Hebreus 2:10 - Kaxinawá Bíblia (BR)

¹⁰ Deusũ dasibi damiwakinã, hawena aniki, hawẽ kuxipawenã. Haska abuai keska dasibi hawẽ bakebu hawẽ kuxipayari hau habe hiweshanũbũ haska xinãkĩ Deusũ hawẽ bake Jesus Cristo nuitapawakĩ dasibi menemakĩ nukũ mekenika nuku washuniki.

Kashinawa : Diosun Jesúswen taexun yuba bena yiniki

¹⁰ Diosun dasibi damiwakinan, jawena aniki, jawen kushipawenan. Jaska bechipaiai keska dasibi jawen bakebu jawen kushipayadi jau jabe jiwexanunbun jaska shinankin Diosun jawen bake Jesucristo nuitapawakin dasibi menemakin nukun mekenika nuku waxuniki.

Hebreus 2:10 Referencias Cruzadas

Gênesis 18:25

Mĩ hatu haska wayarã, txakabubu inũ pepabu habiaskas txakabu wamisbu keska wakĩ mĩ hatu tenã keyushanai? Mianã, mĩ hatu haska watirumaki, huni txakabubu inũ pepabu habiaskas kupi keyukinã. Mĩ mai hirabi anu uinikaki. Mĩ pewanikawẽ taeshũ mĩ hatu haska yunuismaki— aka

Provérbios 16:4

Haska betxipaiai txibãkĩ Senhor Deusũ dasibi dami betsa betsapa wakĩ keyuniki, huni txakabubũ nĩkaisbumari hanu hatu kupiaitiã hatu kupikubaĩti wakinã.

Isaías 55:4

Ẽ haibu Davi ekiri txanikaũti eã ẽ nawabu unãti wamaniki, shanẽ ibukĩ hau habu ekiri tapĩmashanunã.

Miquéias 2:13

Deus bebukaĩkĩ hawẽ bai bepẽbainaya habũ txibaĩ maewã kenebaunibu hikiti shui hawẽ beputi anua tashni ishtxubaĩbaĩshãkanikiki. Dasibi hatu bebũ ẽ hatũ shanẽ ibu Senhor Deus kaya ea itxũ bushãkanikiki”, iwanã, ea yuimaki.

Lucas 13:32

Jesusũ hatu yuikĩ: —Uĩa. Ikis inũ mexukiri yushĩ betsa betsapa kaĩmakĩ isĩ teneaibu shushawakĩ ẽ yusĩkubainaii. Haska watã ua betsatiã ẽ daya ẽ keyushanairã, ẽ haskayukũkainaii. Kashũ ha kamã inu keska paranã yuiritãkãwẽ— iwanã,

Lucas 2:14

“Mai anushũ tsuabũra habũ Deus txibãkĩ duawamisbu Deus kuxipahairatũ hau hatu unãnuma hiwemanũwẽ. Haskakẽ dasibibũ Deus kuxipa nai anua hau kẽwãrianũbũwẽ”, hatu watã

Lucas 24:26

Nukũ merabenã Messias shanẽ iburiama hau haskai yumaĩ kanũ Epa Deusũ yununiki— iwanã,

Lucas 24:46

hatu yuikĩ: —Ekiri kenenibu matu yuinũ nĩkakãwẽ. Deusũ Katua Messias merabenã yumãtã mawa shaba dabe inũ besti kaya ana bestẽshanikiki.

João 11:52

Na haska yunuirã, habu bestikiri ikama hakia Deusũ bakebu pashka hiweakeakeabu habũ ikũwaĩbu dasibi itxawashanũ ika merabewai Jesus nuku mawashũshanai

João 19:30

tsu akĩ keyutã hui kuxipawẽ Jesusũ yuikĩ: —Dasibi ẽ ma keyuaki— itã bekua tiniã mawakĩ hawẽ Yushĩ ibu anu nitxĩniki.

Hechos 3:15

Haska wakĩ hatũ nuku hiwekuĩmashanai mã hatu tenãmabia mawa Deusũ ana nuku bestẽwãshuĩma nukubũ uĩkubainimashũ nũ unaiĩ.

