1 Samuel 1:1 - Kaxinawá Bíblia (BR)

¹ José bake Efraimnẽ shenipabũ maewã mati mananã anu mae betsa Ramataim-Zofim anu huni betsa Efraimnẽ enabu Elcana hiwenikiaki, Zufẽ enabu betsarã. Efraimnẽ enabu Zufẽ huni bake betsa Toú inikiaki. Toũ huni bake betsa Eliú inikiaki. Eliú huni bake betsa Jeroão inikiaki. Jeroãonẽ huni bake betsa Elcana inikiaki.

1 Samuel 1:1 Referencias Cruzadas

1 Reis 11:26

Efraim enabu huni betsa Nebatẽ huni bake Jeroboão mae betsa Zereda anua kaini txipu ma hawẽ epa mawaimakẽ hawẽ ewa Zerua beneumatũ hawẽ bake Jeroboão yumewaima huni ewatã Salomão dayashũbiai Salomão shanẽ ibuki sinatakĩ danãkĩ ana txibãma inikiaki.

Mateus 27:57

Hanua ma bari kaya judeu betsa mabu pai paimaya hawẽ kena José Arimatéia anua kaĩnitũ Jesus ikũwãkĩ txibãkubaĩxinatũ

Josué 24:33

Arãonẽ huni bake Deusbe hawenabu hãtxashunika Eleazar mawakẽ Efraimnẽ enabũ maiwã pakea mananã anu Eleazarĩ huni bake Finéias mae betsa ibu wamani anu hawẽ yura maiwanibukiaki.

Rute 4:22

Obedẽ huni bake betsarã, Jessé inikiaki. Jessé huni bake betsarã, Davi inikiaki.

1 Samuel 1:19

Ushashini penama bestẽtã Senhor Deus kẽwãtã txĩtũkaini hatũ mae Ramá anu hikimabu hawẽ aĩ Ana Elcanã txutakubainaya haska Anã yukakĩ ea ashiã Senhor Deusũ nĩkaimashũ shinãkĩ

1 Samuel 17:12

Saul shanẽ ibuyukẽ Efrateu nawa Belém anua huni betsa Jessé anibuhaira 8 huni bakeya hawẽ bake mashku Davirã, Jessé 3 huni bake iyua, Eliabe inũ Aminadabe inũ Samá Filisteu nawabube detenamenũ ika Saulbe ma bushiãbu

1 Samuel 2:11

hanua Elcana hawenabube hawẽ mae Ramá anu txĩtũbaini hikiabũ hakia hau Elĩ yunua Senhor Deus dayashũkũkaĩshanũ hawẽ huni bake Samuel Anã bashishũbainikiaki.

1 Samuel 7:17

Haskakũkaũtani hanua kaini Ramá anu txĩtuinã, habianuri Senhor Deus kẽwãti txi tapu wani anu inũ hari hiwea shanẽ ibukĩ Israelĩ enabu Samuelĩ hatu yunupaunikiaki.

1 Samuel 9:4

Saul hawẽ dayaru betsabe kakĩ Efraimnẽ enabũ maewã mati matipa bai kapukebaĩkĩ benakubaini Salisa maewãri kapukeriabaini hakia hawẽ epã jumento hawa betxiama, ana kai Saalim maewãri kapukeriabaini hawa betxiama Benjamimnẽ enabũ maiwã pakea anuri bena keyubiakubaina hawẽ epã jumenta hania betxiama

1 Samuel 9:5

ana kai Zufẽ enabũ maewã anu hikitã hawẽ dayaru habetã benakubaunai Saulũ yuikĩ: —Txĩtũrikainãwẽ. Ẽ epa hawẽ jumentawẽ nuibiashina ha binumai nukuwẽri nui: “Benuabuki”, ishũ, nuku shinãhairaikiki— aka