1 Pedro 2:21 - Kaxinawá Bíblia (BR) Eskawẽ taeshũ Deusũ matu katukĩ kenaniki. Mã hawa bika teneriamakẽ Cristo dukũ ha dukũtũ matu bika teneshuniki, ha txibãkĩ matũri mã bika teneriashanũbunã. Kashinawa : Diosun Jesúswen taexun yuba bena yiniki Eskawen taexun Diosun matu katukin kenaniki. Man jawa bika tenediamaken Cristo dukun ja dukuntun matu bika tenexuniki, ja chibankin matundi man bika tenediaxanunbunan. |
Ha inũ, ina awa dabeki hi tekishkũshũ hawara shãkama bumabu bika dayabiai merabenaĩ punu nukaisbumaki. Habiaskariai earã, duapakĩ matu merabewakĩ ina awa hi tekishkũrabea merabenãmisbu keskai mã ea txibãyã ẽ kuxipawẽ ẽ matu merabewakubaĩshanaii, mã bika tenebiaya matu huĩrukũmakinã.
hanua Jesusũ nũ hawẽ tsumabu nuku yuikĩ: —Tsuara eki txiti ikatsis ikirã, haska hamebi xinãmis hakimatã: “Ẽ habe mawatiruki”, ikĩ hau ea txibãkubainũbũwẽ.
Ea haibuwai eki dasia mã dateama unãnuma hiweshanũ na hãtxa ẽ matu yuishuki. Mai anushũ ea ikũwãbumã matu itxakawariaibũ dateyamashãkãwẽ, ẽ ma hatu maemakĩ binuniwẽ taearã— nuku watã
mae tibi anushũ hau habũ hatu yusĩshanũbũ ikũwaĩbu yusĩkĩ hatu mestẽwãkĩ yuikĩ: —Eskaki, nĩkakãwẽ. Deus shanẽ ibuaiki nũ dasishanaibu nuku itxakawakubaĩshãkanikiki. Habiaskaki. Habiaskabiakẽ hawa datei txĩtuãma Jesus ikũwãpakeshãkãwẽ— akĩ menetã
—Deusunã, hawẽ Messiasrã, hau mawayushanũ yununiki. Mawatã ana bestẽshanikiki, akĩ hakiri keneniburã— akĩ Paulõ hatu yusĩ pewatã ana hatu yuikĩ: —Ha Jesuskiri matu yui ẽ txanikũkainairã, Deusũ Katua Messias Cristoki— hatu wa
Hanua Deusũ bake nukũ Hutxi Kayabi Iuwa Jesus Cristo ha dukũ iniki. Hanua hawẽ betsabu mirima ishanaibu bebũkiri Deusũ unãkĩ kaĩriabuma Jesus Cristo keskakĩ nũ ha txibãshanũbũ bebũkiri Deusũ unãniki.
Haska Cristo hiweni eã ẽ mawai hiwemis keskai matũri ẽ hiwemis ea mawai hiwekĩ eari txibãkubaĩkãwẽ.
Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.
Tsuabũra Jesus Cristokiri haska mã xinaĩnã, haska Cristõ xinãkubaini keska betsabukiri xinaĩrakubaĩkãwẽ.
Ha inũ, habũ nuku itxakawabiaibũ Deusũ nuku hatube hiwemai mã unaĩwẽ taea hamapai bika xarabu mei yumãbiai hawa dateyamakãwẽ.
Hamẽ txanima tsuabũra Deusũ hãtxa ikũwaĩ pepakĩ Jesus Cristoki dasia hiwekatsis ikaiburã, hatu bika tenemakĩ hatu nuitapa washãkanikiki.
Deusũ dasibi damiwakinã, hawena aniki, hawẽ kuxipawenã. Haska abuai keska dasibi hawẽ bakebu hawẽ kuxipayari hau habe hiweshanũbũ haska xinãkĩ Deusũ hawẽ bake Jesus Cristo nuitapawakĩ dasibi menemakĩ nukũ mekenika nuku washuniki.
Ha inũ, nai inũ mai damiwakĩ taewariama Messias Cristo yununũbarikatsi Deus bebũkiri yubakanikẽ hanu ma bari hawẽ heneaitiã ma kemaya matu merabewanũ ika Jesus tashninikiaki.
Cristo hamebi hawẽ yura cruzki dunua mawakinã, nukũ txakabu nuku bushuniki, nuku xinã betsa wamakĩ nũ ana txakabu husiyamashanũ nuku buashũkinã. Hanua hiwea bena nũ ma haya nũ ma pepai hiwekũkainaii. Cristo mawakĩ hau ana txakabũ matu tsumayamashanũ matu meshpamaniki, yura betsabu hatũ isĩ teneai shushawakinã.
Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.
Ha inũ, matu txakabuwabu hatubebis ana txakabuama inũ matu itxabu hatubebis ana manakunaĩ itxakanãma ikubaĩkãwẽ. Hakia matu duawakatsi Deusũ matu katuniwẽ taeshũ matu itxakawabiaibũ ha xinãma pepakiri besti hatu yuikubaĩkãwẽ, hau Deusũ hatu merabewakĩ duawariakubainunã.
Na mai anua hawẽ yurawẽ Cristo nuitapai yumani keskai ha ini keskariakĩ matũri txibãkubaĩkãwẽ, tsuãra hawẽ yurawẽ bika betsa betsapa txakabu tibi mebiai ha txakabu Cristõ binuni mã maemariatirubukirã.
Haska matu memabiabu Cristo ani keska wakĩ habiaskarianiwẽ taeshũ matu tenemariakanikiki. Haskawẽ taea Cristo shanẽ ibuhairai ana tashnikirã matu benimahairawashanai xinaĩ natiã haskawẽ benimatimabiakẽ Cristowẽ taea benimayukubaĩkãwẽ.
Ha inũ, tsuãra yuikĩ: “Ma Deuski dasia ẽ hiweaii”, ikirã, haska Jesus Cristo hiwekũkaini keskai hau iriakubainũbũwẽ.
Nũ nui kayabi haya nũ tapĩtirurã, haska Jesus Cristo nukuwẽ dabanã hawẽ hiwea nuku inãni nũ xinãtirubuki. Haskawẽ taea nukubũri nukũ betsabu nũ hatu abukayabiai nũ hatu uĩmatirubuki.
Habu nukũ betsabũ Satanás maemakinã, Jesus Deusũ txashuwã bake habu mawashũkĩ hawẽ himi habaniwẽ taea inũ hawẽ kakape hãtxa txanikĩ hawa dateama hatũ hiwea benutiruma unãkubaĩmisshũ habu mawawẽ dateisbumã Satanás ma maemariabuki.