Hechos 5:31

Deusũ haska watã nai anu ainitã hawẽ yusiuri nuku tsaũshunimakẽ ha nukũ mekenã inũ nukũ yusĩnã nũ ma hayaki. Haskawẽ taea nũ Israelbu shukua tibi tsuabũra nukũ txakabu henetã Deus anu txĩtuĩ nũ xinã betsaibu nuku hawenabu wakĩ Deusũ nukũ txakabu buatã ana xinãmaki.

Romanos 11:36

Haskakẽ betsa tukama tibi Deusũ damiwanirã, hawenaski. Hawẽ kuxipawẽ dasibibu maniabuki. Dasibibu ha hiweabuwẽ Deus benimakũkaĩshanũ, iwanã, habu tibi damiwaniki. Haskakẽ kẽwãkĩ heneyamakubainãkãwẽ, Deusrã. Haskakirã.

Romanos 9:23

Habiatiãri bebũkiri Deusũ nuku duawakatsis ikĩ hawẽ kuxipa nuku uĩmanũ ishũ nuku tibi nuku katukĩ xinãmisrã, nũ ma hawenabu nuku unãmaikiki.

1 Coríntios 2:7

Haska mai damiwariama Deusũ hawẽ unãnepati hawẽ xinã huneyunishũ nuku matu yusĩmairã, eskaki, nĩkakãwẽ. Txanima Deusũ hawẽ bakewẽ taeshũ nuku hawenabu wakatsi nukuki tana yubakaniki. Haskawẽ taea nukuburi hatuki dasitã nũ hatu keskari ipakeshanaii, hawẽrua kuxipa txashakapa buirã.

1 Coríntios 8:6

Hamẽ nukubũ ikũwãkinã, nukũ Epa Deus bestitũ dasibi bawani inũ nuku hatũ damiwani nũ hawẽ hiweaki. Ha inũ, Shanẽ Ibu bestitxai nũ hayaki, Jesus Cristorã. Hawẽ taeshũri Jesusũ hawẽ Epa Deusbetã dasibi damiwakĩ keyuniwẽ nũ hiweriaki, nukuburã.

2 Coríntios 3:18

Haskakẽ dasibi nũ Jesus Cristo ikũwaĩburã, ha yusĩniwẽ nukũ besu inũ nukũ xinã nuku ana bepuamaki. Nukũ Shanẽ Ibũ nukũ xinã nuku betsa wakubainaya hawẽ kuxipawẽ ha itsa nuku wakubainikiki. Unãshubira nukũ hiwea betsa wakĩ nuku pewakubainikiki. Nuku haska wakĩ nukũ Shanẽ Ibũ hawẽ Yushĩ Pepawẽ nuku hatu uĩmakubainikiki.

2 Coríntios 5:18

Na haska Deusũ daya tibirã, Cristo hamebi hawẽ Epa daewakĩ hawẽ haibuaibu nuku wamaniki. Haskawẽ taea nũ daenamei haibunamenũbũ nuku katunishũ hawẽ kakape nuku yusĩmakubaũmiski.

2 Coríntios 6:18

matu haska watã ẽ bakebu matu wai matũ epa ẽ ikũkaĩshanaii”. Deus kuxipa dasibi binuatũ yuiai hawẽ hãtxa yuishunikabũ nĩkatã keneniki. Habiaskari ẽ matu yuiaii.

Gálatas 3:26

dasibi mã Jesus Cristo ikũwaĩ mã ma Deusũ bakebukẽ hatũ besti matu mekekubainikiki.

Efésios 2:7

Haska wanũbarikatsi hawẽ pepa nuku unãmakatsi ikinã, Jesus Cristowẽ taea nukuwẽ nui kai nuku ashuniki.

Efésios 3:10

Hau haska Deus besti unãnepatũ unã keyuai yushĩ kuxipabu inũ nai tsumabu nai anushũ haska Deusũ huneni natiã huni txakabubũ hawẽ bake ikũwaĩbũ Deusũ hatu unãmakĩ hatu binumaikiki.

