Deus besti huai ẽ manakubaĩshanaii.

Mateus 1:21

Ha huni bake kaĩtã ewatã hawenabu Deuski petxia txakabumisbu hau hatũ ana Deus txibanũbũ hatu merabewashanaiwẽ taeshũ kenakĩ: ‘Jesus’, washãwẽ”, aka Josẽ haska nĩkatã xinãnikiaki.

Marcos 15:43

hanua judeu Sinédriobube hatube shanẽ ibumis betsa José Arimatéia anua kaĩnitũ Cristo Shanẽ Ibushanai manakubaĩxina hawa dateama Pilatos anu kashũ Jesus maiwakatsi hawẽ yura yuka

Lucas 1:30

nai tsumã ana yuikĩ: —Mariaã, ewẽ dateyamawe. Miwẽ dabanã Deus benimahairaiwẽ taeshũ huni bake mia bimakĩ miki naneshanikiki. Txipu kaĩyã kenakĩ: “Jesuski”, ashãwẽ.

Lucas 2:25

habiatiãri huni betsa pepahaira Deus kẽwãkĩ kaneisma hawẽ kena Simeão Jerusalém anu hiweshũ Deusũ Israelbu dasibi ana merabewakĩ hatu pekakĩ akawashanai yubani Simeão manakakubaĩxina hawẽ Yushĩ Pepa haya hatũ merabewakĩ unãmaya

Lucas 2:30

Na bakewẽ yurabu pashawakĩ mĩ mekeshanai ẽ ma uĩaiĩ,

Romanos 8:19

Mai hirabiki dasibi habu Deusũ damiwani: “Haratu hawẽ bakebu kayabimẽkaĩ?” ishũ shabakabi uĩkatsis ikĩ hĩ hĩ itxakayamakĩ manakanikiki.

Romanos 8:25

Habiaskabiakẽ hawara Deusũ mae nai anu kashũ nũ uĩriama nũ hawẽ nuiama Deusũ hãtxa ikũbestiwakĩ xinã mestẽwãtã nũ manayukubainaii.

Gálatas 5:5

Hanua nukunã, Jesuski dasitã nũ ikũwaĩwẽ taeshũ Deusũ Yushĩ Pepatũ nuku merabewaya Deus kaneismatũ nukũ txakabu nuku buashuniwẽ pepai nũ habe hiwekuĩshanai hawa teama nũ manayukubainaii.

1 Tesalonicenses 1:10

Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.