1 Samuel 16:13 - Kaxinawá Bíblia (BR)

¹³ haska wa Samuelĩ nĩkatã sheni bua hawẽ kapãkãkia bitã hawẽ epa Jessé inũ hawẽ betsabũ uiaĩbũ berunã hawẽ kena Davi piti sheniwẽ Samuelĩ mashu akĩ hau Israelĩ enabũ shanẽ ibukũkaĩshanũ katuaya habiatiãri Senhor Deusũ Yushinĩ Davi kushipa wakĩ taewaya hawa ana manai niti ikama hatu yuibaini Ramá anu hawẽ hiwe anu Samuel txĩtũkainikiaki.

1 Samuel 16:13 Referencias Cruzadas

2 Samuel 12:7

hanushũ Natãnẽ yuikĩ: —Ha hunikiri ẽ mia yuiairã, habia mĩ miaki. Haskawẽ taeshũ Israelĩ enabu mekenika Senhor Deusũ shabakabi mia yuikiki. Nĩkawe: “Israelĩ enabu mĩ shanẽ ibuhairakũkaĩshanũ ẽ mia katuniki. Bebũkiri Saulũ mia detekatsis ikaya hawẽ kushipa nemakĩ ẽ mia mekekubainiki.

2 Samuel 2:4

Hanua Judá enabu huni itxapa inũ hatũ anibu unanepabu bui hikishũ Senhor Deusbe yubakatã Davi Judá enabũ hatũ shanẽ ibu wanibukiaki. Hanushũ haska watã hanubi hakiri txanikĩ hunibu mae Jabes-Gileade mai pakea anu hiweabu bushũ Saulũ yura bitãshũ maiwaimabu Davi banabimabu

2 Samuel 5:3

haska wakĩ Israelĩ enabu anibu unanepabu dasibi bushũ Hebrom anu shanẽ ibuhaira Davibe hãtxakĩ Senhor Deusũ hau hatu unãti wakubaĩshanũ Davi hatube yubakai taekĩ Israelĩ enabu dasibi Davi habũri shanẽ ibu iriakũkaĩshanũ anibu unanepabu dasibibũ hatũ shanẽ ibu wakĩ Davi katunibukiaki.

Números 11:17

Uiaĩbu bututã ẽ mibe hãtxai kaii. Hau habuã mia merabewakĩ ha yubabu mibetã hau mekekubaĩshanũbũ ẽ yushĩ mĩ hayarã, pashkashũ hatu tibi ẽ inãbaũshanaii, mawaira ana mimesti bika teneama hatube mĩ merabenãshanunã, minabu hatu merabewakĩ iyuirã.

Números 27:18

Senhor Deusũ kemakĩ Moisés yuikĩ: —Uĩwẽ. Numnẽ bake Josué hawẽ unanepa yushĩ hayaki. Dãti atã ea katushũkĩ hawẽ bushkaki mĩ mekẽ mamepishãwẽ.

João 3:34

Hanushũ hawẽ bake yunukĩ hawẽ Yushĩ Pepa keyuisma inãkubaĩmiswẽ taeshũ Deusũ bake ha yununitũ hawẽ hãtxa yuimiski.

Hechos 13:22

hanushũ Saulõ Deus ana pe txibãmawẽ taeshũ ana Deusũ merabewama hawẽ kuxipa mebĩtã hanushũ Jessẽ bake Davi hau ha mai hirabi shanẽ ibunũ, iwanã, kẽwãkĩ Deusũ yuikĩ: “Davĩ haska ẽ akatsi ikai akĩ ea benimawamistũ ẽ hãtxa txibãkĩ hatũ Israelbu pe mekekubaĩshanikiki”, hatu waniki.

Hebreus 1:9

Hawara pepa abukĩ hamapai txakabu mĩ danãmisrã, mĩ haskamiswẽ taeshũ ea ẽ mĩ mekenika Deusũ ẽ mia katuaki. Sheni mashu akĩ unãti wakĩ ẽ miwẽ benimaii, mĩ haibuaibu keskawama hatu mia binumakinã”, aniki.