Colosenses 3:4

Haskawẽ taea Cristo shanẽ ibui benima paeya ana huaya maturi habiaskariai mã habe benimatxakayamashanaii. Cristorã, habia matũ hiwea kayabiki.

2 Timóteo 2:10

Haskakẽ tsuabura Deusũ katunibu Jesus Cristo ikũwaĩ pepai hau hatũ txakabuwẽ Deusũ hatu kupiama hatu pashawakĩ piskuma hau hawẽ kuxipa ikibi ikanu hau hanu hiweriashanũbũ natiã ea hiweyushũ ẽ hatu bika teneshũyuaii.

Hebreus 12:2

Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.

Hebreus 6:20

Nai anu haskai buaibu ha dukũtũ bai wai nuku bai bepẽshuni tsua bebui hikiriama ha nukũ Deusbe hãtxashunika binua ipakeshanai Melquisedeque dayapauni keska nuku ishuĩ kaniki.

Hebreus 7:26

Hanua Jesus Deusbe nuku hãtxashunika binua nũ haska keskariai hiwetiru ha hawa txakabu hayama inũ hawa detsis hayama meribi pepa besti haska yurabu txakabukĩ Deus sinatamamisbu keskama pepakĩ keyu hatu binutã naiuri pepahairai hauri nuku hiwei kashuniki.

Hebreus 7:28

Ha inũ, Deusũ Moisés yusĩni hãtxa txibaĩ pepakatsi ibiai Deusbe hatunabu hãtxashunikabũ kanemisbuki. Hanushũ Deusũ hawẽ yunuti inũ hawẽ nemati yunu keyunishũ hawẽ bake yubakĩ katukĩ nukunabu Deusbe hãtxashunika binua pepahaira hau ipakeshanũ hakiri yubakatã katuniki.

1 Pedro 1:12

Ha Messiaskiri hatu txanimakĩ hau Deusũ hãtxa yuishunikabũ ibubis Deusũ yusĩa nĩkatã hakiri hatuna besti watirubuma Deusũ habu txipu hiweshanaiburi hau habũri hakiri unãshanũbũ, iwanã, habu matu kenemashuniki, matu merabewakinã. Messias Cristokiri kakape matu unãmakatsi ikĩ hawẽ Yushĩ Pepa naiuria yunua hanushũ Jesuskiri yusĩnã betsabũ hakiri datã akĩ matu unãmakubaunibuki. Na habias kakape matu yusĩaĩbu Deusũ nai tsumabũri ana tapĩpai iriakanikiki.

1 Pedro 5:1

Nukũ Shanẽ Ibu Cristo nuku yumãshunai ẽ uĩniwẽ taeshũ natiã habuã mae tibi anushũ Cristo ikũwaĩbu matu mekenikabu ẽ matu hatu yusĩ pewakatsis ikai ea nĩkakãwẽ. Eari Cristo ikũwaĩbu ẽ hatũ mekenãriki, habu keskarirã. Ha inũ, Cristo shanẽ ibuhairai hukĩ hawẽ kuxipa nuku uĩmaya eari ẽ hatube benimatxakayamashanaii.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

Apocalipse 4:11

“Dasibi damiwakĩ mĩ xinãwẽ hamapai dasibi mĩ damiwani mĩ nukũ Shanẽ Ibu inũ mĩ nukũ mekenika yushĩ Deuski. Haskawẽ taeshũ mia besti kẽwãkĩ nũ mia duawakubainaii”, akaibu uĩkĩ ẽ matu keneshunaii.

Apocalipse 7:9

Hanushũ ana uĩbaũkĩ yurawã hati tsuã tanatiruma ẽ uĩshu matu yuinũ nĩkakãwẽ. Nawabu mai pakea tibi anuabu inũ, yura betsa shukua tibi anuabu inũ, dasibi hãtxa tibi anuabu inũ, mae tibi anuabu Deus shanẽ ibu haki tsauti inũ txashuwã bakẽ besuuri habu nishũ tari hushupa txaipa saweshũ shẽpã tsuma nishũ