João 16:33 - Kaxinawá Bíblia (BR)

³³ Ea haibuwai eki dasia mã dateama unãnuma hiweshanũ na hãtxa ẽ matu yuishuki. Mai anushũ ea ikũwãbumã matu itxakawariaibũ dateyamashãkãwẽ, ẽ ma hatu maemakĩ binuniwẽ taearã— nuku watã

Kashinawa : Diosun Jesúswen taexun yuba bena yiniki

³³ Ea jaibuwai eki dasia man dateama unanuma jiwexanun na jancha en matu yuixuki. Mai anuxun ea ikunwanbuman matu ichakawadiaibun dateyamaxankanwen, en ma jatu maemakin binuniwen taeadan— nuku watan

João 16:33 Referencias Cruzadas

Miquéias 5:5

shanẽ ibuhaira pepatũ hatu unanuma hiwemai hukẽ Assíria nawabũ nukũ mai pakea atxinũ ika beshũ nukũ shanẽ ibubũ hiwe hawẽrua tibi anu ma hikiaibũ hau hatu nemakĩ nitxĩtanũbũ 7 shanẽ ibu unanepabu inũ 8 huni mẽtsisipabu hatunabube nũ hatu yunushanaii.

Mateus 9:2

ma ana Jesus hua nĩkatã huni yura babuni hawẽ dakatiki daka hawẽ haibuaibũ bakebirã datãtã: “Jesusũ shushawatiruki”, iwanã, xinaĩbũ ikũwaĩbu Jesusũ unãkĩ huni yura babuni yuikĩ: —Dateyamawe. Mĩ txakabuwẽ Deusũ mia kupikatsis ibiakĩ mã ea ikũwaĩwẽ taeshũ hau ana xinãyamanũ ẽ mia buashunaii— akaya

Lucas 19:38

yuibaĩkĩ: —Aitxu! Aitxu! Ha Shanẽ Ibu Deusũ kena kuxipaya huairã, benimakĩ kẽwanãkãwẽ. Naiuria unãnuma hiwea inũ kuxipa binu keyua unãkĩ hau kẽwãnũbũwẽ— ikubainaibũ

Lucas 2:14

“Mai anushũ tsuabũra habũ Deus txibãkĩ duawamisbu Deus kuxipahairatũ hau hatu unãnuma hiwemanũwẽ. Haskakẽ dasibibũ Deus kuxipa nai anua hau kẽwãrianũbũwẽ”, hatu watã

João 12:31

Na habiatiã yurabu unãti wakĩ diabo Satanás yurabu dasibibuwẽ shanẽ ibumis mebĩtã ẽ urẽshanaii.

João 14:1

nukuri Jesusũ yuikĩ: —Na haska ẽ txaniayarã, huĩti meteshei dateyamakãwẽ. Deus ikũwãkĩ eari ikũwãkãwẽ.

João 14:27

Ẽ hãtxawẽ datei matũ huĩti nixmayamakãwẽ. Deusũ unãnuma hawẽ uke meranu unãnumati ẽ matu inaiĩ. Haska yurabu hatũ xinãwẽ hiwekĩ unãnumai hiwemisbu keska matu inãma hakia Deus anua daewanika kayabi unãnuma ẽ matuki baxiaii.

João 16:11

Tsua ashanimẽkaĩ, Deusũ unãti washũ kupikinã? Na yurabu mai hirabi anu maniabu hatu shanẽ ibushũmis ma unãti wanishũ kupishanikiki.

Hechos 14:22

mae tibi anushũ hau habũ hatu yusĩshanũbũ ikũwaĩbu yusĩkĩ hatu mestẽwãkĩ yuikĩ: —Eskaki, nĩkakãwẽ. Deus shanẽ ibuaiki nũ dasishanaibu nuku itxakawakubaĩshãkanikiki. Habiaskaki. Habiaskabiakẽ hawa datei txĩtuãma Jesus ikũwãpakeshãkãwẽ— akĩ menetã

Hechos 23:11

ushaxini ana mexu betsatiã Paulo anu nukũ Shanẽ Ibu Jesus hushũ yuikĩ: —Pauloõ, dateama benimawe. Na Jerusalém anushũ ekiri ikũwãkĩ mĩ hatu yuixina keskari wakĩ Roma anushũ habiaskari ekiri hatu yuiritãshãwẽ— awani kakẽ

Hechos 27:22

Haskabiaya punu nukayamakãwẽ. Natianã, shashu besti benuaya nuku dasibi nũ mawama ishanaii. Matu yuinũ nĩkakãwẽ.

Hechos 27:25

Hunibuũ, ana punu nukama benimakãwẽ. Eãnã, ẽ Deus ikũwãyã haska ea yubashu ashanai ẽ ha xinaiĩ, nũ haskai kai hawẽ nai tsumã ea yuishurã.