Hebreus 11:32

Matũ shenipabũ Deus ikũwãkĩ Gideão inũ, Baraque inũ, Sansão inũ, Jefté inũ, Davi inũ, Samuel inũ, Deusũ hãtxa yuishunika betsa betsapabũ haska wakubainibu ana ẽ matu yuikatsi ibiakĩ haska washũ ẽ matu yui keyutirumaki.

Juízes 13:25

shaba betsatiã mae betsa Zorá inũ mae betsa Estaol namakis Jacó bake Dã enabube Sansão hiweyukẽ hanushũ Senhor Deusũ Yushinẽ Sansão atxitã kushipa wakĩ taewaya

Juízes 14:6

Senhor Deusũ yushinĩ Sansão kushipawa hawẽ mekẽ anu hawa tsumamabia leão atxishũ hawẽ pabu tibi tseka tseka akĩ tenãkĩ cabra bake pishta akawa hanua ana kai Timna anu hawẽ ibubuki nukutã leão detebirãshukiri hawa hatu yuiama

1 Samuel 1:19

Ushashini penama bestẽtã Senhor Deus kẽwãtã txĩtũkaini hatũ mae Ramá anu hikimabu hawẽ aĩ Ana Elcanã txutakubainaya haska Anã yukakĩ ea ashiã Senhor Deusũ nĩkaimashũ shinãkĩ

1 Samuel 10:1

hanua ha dabe niti itã bishtu oliva sheni mata Samuelĩ bitã Saul mashu atã hatũ beya txibãkĩ tãtsu akĩ yuikĩ: —Senhor Deusũ mia katukĩ meribi waikiki, Israelĩ enabu, hawenabukirirã, shanẽ ibushũkĩ mĩ hatu yunubaĩshanunã. Hatu yunukubaĩkĩ tsuabura hatuki sinatakĩ minabu itxakawakĩ bika tenemakubaini hatu dapi hiwebaunabu nemakĩ hatu henemakĩ keyukĩ Israelĩ enabu mĩ yunukubaĩshanaii. Eska ikis ẽ mia yuiai keska mĩ haki nuku akeakekainai ẽ mia shinãmaii, hawẽ unãti tibirã, haska Senhor Deusũ mia ma katua mĩ kairã.

1 Samuel 10:6

Hatuki mĩ nukukẽ Senhor Deusũ yushinĩ mia kushipawaya Deusũ hãtxa yuishunikabu paeã keska hatube benimai habu betsa keskai mĩ huni betsahaira ishanaii.

1 Samuel 11:6

Saulũ nĩkatanaya habiatiãri Deusũ yushinĩ kushipa wakĩ Saul atxiaya Saul sinata paepakaũkĩ

1 Samuel 16:18

hawẽ tsuma betsã Saul yuikĩ: —Belém anushũ Jessé huni bake mashku Davi hawẽruatũ harpa mawa unãhairai inũ ha dikabi kushipakaĩ detenamea unaĩ inũ pe shinaĩ hãtxai pemis ẽ uĩmaki, Senhor Deusũ haskai merabewakubainairã— aka

1 Samuel 18:12

ana Senhor Deusũ Saul merabewama Davi merabewaiwẽ taea Daviki Saul datekũkaĩkĩ

1 Samuel 2:35

Hanushũ hawenabu ebe hãtxashunika shanẽ ibu betsa katukĩ ẽ kushipa washanaii. Hatũ pe shinãkĩ ẽ hãtxa inũ haska ẽ betxipaiai unãkĩ ea ashũkubaĩshanikiki. Haskawẽ taeshũ hawenabu shanẽ ibu kushipa ẽ katushanaii. Hau habũ ea dayashũkubaĩshanũbũ ha ebe hãtxashunika shanẽ ibu benã enabu pakubainaibu ẽ hatu hiwemakubaĩshanaii, niti akamarã.