Gálatas 1:1 - Kaxinawá Bíblia (BR) Jesusũ tsuma kuxipaya betsa earã, ẽ Pauloki. Hawa hunibũ hatũ xinãnẽ katushũ ea yunuama inibuki. Hakia katukinã, Jesus tenãbu hatũ bestẽwani hawẽ Epa Deus inũ ha kayabis Jesusũ hamebi ea katunishũ ea yunukubaĩmisbuki. Kashinawa : Diosun Jesúswen taexun yuba bena yiniki Jesúsun tsuma kushipaya betsa eadan, en Pabloki. Jawa junibun jatun shinanen katuxun ea yunuama inibuki. Jakia katukinan, Jesús tenanbu jatun bestenwani jawen Epa Dios inun ja kayabis Jesúsun jamebi ea katunixun ea yunukubainmisbuki. |
ana nuku yuikĩ: —Haska mã unãnumamẽ? Ẽ matu hushuãki. Datetima kuxipa ẽ matu baxishunaii. Haska inũ, haska ẽ Epa Deusũ ea nitxĩkĩ yununi keska wakĩ ẽ matu nitxĩkĩ yunuriaii— iwanã,
Jesusũ ana hatu yuikĩ: —Txanima ẽ matu yuiaii. Deusũ bakẽ hawẽ xinãnẽ besti haska atirumaki. Hakia hamapai xarabu Epa Deusũ akai uĩkĩ habiaskari wakĩ hawẽ bakẽri ariatiruki. Haskakẽ Epa Deusũ xinãnẽ ea hawẽ bakẽ ẽ ariaii.
eãri yukakĩ: “Shanẽ Ibuũ, haskapa?” ẽ aka ẽ Shanẽ Ibũ ea yuikĩ: “Benikaini kai Damasco anu karitãwẽ, harishũ mĩ haskakũkaĩshanai tsuãra mia yuishanikikirã”, ea akaya
Haska wakĩ hatũ nuku hiwekuĩmashanai mã hatu tenãmabia mawa Deusũ ana nuku bestẽwãshuĩma nukubũ uĩkubainimashũ nũ unaiĩ.
Benikaini kai Damasco anu karitãwẽ, harishũ mĩ haskakũkaĩshanai tsuãra mia yuishanikikirã— akaya
Mã Jesus Cristo ikũwaĩbu Roma anuabu ẽ Paulo hawẽ tsumapã mã haskaramẽkaĩ? ishũ ẽ matu kene bumai uĩrakãwẽ. Hawẽ kakape ẽ txaniakeakeshanũ habistũ hawẽ kuxipaya ea wakĩ Deusũ ea meribi watã ea yununiki.
Haskakẽ hawara hawẽ bakekiri hawẽ hãtxa yuishunika Deusũ nuku kenemashuni haratubũra txibãkĩ shabakabi dateama yuikĩ: “Jesus Cristo ẽ Shanẽ Ibuki”, iwanã, haska Jesus mawa Deusũ ana bestẽwani ikũ kayabi waibu hawenabu watã niti akama Deusũ habu matu mekekubaĩshanikiki, hiwekuĩmakinã.
Haskawẽ taea Cristo mawatã ana bestenirã, txanima dasibitũ shanẽ ibunũ ika iniki, natiã nũ hiweabuna inũ habu mawabunarã.
Jesus Cristõ kuxipayawakĩ Deusũ ea xinãkĩ ea katunikẽ Cristowẽ taea nukũ betsa Sóstenesbetã ẽ Paulõ ẽ matu kene bumakĩ taewaii.
Ẽ Paulo Jesus Cristõ kuxipayawakĩ Deusũ hawẽ xinãnẽ ea katunikẽ nukubetã ikũwaĩ nukũ betsa Timóteobetã ẽ Paulõ ẽ ana matu kene bumaii. Deusunabu Corinto mae ewapa anushũ mã ikũwaĩbu inũ dasibi nukubetã Jesus txibaĩbu Acaia mai pakea anu manibaunabu ẽ matu kene bumai uĩrashãkãwẽ, haska mã unãnumamẽkainã.
Hamẽ judeubumari hau Deusũ hatu kupiyamashanũ nukũ mekenã Messiaskiri eã ẽ hatu yusĩkubaũshanũ ẽ kaĩriamabiakẽ bebũkiri Deusũ ea katuniki. Hanua hawẽ pepawẽ ewẽ nuikĩ ma ẽ huni ewa ea unãmakĩ ana shabakabi ea katushũ hawẽ bakẽ daya ẽ ashũkubaĩshanũ ea kenashũ hawẽ bake ea unãmaniki. Hanushũ hawẽ merabewati hãtxa hau tsuãra ea yusĩnũ yura betsa ẽ hawa yukama iniki.
Ha inũ, Jerusalém anu dikabi Jesusũ kuxipayabube dukũ ẽ hãtxai kayuama iniki. Hakia Damasco mae ewapa leste bari huaikiri Arábia mai pakea anu ẽ katanima haria Damasco anu ẽ ana txĩtũkiraniki.
Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.
Ea ẽ Paulorã, Deusũ haska xinaĩwẽ Jesus Cristõ kuxipaya ea wakinã, hawẽ yunuawẽ ea aniki. Haska wakinã, hamẽ ea akama hakia haska bebũkiri Deus yubakani hawẽ hiwea keyuisma ikibi ikakiri haska xinãkubaĩmis haska hayawẽ taeshũ Jesus Cristo ea katumaniki.
Natiã hanu ma menekĩ hanu ati wani anu hawẽ bakekiri kakape nũ unãshanũbũ nukũ Epa Deus mekenãtũ nuku unãmani haska wanishũ eki txiti ikaya hawẽ yunuawẽ hawẽ hãtxa ẽ hatu tapĩmakubainaii.
Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.
Haskakirã Cristõ hawẽ Epã hãtxa matu unãmaiwẽ taeshũ mã Deus ikũwãnibuki. Haska matu wabiaya tenãbu Deusũ ana bestẽwãkĩ Shanẽ Ibu wani na habiatiã matũ xinãwẽ hakiri ikũwãkĩ Deusũ hiwekuĩa matu inãshanai mã haki txiti ishũ manakakubainaii.
Ea ẽ hiwea ẽ mawani natiã ana ẽ bestẽni niti ikama ẽ hiwepakeaii. Ha inũ, hiwemati kuxipa inũ kupiti kuxiparã, ea besti ẽ hayaki. Hanu mawai ikibi ishanaibu anurã, eã besti ẽ yunutiruki.
Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.
Ana Jesusũ ea yuikĩ: “Ha hatũ Deusũ hãtxa yuinika Esmirna anu itxamisbu mekea anu na hãtxa ẽ mia yuiai keneshũriwe: ‘Earã, ea dukũ ẽ hiweni inũ ẽ hawẽ henea debesekeaki. Mawabiatã ẽ ana bestẽni ẽ hiweatũ ẽ matu yuiai nĩkakãwẽ.