1 Pedro 3:9 - Kaxinawá Bíblia (BR)

⁹ Ha inũ, matu txakabuwabu hatubebis ana txakabuama inũ matu itxabu hatubebis ana manakunaĩ itxakanãma ikubaĩkãwẽ. Hakia matu duawakatsi Deusũ matu katuniwẽ taeshũ matu itxakawabiaibũ ha xinãma pepakiri besti hatu yuikubaĩkãwẽ, hau Deusũ hatu merabewakĩ duawariakubainunã.

Kashinawa : Diosun Jesúswen taexun yuba bena yiniki

⁹ Ja inun, matu chakabuwabu jatubebis ana chakabuwama inun matu ichabu jatubebis ana manakunain ichakananma ikubainkanwen. Jakia matu duawakatsi Diosun matu katuniwen taexun matu ichakawabiaibun ja shinanma pepakidi besti jatu yuikubainkanwen, jau Diosun jatu medabewakin duawadiakubainunan.

1 Pedro 3:9 Referencias Cruzadas

Gênesis 42:25

hanushũ Egitõ hãtxawẽ hawẽ tsumabu yunukĩ yuikĩ: —Hatũ saku tibi shekiwã matawashũ hune haki hatũ pei naneshũ hatu tibi ana inãwẽ. Ha inũ, bukĩ hau ha pikubaĩtanũbũ pitiri hatu inãkãwẽ— hatu wakĩ yunua hatu ashuãbu

Provérbios 17:13

Tsuãra huni betsa merabewabiamis hãtsiri manakukĩ merabewaismarã, haskawẽ taea hawenabu nuitapai hiwekubaĩshãkanikiki, hawẽ shinã txakabuwẽ taearã.

Provérbios 20:22

Tsuabũra mia ma txakabuwakẽ “Eã ẽ hatu kupiaii”, iwanã, shinaĩ tsua hãtxatimahairaki. Senhor Deus ikũwãkĩ mĩ manakubainaya Senhor Deusũ mia hatu kupishũkĩ binumashanikiki, mia mekekinã.

Mateus 19:29

Haska inũ, tsuabũra ea txibãkĩ Deusũ hãtxa kakape yusĩtanũ ishũ dasibi hatũ hiwe henekĩ hatũ betsabu inũ hatũ puibu shunũbaĩkĩ hatũ ibubu shunũkĩ hatũ bakebu baxikĩ hatũ bai henekĩ keyubaĩ yusĩkubaĩmisbuwẽ taeshũ na habiatiã Deusũ ana hatu manakukĩ duawamisshũ haska uatiã hiwexinawẽma Deusũ pepawẽ hatu manakuhairakĩ haska tanatirubuma hatu itxawamakubaĩxĩshũ hanu ma bari keyuaitiã hiwea kayabi hatu inãshanikiki.

Mateus 25:34

Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.

Mateus 5:39

Hawẽ hãtxa peki. Ana habia keskari ha binua matu yusĩnũ nĩkakãwẽ. Tsuara miki sinatakĩ yusiuri mia ispais aka habebis sinatakĩ kupiyamakãwẽ. “Uke betsari ea awe”, ika dabekeshunai keskakĩ xinãkubaĩshãkãwẽ.

Mateus 5:44

Hakia eãnã, hãtxa betsawẽ ẽ matu yusĩaiĩ. Matuki sinataibu hatuki sinatama hatuwẽ nuikubaĩshãkãwẽ. Ha inũ, matu itxaibu inũ matu itxakawaibu hatu danãma merabewakĩ hau Deusũ hatu duawanũ yukashũkubaĩshãkãwẽ.

