João 10:30 - Kaxinawá Bíblia (BR)

³⁰ Ea inũ ẽ Epa Deus ha dabe nũ bestitxai keskaki, dapashkanaismarã— hatu wa

Kashinawa : Diosun Jesúswen taexun yuba bena yiniki

³⁰ Ea inun en Epa Dios ja dabe nun bestichai keskaki, dapaxkanaismadan— jatu wa

João 10:30 Referencias Cruzadas

Mateus 11:27

Jesusũ hatu yuikĩ: —Ẽ Epã hawẽ kuxipa dasibi ea yununirã, tsuã ẽ hawẽ bake ea unãbumaki. Hakia ẽ Epã besti ea unã keyuikiki. Hakia tsuã ẽ Epa unãmariki. Ea hawẽ bakẽ besti ẽ Epa ẽ unã keyuriaii. Hakia habũ ea txibaĩbu ẽ Epa ẽ hatu unãmamiski.

Mateus 28:19

Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ.

João 10:29

Ha inũ, tsuabura ẽ Epa kuxipa dasibi binuatũ habu ea yunua hatuwẽ nuikĩ ẽ hatu mekehairakubainai tsuã ea hatu mebĩtirubumaki.

João 10:36

Deusũ ea meribi washũ yurabu anu ea yununirã, eã yuikĩ: “Ẽ Deusũ bakeki”, ẽ ikaiwẽ taeshũ: “Mĩ Deus itxaii”, ikĩ ea txitekĩ mã kaneaii.

João 14:23

Jesusũ kemakĩ: —Tsuabũra ea abukinã, ẽ yusĩa hãtxa txibãkanikiki. Ẽ Epã hatu abuaya ea inũ ẽ Epa hua nũ hatuwẽ hiweshanaii.

João 14:9

—Filipeẽ, hatishũ ẽ matube hiwebiakũkainai mĩ ea unãriamamẽ? Txanima ea uĩkĩ Epa Deusri mã uĩaiĩ. Haskakĩ: “Epa Deus nuku uĩmawe”, akĩ mĩ ea yukai?

João 16:15

Dasibi ẽ Epa hayarã, enariki. Haskawẽ taea: “Yushĩ Txanima Unãmanika ena bitã matu unãmashanikiki”, akĩ ẽ matu yuishuki— iwanã,

João 5:17

hatũ hãtxa nĩkatã Jesusũ hatu yuikĩ: —Ẽ Epa Deusũ hatu merabewai dayakũkaĩmiski. Eari habiaskariai ẽ dayariakũkainaii— hatu wa

João 8:58

—Txanima ẽ matu yuiaii. Abraão hayariama ea dukũ ẽ ikibi ini ẽ ikũkainaii— hatu waiwẽ taeshũ

Deuteronômio 6:4

Txipu Moisĩ ana hatu yusĩkubaĩkĩ yuikĩ: “Israelĩ enabuũ, matu yuinũ ea nĩkakãwẽ. Nukũ mekenika Senhor Deusrã, bestitxaiki, hatũ kẽwãti dami betsa betsapa keskamarã.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

1 João 5:7

Ha Jesus haskani habu txaniairã, eskaki. Hawẽ unãmati dabe inũ besti txaniti hayaki,