João 5:19 - Kaxinawá Bíblia (BR)

¹⁹ Jesusũ ana hatu yuikĩ: —Txanima ẽ matu yuiaii. Deusũ bakẽ hawẽ xinãnẽ besti haska atirumaki. Hakia hamapai xarabu Epa Deusũ akai uĩkĩ habiaskari wakĩ hawẽ bakẽri ariatiruki. Haskakẽ Epa Deusũ xinãnẽ ea hawẽ bakẽ ẽ ariaii.

Kashinawa : Diosun Jesúswen taexun yuba bena yiniki

¹⁹ Jesúsun ana jatu yuikin: —Chanima en matu yuiaii. Diosun baken jawen shinanen besti jaska atidumaki. Jakia jamapai shadabu Epa Diosun akai uinkin jabiaskadi wakin jawen bakendi adiatiduki. Jaskaken Epa Diosun shinanen ea jawen baken en adiaii.

João 5:19 Referencias Cruzadas

Gênesis 1:1

Deusũ nai inũ mai dami wakĩ eska wakĩ taewanikiaki.

Gênesis 1:26

Deusũ ana yuikĩ: “Yurabu damiwanãwẽ, nuku itsarã, nukũ yushĩ keska wakinã, mai hirabi anu baka inũ, piti yuinaka inũ, pitibuma yuinaka hau hatũ ibu washanũbunã”, ishũ

Salmos 27:14

Senhor Deuski mestẽtã hawẽ kushipai punu nukama hawẽ shinã betxipaikĩ hawa txĩtuãma haki mestẽkubaĩkãwẽ.

Êxodo 4:11

Senhor Deusũ ana yuikĩ: —Tsuã yurabu keshaya bawanimẽ? Hãtu wakĩ huyu wakĩ pata wakĩ bekũ wãkĩ inũ uĩmairã, tsuã amismẽ? Hakia eã besti ẽ amiski, Senhor Deusũnã.

Provérbios 2:6

Senhor Deusũ yusiã tsuãra pe tapĩkubaĩkinã, haska unanepatiru inũ haska betsa betsapakiri tapĩhairatiru Senhor Deusũ yusĩkĩ hatu inãshanikiki.

Isaías 44:24

Matũ mebikinanika Senhor Deusuũ, mã kaĩriama matũ yura yumewanitũ matu yuikĩ: “Earã, ẽ Senhor Deusũ dasibi dami wakĩ nai hirabi kesukauana wakĩ inũ mai dikabi tashnimatã ẽ mestẽwaniki, tsuã ea hawa merabewamarã.

Isaías 45:24

ea yuikĩ: ‘Senhor Deus besti kushipa maemanika paepaki’, ikaibũ hakia hatiri habũ ea danãmisbu hatuki kashekĩ usãshãkanikiki.

Mateus 26:39

hanua kai txaima ka beuwa maiki beti ishũ Deus yukakĩ: —Ẽ Epa Deusuũ, hamapai dasibi mĩ atiru ẽ unaiĩ. Hau ea tenãyamanũbũ mĩ hatu nematirubia haska ẽ xinaĩwẽ akama mĩ xinã bestiwẽ ea ashãwẽ— atã

João 10:18

Haskakẽ tsuã ea debu watirumaki. Hakia ikatsis iki ibubis ẽ xinãnẽ ẽ debutiruki. Mawakĩ ẽ hiwea ẽ henexina ẽ ana bitiruki, ha kuxipa ẽ Epã ea yununiwẽ taearã— hatu waya

João 12:49

Eãnã, ẽ xinãnẽ ẽ matu yusĩamaki. Hakia Epa Deusũ ea yununitũ ea yunua yusĩkĩ ẽ matu yuimiski.

João 12:50

Eã ẽ Epã hãtxa ẽ unaĩnã, harã hiwea keyutima hayaki. Haskawẽ taeshũ ẽ matu yuiaii, haska ẽ Epã ea yunukĩ yuinirã— akĩ nuku shabakabi yuiniki.

João 14:10

Epa Deus inũ ea, nũ dasiarã, mĩ xinãmamẽ? Ẽ xinãnẽ akĩ ẽ matu yuismaki. Hakia Epa Deus ebe ketashameshũ ea yunukĩ hawẽ daya ea amamiski.

João 2:19

hunea hãtxawẽ hatu yuikĩ: —Na mixki hiwe mã tekekĩ keyuarã, shaba dabe inũ besti kaya ana ẽ benishanaii— hatu wa

João 3:3

Jesusũ ana yuikĩ: —Ikũkĩ ẽ mia yuiaii. Tsuara ana kaĩ benama Deus shanẽ ibuai anu ka hiwetirumaki. Hakia ana kaĩ benatã Deus shanẽ ibuaibe hiweshãkanikiki— aka

João 5:21

Haska inũ, ẽ Epa Deusũ mawabu hiwemamiski. Habiaskari wakĩ hawẽ bakẽri tsuabura katutã hatu hiwekuĩmariatiruki.