Hechos 9:31

Ha haskaibutiã ikũwaĩbu Judéia mai pakea anuabu inũ, Galiléia mai pakea anuabu inũ, Samaria mai pakea anuabu itxakawakĩ ana tsuã hatu meabuma unãnuma hawama hiwei hanua ikũwaĩbu kuxipai Deus kuxipaki meseaibũ hawẽ Yushĩ Pepatũ hatu merabewaya ana itxapabũ ikũwaĩ mirimabu hatuki dasikubaini hiwenibukiaki.

2 Coríntios 1:3

Nukũ Shanẽ Ibu Jesus Cristõ Epa Deus, habias nukũ Epari nukuwẽ nuikĩ nukũ huĩti punu nukai tsiũ ikai nuku daewakĩ benimawakubaĩmisrã, kẽhairawakubainãkãwẽ.

2 Coríntios 13:11

Ẽ betsabu inũ ẽ puibuũ, matu keneshũkĩ ma ẽ keyuai nĩkairakãwẽ. Epa Deusũ duawakĩ merabewakĩ unãnuma matu hiwemakatsi ikaya matũ huĩti benimakĩ hawara Deusũ matũ hiwea matu pewamakatsis ikai arikãwẽ. Ha inũ, punu nuka pesburã, hau merabenãkĩ matu benimawanũbũ Deus hatu yukashũkãwẽ. Mã haskai hiweabu Deusũ matu abukĩ matu unãnuma hiwemai matube hiwekũkaĩshanikiki.

2 Coríntios 2:14

Hakia Cristoki nũ dasia nũ hawenabukẽ hamapai bika Deusũ nuku habetã binumakubaĩmiski. Ha inũ, nukuwẽ hawẽ kakape yurabu Cristokiri mae tibi anua yusĩmakĩ nuku hatu unãmamiski. Nukuburã, nũ nis hawẽrua keskabuki. Haskawẽ taeshũ Epa Deus kẽwanãkãwẽ.

2 Coríntios 4:7

Ha inũ, Deusũ yusĩkĩ hawẽ pepakiri nuku tapĩmaya dasibi kuxipa Deusuna inũ nukũmebi nũ hawauma hau mã unãnũbũ nukũ yura babuhaira, mai xumu pusimis keskabianu hawẽ kakape nukũ huĩti merã nuku netãtã hawẽ tsumabu Deusũ nuku waniki.

2 Coríntios 6:4

Hakia nũ haskai Deusũ tsuma ikinã, eskawẽ nũ matu uĩmamiski. Hamapai bika nuku tenemaibu mei hawa hayama nuitapakĩ nũ hawa hatu kemama tenekubaĩmiski.

Gálatas 1:4

Haskakẽ nukũ Epa Deusũ haska xinaĩ keskawẽ nuku ikirã, natiã hiweabũ txakabuhaira wakubainaibube hau nuku kupiyamashanũ haskawẽ taea Jesus Cristo mawai hawẽ hiwea yauxiama nukũ txakabu buanũ ika iniki.

Gálatas 6:14

Hanua tsuabũra hau Deusũ ea duawanũ, iwanã, hatũ hina kubitxi meshtekinã hamẽ akanikiki. Haska inũ, tsuabũra meshteama hamẽri ikanikiki. Hakia nukurã, Deus duawanũ ika xinã betsa watã besti Deus nũ benimawakubainaii. Jesus ea mawashuniwẽ taeshũ xinã benawatã: “Mabu itxapa besti binũ”, iwanã, ana ẽ xinãmakẽ txakabũ ea ana atxiamariki. Haskakẽ keãma nukũ Shanẽ Ibu Jesus Cristo hi cruzkia mawashũ hawara ea ashunikiri besti yuikubaĩkĩ Deus ẽ kẽwaiĩ. Ẽ hawauma iniwẽ taea ẽ hawa kẽtirumaki. Hakia Jesuswẽ taea besti ẽ kẽtiruki.

Filipenses 4:7

Mã haska waibu Deusũ unãnuma matu hiwemakĩ haska tsuã xinãkĩ nĩkatirumawẽ Deusũ hawẽ unãnumawẽ matũ huĩti inũ matũ xinã mekekubaĩshanikiki, Jesus Cristo nĩkakĩ mã txibaĩwẽ taeshunã.

Colosenses 1:20

Haska inũ, Jesus cruzkia mawai hawẽ himi nuku habashuniwẽ taeshũ nukũ txakabu Deusũ buashũ hakimakĩ nuku hakimawatã ana nukuki sinatakatsi ikama Deus nuku daewamakĩ hawẽ haibuaibu nuku wamatã hiweabu mai hirabi anu inũ nai anu Cristoki dasitã hanus nuku shukuwakatsi Deusũ hatu dasibi pewakĩ keyukĩ daewanikiaki, yurabu inũ yurabumarã.

