Masalimo 76 - Buku Lopatulika

Ulemerero ndi mphamvu ya Mulungu

Kwa Mkulu wa Nyimbo: pa Neginoto. Salimo la Asafu. Nyimbo.

¹ Mulungu adziwika mwa Yuda, dzina lake limveka mwa Israele.

² Msasa wake unali mu Salemu, ndipo pokhala Iye mu Ziyoni.

³ Pomwepo anathyola mivi ya pauta; chikopa, ndi lupanga, ndi nkhondo.

⁴ Inu ndinu wakuunikira, ndi womveka wakuposa mapiri muli achifwamba.

⁵ Olimba mtima chifunkhidwa chuma chao, agona tulo tao; amuna onse amphamvu asowa manja ao.

⁶ Pa kudzudzula kwanu, Mulungu wa Yakobo, galeta ndi kavalo yemwe anagwa m'tulo.

⁷ Inu ndinu woopsa; ndipo utauka mkwiyo wanu adzakhala chilili ndani pamaso panu?

⁸ Mudamveketsa chiweruzo chochokera Kumwamba; dziko lapansi linachita mantha, nilinakhala chete,

⁹ pakuuka Mulungu kuti aweruze, kuti apulumutse ofatsa onse a padziko lapansi.

¹⁰ Indedi, kuzaza kwake kwa munthu kudzakulemekezani; chotsalira cha kuzazaku mudzachiletsa.

¹¹ Windani ndipo chitirani Yehova Mulungu wanu zowindazo; onse akumzinga abwere nacho chopereka cha kwa Iye amene ayenera kumuopa.

¹² Iye adzadula mzimu wa akulu; akhala woopsa kwa mafumu a padziko lapansi.