1 Samuel 1:19 - Kaxinawá Bíblia (BR)

Ushashini penama bestẽtã Senhor Deus kẽwãtã txĩtũkaini hatũ mae Ramá anu hikimabu hawẽ aĩ Ana Elcanã txutakubainaya haska Anã yukakĩ ea ashiã Senhor Deusũ nĩkaimashũ shinãkĩ

1 Samuel 1:19 Referencias Cruzadas

Gênesis 21:1

Senhor Deusũ Abraão yubaimashũ Sara shinãkĩ hatu merabewaya hanushũ Abraão mestebuhairabiatũ hawẽ aĩ Sara txutakĩ bakewaima haska Deusũ yubakĩ yuima keska Sara huni bake bimaima kaiã Abraão kenakĩ: “Isaqueki”, ashĩshũ 8 shabatiã hawẽ hina kubitxi bikĩ meshtenikiaki, haska Deusũ yunuima txibãkinã.

Gênesis 30:22

Hanushũ Deusũ Raquelkiri shinãkĩ hawẽ hãtxawẽ bake bikatsi ea akai nĩkamis shũ hau bake binũ merabewakĩ Raquel bake bimaima huni bake kaĩshũ yuikĩ: “Ẽ bakeumawẽ taeshũ ea yuãmisbu ẽ dake ea maĩwãkĩ Deusũ ẽ txakabu tere akĩ ea huni bake inãshinaki. Ana huni bake betsa Senhor Deusũ ea inãshanimẽkaĩ. Haskawẽ taea na ẽ huni bakẽ kenarã, Joséki”, anikiaki.

Gênesis 4:1

Éden bai anua hatu kaĩma kashũ hunĩ Adão hawẽ aĩ Eva txutakĩ bakewa hawẽ bake tue bena kaiã ha dukũ bake nanea huni bake kaĩshũ kenakĩ: —Caimki— iwanã shinãkĩ: —Deusũ ea merabewaiwẽ taeshũ huni bake ẽ kaĩshuki— inikiaki.

Gênesis 8:1

Hanua Noé inũ yuinaka betsa betsapa sharabu shashu nunuti merã Noébe hiweyuabũ Deusũ hatu shinãkĩ hene tsusĩ wãkĩ taewakĩ niwe shũku imaya hene netsui taekainaya

2 Reis 4:17

hakia haska Eliseũ yuikĩ banabimabainima ma bake bima tuyakẽ ano betsaki huni bake kaĩma

Marcos 1:35

Hanua ushaxini ma penabiai mexuyukẽ Jesus butukaina mae dapi benãta Deusbe hãtxai ka habe hãtxaya

Lucas 23:42

hawẽ txakabuwẽ datekĩ Jesus yuikĩ: —Jesusuũ, mĩ shanẽ ibui taeaitianã, ewẽ nui ea hakimayamashãwẽ— akaya

1 Samuel 1:1

José bake Efraimnẽ shenipabũ maewã mati mananã anu mae betsa Ramataim-Zofim anu huni betsa Efraimnẽ enabu Elcana hiwenikiaki, Zufẽ enabu betsarã. Efraimnẽ enabu Zufẽ huni bake betsa Toú inikiaki. Toũ huni bake betsa Eliú inikiaki. Eliú huni bake betsa Jeroão inikiaki. Jeroãonẽ huni bake betsa Elcana inikiaki.

1 Samuel 15:34

hanua Samuel hawẽ hiwe Ramá anu kaya Saulri habe pashkakaini hawẽ mae Gibeá anu txĩtũkaini hawẽ hiwe anu ka hiweyuaya

1 Samuel 16:13

haska wa Samuelĩ nĩkatã sheni bua hawẽ kapãkãkia bitã hawẽ epa Jessé inũ hawẽ betsabũ uiaĩbũ berunã hawẽ kena Davi piti sheniwẽ Samuelĩ mashu akĩ hau Israelĩ enabũ shanẽ ibukũkaĩshanũ katuaya habiatiãri Senhor Deusũ Yushinĩ Davi kushipa wakĩ taewaya hawa ana manai niti ikama hatu yuibaini Ramá anu hawẽ hiwe anu Samuel txĩtũkainikiaki.

1 Samuel 19:18

haskakaini Davi hunekaini Ramá anu Samuel uĩ kashĩshũ haska Saulũ ashiã Samuel yui keyushina hanua habe maei mae betsa Naiote anu Davi Samuelbe hiwei kakẽ

1 Samuel 2:11

hanua Elcana hawenabube hawẽ mae Ramá anu txĩtũbaini hikiabũ hakia hau Elĩ yunua Senhor Deus dayashũkũkaĩshanũ hawẽ huni bake Samuel Anã bashishũbainikiaki.

1 Samuel 25:1

hawẽ mae Ramá anu Samuel hiwea anibuhairatã mawakẽ Israelĩ enabu mirimahaira haki itxashũ kashãkĩ menetã hawẽ hiwe namaki mai waibũ hatũ mae tibi anu inũ buaibũ hanua Davi hanu tsua hiweabuma anu Parã anu kanikiaki.

1 Samuel 7:17

Haskakũkaũtani hanua kaini Ramá anu txĩtuinã, habianuri Senhor Deus kẽwãti txi tapu wani anu inũ hari hiwea shanẽ ibukĩ Israelĩ enabu Samuelĩ hatu yunupaunikiaki.

1 Samuel 8:4

Israelĩ enabu anibu unanepa shanẽ ibubu dasibi itxai keyutã Ramá anu Samuelbe hãtxai bushũ

1 Samuel 9:26

hari Saul usha dakashinaya penama hanu ushati pepa anu Saul dakakẽ Samuelĩ kenakĩ yuikĩ: —Bestẽtã buturikirãwẽ, ẽ ma mia nitxiainã— aka Saul benitã butuaya hanushũ Saul inũ Samuel bai anu tashnimabaini