Hebreus 11:17 - Kaxinawá Bíblia (BR)

^17-18 Ha inũ, Abraãonẽ Deus ikũwãniwẽ taeshũ Deusũ hawẽ bake Isaquekiri yubakĩ yuikĩ: “Isaquewẽ mĩ bababu itxapa mia washũshanikiki”, abianishũ hanushũ haska ikũ ea txibaĩmẽkaĩ? ishũ unãti wa hawẽ bake Isaque Abraãonẽ Deus inãkĩ kua keyushunũ, iwanã, hawa yauxi hawẽ nuiama hawẽ bake bestitxai iyui kanikiaki.

Kashinawa : Diosun Jesúswen taexun yuba bena yiniki

^17-18 Ja inun, Abrahamnen Dios ikunwaniwen taexun Diosun jawen bake Isaackidi yubakin yuikin: “Isaacwen min bababu ichapa mia waxunxanikiki”, abianixun januxun ¿jaska ikun ea chibainmenkain? ixun unanti wa jawen bake Isaac Abrahamnen Dios inankin kua keyuxunun, iwanan, jawa yaushi jawen nuiama jawen bake bestichai iyui kanikiaki.

Hebreus 11:17 Referencias Cruzadas

Provérbios 17:3

Ouro mane inũ prata mane has unanũ, iwanã, txiwẽ kuakĩ unãmisbuki. Haska keska wakĩ hunibũ shinã pepa inũ txakabu Senhor Deusũ unãti wakubaĩmiski.

João 3:16

Jesusũ ana Nicodemos xinãmakĩ yuikĩ: —Yura betsa betsapa dasibi hiwebaunabuwẽ nuihairakĩ Deusũ eska xinãtã ea hawẽ bake bestitxai yunukĩ tashnimaniwẽ taeshũ tsuabũra ea ikũwãkĩ hawẽ hiwea kayabi benutima bitã mawa kayabiama Deusbe hiwekuĩshãkanikiki, ikibi ikirã.

2 Coríntios 8:12

Hanushũ tsuabũra txanima kayabi yura betsa merabewakatsis ikaibu Deusũ hatũ xinã nuima unãkĩ hatuwẽ Deus benimamiski. Hawara haya inũ hawara hayama xinãma hakia haska hawara pepa nũ haya nũ inãtirubu Deusũ nukukiri xinãmiski.

Hebreus 11:13

Hamẽ ha yurabu haska Deusũ hatu yubani hari hiweriamabia ikũwã besti mawanibukiaki. Hakia Deusũ yubani bebũkirihairashũ ikũwãkĩ besti xinaĩ punu nukama manakakĩ habũ ibubis xinaĩ: “Na nawã mai anu baii niyua keskakĩ Deusũ mae pepa nai anua nũ hari kashanai anu nũ manakakubainaii”, ikubainibukiaki.

Hebreus 7:6

Melquisedeque Levĩ babamabiatũ Abraão anua hawẽ mabu mãtxiã betsa binikiaki. Ha inũ, betsarã, Deusũ Abraão duawakĩ ma yubabianikẽ Melquisedeque shanẽ ibuhairatũ nukũ shenipabu Abraão beshmas merabewakĩ duawanikiaki.

Santiago 5:11

Ha inũ, txĩtuãbumawẽ taeshũ Deusũ duawakĩ hatu kẽwãkubainiki. Nukubu nũ xinã txãkãkatsis ikairã, hawara bika tenekĩ haska besti meama hawẽ kuxipakĩ binukĩ nũ tenetirubuki, haska nũ abuamabiarã. Haska nukũ shenipabu Jó ini mã nĩkamiskiri shabakabi ana matu xinãmanũ nĩkakãwẽ. Hamapai bika tibi yurabũ tenetirubu Jõ tenekubainaya hawẽ yura txami keyuni inũ hamapai bikahaira teneai Deusũ nemama ibiaya Jõ Deus ikũwãpakekubaini txĩtuãma inikiaki. Haska Jõ ikũhairawai nukũ Shanẽ Ibu Deusũ haskara watã hawẽ nuikĩ duawakĩ atimas hawẽ isĩ shushawatã ana hawenabu inũ hawẽ yuinaka debui keyuima ana hawẽtxaĩs inãkeakebainikiaki, hawẽ xinã pepawẽ Deus Jówẽ nuikinã, nukũ Shanẽ Ibu nui txakama inũ merabenã txakaismatũ hawẽ nuikĩ ashũkinã.

1 Pedro 4:12

Ẽ betsabu inũ ẽ puibuũ, matuwẽ nuikĩ matu yuinũ nĩkakãwẽ. Dasibi ikũwaĩbunã, bika betsa tibi nũ tenekubaĩmisbuki. Ma maturi memairã, ha bikawenã, hawẽ e iki hawẽ nuiama mestẽtã tenekubaĩkãwẽ.

Apocalipse 3:10

Ha inũ, itxakanikatũ mai hirabi anu dasibi maniabu hatu bika tenemakĩ itxakawaya mã Filadélfia anuabũ ẽ yusĩa hãtxa txibãkĩ hawa mã heneismakẽ matu merabewakĩ hawa putama ẽ matu keshekubaĩshanaii.