Marcos 10:17

Hanua Jesus ana kaĩkainaya huni betsa kuxikirã haki nukutã ha bebũ dãti itã yukakĩ: —Yusĩnã pepaã, Mia yukapa? Hiwea kayabi bikinã, haska kayatã ẽ bitirumẽ? Ea yuiwe— aka

Lucas 10:25

mapushũ nĩkaibũ Moisés keneni yusĩnanãmistũ Jesus unãti wanũ ika benikawã yukakĩ: —Yusĩnaã, hiwea kayabi bikatsi ikĩ Deus benimawakĩ haska washãpa?— aka

Lucas 18:18

hanushũ shanẽ ibu betsã Jesus yukakĩ yuikĩ: —Yusĩnã pepaã, mia yukapa? Hiwea kayabi bikinã, haska kayatã ẽ bitirumẽ? Ea yuiwe— aka

Romanos 12:14

Ha inũ, tsuãra matu itxakawaibu habiaskari ana xinãma hatukiri pe besti yuikĩ hatu hãtxa wakubaĩkãwẽ. Haska wakĩ pepakiri Deus hatu yukashũkubaĩkãwẽ, txakabukiri yupukĩ Deus hatu yukashunamarã.

Romanos 12:17

Ha inũ, yura betsabũ matu itxakawabu ana hatube manakunãyamakubaĩkãwẽ. Ha inũ, hawara pepa yura betsabũ abukĩ matu yunuabu txibãkĩ mã haskari akairã, hatu bebũshũ shabakabi ashũkĩ uĩmakubaĩkãwẽ.

Romanos 8:28

Haskakẽ matu yusĩkubainũ nĩkakãwẽ. Habu Deusũ abukĩ kenakĩ katuni hawẽ bake Jesus pepa keskai hau ishanũbũ Deusũ bebũkiri hatu xinãnishũ merabewakĩ hamapai txakabu hatu binumakubaĩmiski.

Romanos 8:30

Haska inũ, tsuabura Deusũ bebũkiri hatu kabẽkĩ katuni Jesuswẽ taeshũ txakabuma wakĩ pewatã hawara Deusũ hawẽ bake Jesus Cristo yunutã ani keska wakĩ haburi duawakĩ Jesus Cristobe hatu shanẽ ibuwashanikiki.

Gálatas 3:14

Haskawẽ taeshũ haska Deusũ Abraão duawakĩ pepa yubani Jesus Cristowẽ taeshũ judeubumãri mã ikũwãyã Deusũ Abraão yubaniwẽ taeshũ hawẽ Yushĩ Pepa Deusũ ma matu inãni dasibi mã ma hayaki.

Efésios 4:32

Hakia maturã, mã pepakatsis ikairã, matunabuwẽ nui bestikubaĩkãwẽ. Hawara mã hatube txakabumis daenametã duanameirã, matũ txakabu hakimarabetã ana xinãma pepakubaĩkãwẽ, haska Cristõ matũ txakabu buanikẽ Deusũ ana xinaĩsma keskairã.

1 Tesalonicenses 5:15

Ha inũ, yura betsã matu txakabuwaibu ana hatube manakunama mã pepakatsis ikairã, haska txakabu huai tenetã pepakĩ ikũwaĩ betsabube merabenãkĩ mã akai keska wakĩ mai hirabi anuabu yurabu ashũriakĩ hatu merabewakubaĩkãwẽ.

Hebreus 12:17

Hamẽ Esaũ txipu hawẽ epa yuikĩ: “Mĩ bake iuwa besti earã, hau Deusũ ea duawashanũ Deus ea yukashũriawe”, atuxia hakia hawẽ bake mashku Jacõ hawẽ epa Isaque parã dama Deus yukashũkĩ menetã hawẽ epã haska washũ Esaú ana hawawẽ pewatima nemabia kashahairakĩ Esaũ ana yukabia hawẽ epã hawẽ yuba haska washũ ana maewashũtima inikiaki, haska matubũ mã unaĩnã. Mã txipu haskariatirubuki. Uĩrakubaĩkãwẽ.

Hebreus 6:14

Abraão yuikĩ: “Txanima eã mia pawakĩ mĩ bababu itxapa mia washũkĩ ẽ mia duawakubaĩshanaii”, aka

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.