João 8:28

haskawẽ taeshũ Jesusũ ana hatu yuikĩ: —Matunã, matũ Hutxi Kayabi Iuwa ea binikĩ benimashũ hanu mã ea unãshanaii. Natianã, haska ẽ xinaĩwẽ ẽ akamaki. Hakia haska ẽ Epã ea yusĩni besti ẽ yuimiski.

João 9:4

—Na mai anu yurabube hiwea ẽ bĩ txashahaira keskaki, hatu unãmanikarã. Haska ẽ shaba hayawẽ taea hatũ ea yununitũ daya ashũrinãkãwẽ. Ea shaba keska ma ẽ kakẽ txakabu huaya ana tsua dayatirumaki, mexu beai keskayarã—

Hechos 2:24

Hakia mawabiakẽ Jesus Deusũ ana bestẽwaĩmaki, mawamamistũ isĩ tenemakĩ baxitirubia hawẽ hiwea yabutiruma binumakinã.

Romanos 6:4

Ha inũ, nuku naximaburã, Cristobe nũ mawa keska nuku habe maiwanibu keskakẽ nukũ xinã txakabu putai nũ hiwei benashanũ hawẽ Epa kuxipatũ Jesus Cristo bestẽwani keska wakĩ hiwea bena betsahairawakĩ nuku bestẽwã keska wamiski.

Romanos 8:11

Hanua Deusũ hawẽ bake Jesus Cristo mawa bestẽwanitũ mã mawa maturi bestẽwãshanikiki, hiwea bena matu inãkinã. Deusũ Yushĩ mã hayawẽ taeshũ matũ yura mawatã txapui keyubiamiskẽ ha Yushĩ matuki dasiatũ matu ana hiwemashanikiki, nai anurã.

1 Coríntios 15:12

Hamẽ betsarã, Cristo mawaxina Deusũ bestẽwanikiri nũ matu yusĩbiamiskẽ haskakĩ: “Mawabũ yura ana besteãma ishanikiki”, iwanã, hatiritũ xinãkĩ Corinto anushũ yuimisbumẽ? Mã haska xinaĩbu matu ana yusĩnũ nĩkairakãwẽ.

2 Coríntios 4:14

Ha inũ, Jesus mawa Deusũ bestẽwanishũ nukuri bestẽwãkĩ maturi bestẽwãriatã Deusũ ibubis nuku habis beismakĩ nuku iyushanai unãkĩ hawẽ hãtxa nukũri nũ yusĩkubainaii, hawa dateamarã.

Efésios 2:5

nukũ txakabũ nuku beshea nũ mawa keskabiakẽ Cristo Deusũ yunua huni mawa ana bestẽwãtã hawẽ taeshũ nuku hiwea inãniki. Hawẽ pepawẽ taeshũ Deusũ matũ txakabu buanikẽ hanushũ matũ mã ma mekea biaki.

Efésios 3:16

Deus matu yukashũkinã, hau hawẽ xinã ewapa keyuisma matu anu yunukĩ hawẽ Yushĩ Pepawẽ matu kuxipa wakĩ hau matu mestẽwãmakubainũ ẽ matu ashũkubaĩmiski.

Filipenses 3:21

Hanua hushũ habiaskari kuxipawẽ hamapai dasibi meke keyumistũ nukũ yura babu atimapa betsa wakĩ benawashanikiki, hawẽ yura txasha keska nuku wariakinã.

Filipenses 4:13

Hanushũ Cristõ ea kuxipa waya hawẽ taeshũ dasibi teneshũ ẽ akĩ keyushũtiruki.

Colosenses 1:11

Haska inũ, eska ẽ matu yukashũmiski. Deusũ hawẽ kuxipa paepawẽ hau matu mestẽwanũwẽ. Haska kuxipa mã hayawẽ taeshũ hamapai bika tenebiai kuxipatã hĩ hĩ ikama inũ benimakĩ

Colosenses 1:16

Cristowenã, Deusũ dasibi nai anua inũ mai anua nũ uĩtiru inũ nũ uĩtiruma yushĩ betsa betsapa kuxipayabu inũ paepabu Cristowẽ damiwanikiaki. Haska damiwakinã, Cristowẽ taeshũ atã Deusũ Cristo hawena wamaniki.

1 Tesalonicenses 4:14

Hakia nukurã, nũ ana haskakiri xinãmaki. Jesus mawa Deusũ ana bestẽwani nũ ikũwaiĩ. Haska wani ikũwaĩ nukuri nũ mawa Jesus bestẽwani keska watã ha huaitiãri Deusũ nukuri bestẽwãtã Jesusbe nuku iyushanai nũ unaiĩ.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

Apocalipse 2:23

Ha inũ, ha aĩbũ hãtxa nĩkamisbu tenãkĩ ẽ hatu yamawashanaii. Ẽ hatu haska waya dasibibũ xinã inũ habũ huĩti ẽ unãhairamis habũ ea ikũwãkĩ txibãmisbũ txanima unãshãkanikiki. Ha inũ, hatiribũ haska hiwea abumisbu unãtã pepabu pepawẽ hatu kupikĩ txakabubu txakabuwẽ ẽ hatu kupishanaii.