Gênesis 48:21 - Kaxinawá Bíblia (BR)

²¹ Hanushũ hawẽ bake José yuikĩ: —Uiã. Ẽ ma matu mawashũkatsis ikaii. Hakia ewẽ dateyamashãkãwẽ. Txanima Deusũ matu merabewapakekĩ ana nukũ shenipabu hiwekubaunibu anu matu txĩtũwãshanikiki.

Gênesis 48:21 Referencias Cruzadas

Gênesis 15:14

Hatu haska waibu uĩtã eãri hatu unãti watã ẽ hatu kupishũshanaii. Habũ hatu itxakawaibu nawabu ẽ hatu kupishunaya minabu kaĩbaini pashashãkanikiki, hatũ mabu itxapa bibaini buirã.

Gênesis 15:16

Hakia ha mai pakea anu minabu hikitã hatũ ibuwẽ 4 shenipabu pakea tibi hiwekubainaibutiã habũ bakewakubainaibu ewatã habiatiãri 400 ano binukainaya minabu hari hiwea hatu itxakawabu ẽ hatu pashawa minabu Canaã anu nenu habianuri ana hiwei txĩtũbirani benũbarikanikiki. Hanua Amorreu nawabu na nenu hiweaburã, hatũ txakabu pikuhairariabumakẽ ẽ hatu kupinũbariai ẽ manayukubaĩshanaii— aka

Gênesis 28:15

Mibe putanameama hanira mĩ kaya merabewakĩ ẽ mia mekekubaĩshanaii. Na mai pakea anu mĩ ana hiweshanũ ẽ mia ana nenu iweshanaii, txĩtũwãkinã. Ẽ mia yuishu ẽ mia ashũriama hakimama ẽ mia heneama ipakeshanaii— aka

Gênesis 37:1

Hanua hanu hawẽ epa Isaque hiweni anuri Jacó hiwerianikiaki, Canaã anurã.

Gênesis 46:4

Earã, ẽ mibe kaii, Egito anurã. Habia ea kayabistũri minabu ẽ hatu tashnimabirãshanaii. Mĩ haria mawayarã, mĩ bake José mia putama mĩ haũbia mawashanaii— aka nĩka ishĩ

Gênesis 47:29

shaba betsatiã Israel hawẽ yura mei ma anibuhairai babui mawakatsis ikĩ hanushũ hawẽ bake José txanima yuishũtanabu hua yuikĩ: —Epaã, ẽ ma mia shunũkatsis ikaii, ẽ ibubuki nukui kairã. Txanima mĩ ea merabewakatsis ikairã, mĩ mekẽwẽ ea kishwakekĩ ea bakewe, nũ yubakanunã— atã yuikĩ: —Ẽ matu mawashuna ewẽ nuikĩ ẽ yura na Egito anu ea mai wama hari mĩ hutxi ẽ mai wani anu hariri ea maiwakĩ buriashãwẽ— aka —Dateyamawe, haska mĩ ea yuiai keskarã, ẽ mia ashanairã— abia

Gênesis 50:24

Hanushũ José hawẽ betsabu yuikĩ: “Mawakĩ ẽ ma matu shunukatsis ikaii. Ẽ haskabiaya Deusũ matu merabewakĩ Egito anua matunabu tashnimabaĩkĩ hanu nukũ shenipabu Abraão inũ Isaque inũ Jacó ha mai Deusũ hatu yubani anu matunabu iyushanikiki”, iwanã,

Gênesis 50:6

hanushũ Faraónẽ José kemakĩ: —Txanima peki. Kashũ mĩ epa mai watãwẽ, haska mĩ epã mia yubashina keskarã— aka

Lucas 2:29

“Shanẽ Ibu kuxipatuũ, natiã ea duawakĩ haska mĩ ea yubaima mĩ ma akaki. Haskawẽ taea hawa dateama unãnuma benima paewẽ ẽ mawashanai ea ana nemayamashãwẽ.

Hechos 13:36

txanima Deusũ Davi yunua shanẽ ibukĩ hawenabu merabewakubaini atimas mawa maiwabu hawẽ shenipabuki nukutã hawẽ yura beniama txapuni natiã mã unaiĩ.

2 Timóteo 4:6

Hamẽ earã, natiã ma ẽ yura Jesus Cristo inãkĩ ẽ mawashũshanai ma kemaikiki.

Hebreus 7:3

Ha inũ, betsarã, nukunabu Deusbe nuku hãtxashunikakiri hatu unãkĩ hatũ epa inũ hatũ ewa inũ hatũ shenipabukiri unãkĩ nũ hatu tanakubaĩmiski. Hakia Melquisedeque betsahairakiaki, tsuã unãmarã. Hawenabukiri tsuã unãma inũ, hawẽ kaĩyãkiri tsua hakiri hãtxaisma inũ, mawani tsuã unãmakiaki. Hakia Deusũ bake keskai hawenabu Deusbe hãtxashunika ipakeriaikiaki, heneamarã.

Hebreus 7:8

Uĩkĩ xinãkãwẽ. Levĩ bababũ Deus dayashũkĩ hawenabu Israelbũ inãkuĩ bishũbiakubaĩmisburã, debukubirãmisbuki. Hamẽ Melquisedequekiri keneniburã, hiwepakeaiwẽ taea Abraão anua inãkuĩ bikinã, Levĩ bababu binunikiaki.

Josué 1:5

Mĩ hiweyua hatube detenameaya tsuãra mia binutirubumahairaki. Ẽ Moisés merabewakubirani keska wakĩ habiaskari ẽ mia merabewakubaĩshanaii, putakĩ hawa henebainamarã.

Josué 1:9

Hanira mĩ kai anurã, earã, mĩ merabenã Senhor Deus ẽ mibe kaya huĩti nishmai hawa dateama kushipai mẽtsisipakũkaĩshãwẽ, eã ẽ mia yunukĩ nitxiaĩwẽ taearã”, aka

Josué 23:14

Yura dasibi ishanaibu keskai ikis eari ẽ matu mawashũshanaii. Hawara pepa matũ mekenika Senhor Deusũ matu yubani ashũkĩ ma keyushinarã, matũ huĩti merã inũ matũ yushĩwẽ mã unãhairaii. Dasibi matu ashũkĩ hawẽ yubati hãtxa dasibi hakimama ishiãki.

Josué 3:7

hanushũ Senhor Deusũ Josué ana yuikĩ: “Minabu ẽ mia hatu kayati wamakĩ na habiatiã ẽ taewaii. Unuri mĩ shanẽ ibu kushipai ẽ mia ewawamabaĩkĩ hatu uĩmakubaĩshanaii. Haska ẽ Moisés merabewakubiranima keska wakĩ minabũ berubiri shanẽ ibu kushipa wakĩ mibe nishũ ẽ mia merabewakubaĩshanaii.

2 Pedro 1:14

Nukũ Shanẽ Ibu Jesus Cristõ ma hanu ea yuini ma ẽ mawashanairã, ma kemaikiki.