1 Tesalonicenses 3:4

Haskakẽ Jesus ikũwãriabumã nuku itxakawaibu nũ yumãshanaikiri matu yusĩ kaimashũ bebũkiri nũ matu yuikubainimaki. Na eskatiã haska nũ matu yuima keska uĩkĩ mã ma tenekĩ meaii.

1 Tesalonicenses 3:7

Haskakẽ ẽ betsabu inũ ẽ puibuũ, nuku bika tenemakĩ yumãwãbiaibũ ha xinãma mã Jesus ikũwaĩ txĩtuãbumakẽ haska matu nĩkatã hawa ana matuwẽ dateama nũ xinã txãkaiĩ.

2 Tesalonicenses 3:16

Nukũ Shanẽ Ibũ hamebi hawenabu unãnuma hiwemakubaĩmistũ maturi unãnuma hiwemakĩ hawara bari tibi betsa betsapa mã akai hau matu uĩrakubainũwẽ.

2 Timóteo 3:12

Hamẽ txanima tsuabũra Deusũ hãtxa ikũwaĩ pepakĩ Jesus Cristoki dasia hiwekatsis ikaiburã, hatu bika tenemakĩ hatu nuitapa washãkanikiki.

Hebreus 11:25

Moisés katukinã, Egitonawabũ beya hatubetã mei benimai hatube txakabui hiwekatsi ikama haska hawenabũ bika teneaibube merabewai hatube nuitapakatsi haska xinãkĩ katunikiaki.

Hebreus 7:2

Haska washunaya Abraãonẽ hawenabu yunua nawabũ mabu mebĩxina pashkakĩ mãtxĩ mekẽ dabeti wabu Melquisedeque duawakĩ kẽwãkĩ mabu mãtxĩ bestitxai Abraãonẽ inãkuĩnikiaki. Hamẽ betsarã, Melquisedeque hawẽ kena maewarã, shanẽ ibu xinã pepaki. Ha inũ, hawẽ kena betsa Salém shanẽ ibu maewarã, hawenabu unãnuma hiwetanika shanẽ ibuki.

1 Pedro 5:9

Mã ikũwaĩ mestẽtã Satanásã kemuti ana meama henei hẽ iyamakubaĩkãwẽ, na haska tibi mã meairã, matubetã ikũwaĩbu mai hirabi anuari habias keskari teneriaibu xinaĩrakubaĩkãwẽ.

1 João 2:13

Epabu inũ ewabuũ, Deusũ mai damiwariama hawẽ bake habe hiwekũkaini mã ma ikũwãkĩ unaĩwẽ taeshũ ẽ matu kene bumaii. Berunãbu inũ txipaxbuũ, Deusũ hãtxa txibãhairakĩ huĩtinĩ mestẽwãtã mã yushĩ txakabu Satanás maemaiwẽ taeshũ ẽ matu kene bumaii.

1 João 4:4

Ẽ bake keskabuũ, mã Deusunaburã, hawẽ Yushĩ Pepa kuxipa mã hayawẽ taeshũ Satanásã hatu merabewabiamiskẽ ha parananaĩbu mã hatu binu keyuaki. Satanás kuxipabiakẽ Deusũ Yushĩ Pepa kuxipahairatũ ma binuaki, matu merabewakinã.

1 João 5:4

Nũ tsuabura Deusũ ma hawẽ bakebu nuku wa tsuabũra hatũ hiwea txakabu txibãkĩ Deus danaĩbu nũ hatu maemaii. Nũ Jesus ikũwaĩwẽ taeshũ hawẽ kuxipayakĩ ha yurabũ txakabu akaibu nũ ma hatu binuaki.

Apocalipse 12:11

Habu nukũ betsabũ Satanás maemakinã, Jesus Deusũ txashuwã bake habu mawashũkĩ hawẽ himi habaniwẽ taea inũ hawẽ kakape hãtxa txanikĩ hawa dateama hatũ hiwea benutiruma unãkubaĩmisshũ habu mawawẽ dateisbumã Satanás ma maemariabuki.

Apocalipse 3:21

Tsuabũra ea danãma habũ txakabu maemakĩ binumisburã, hatu manakukĩ ea dapi tsaumakĩ ẽ hatu shanẽ ibumashanaii, haska eã ẽ binu keyuni ẽ Epa dapi tsauwa ẽ habe shanẽ ibuni keska wakinã.

Apocalipse 7:14

kemakĩ: “Shanẽ ibuũ, mĩ miã unaiĩ”, ẽ wa hanushũ mekenikatũ ana ea yuikĩ: “Txanimaki. Itxakawanikatũ yura dasibi mai hirabi anuabu bikawakĩ hatu nuitapawaya yurabũ hatũ txakabu henekĩ habũ tari detsis keska txashuwã bakẽ himiwẽ txukakĩ habũ detsis yamawakĩ habũ tari hushu pehairawabuki.”