Genesis 30:1 - Buku Lopatulika

Pamene Rakele anaona kuti sanambalire Yakobo ana, Rakele anamchitira mkulu wake nsanje; nati kwa Yakobo, Ndipatse ana ndingafe.

Chichewa Buku Lopatulika Bible 2014

Pamene Rakele anaona kuti sanambalire Yakobo ana, Rakele anamchitira mkulu wake nsanje; nati kwa Yakobo, Ndipatse ana ndingafe.

Buku Loyera Catholic Edition - Chichewa

Rakele ataona kuti sakumubalira ana Yakobe, adayamba kuchita nsanje ndi mkulu wake uja, ndipo adauza Yakobe kuti, “Mundipatse ana, apo ai, ndingofa basi.”

Mawu a Mulungu mu Chichewa Chalero

Rakele ataona kuti sakumuberekera Yakobo ana, anayamba kumuchitira nsanje mʼbale wake. Choncho anati kwa Yakobo, “Undipatse ana kapena apo ayi ndingofa!”

Genesis 30:1 Mawu Ofanana

Genesis 29:31

Pamene Yehova anaona kuti anamuda Leya, anatsegula m'mimba mwake; koma Rakele anali wouma.

Genesis 37:11

Ndipo abale ake anamchitira iye nsanje, koma atate wake anasunga mau amene m'mtima mwake.

1 Mafumu 19:4

Koma iye mwini analowa m'chipululu ulendo wa tsiku limodzi, nakakhala pansi patsinde pa mtengo watsanya, napempha kuti afe; nati, Kwafikira, chotsani tsopano moyo wanga, Yehova; popeza sindili wokoma woposa makolo anga.

Yobu 13:19

Ndaniyo adzatsutsana nane? Ndikakhala chete, ndidzapereka mzimu wanga.

Yobu 3:11

Ndinalekeranji kufera m'mimba? Ndi kupereka mzimu wanga pobadwa ine.

Yobu 5:2

Pakuti mkwiyo umapha wopusa, ndi nsanje imakantha wopanda pake.

Masalimo 106:16

Ndipo kumisasa anachita nao nsanje Mose ndi Aroni woyerayo wa Yehova.

Miyambo 14:30

Mtima wabwino ndi moyo wa thupi; koma nsanje ivunditsa mafupa.

Miyambo 30:16

Manda, ndi chumba, dziko losakhuta madzi, ndi moto wosanena, Kwatha.

Mlaliki 4:4

Ndiponso ndinapenyera mavuto onse ndi ntchito zonse zompindulira bwino, kuti chifukwa cha zimenezi anansi ake achitira munthu nsanje. Ichinso ndi chabe ndi kungosautsa mtima.

Numeri 11:15

Ndipo ngati mundichitira chotero, mundiphetu tsopano apa, ngati ndapeza ufulu pamaso panu, ndisayang'ane tsoka langa.

Numeri 11:29

Koma Mose anati kwa iye, Kodi uchita nsanje nao chifukwa cha ine? Mwenzi anthu onse a Yehova atakhala aneneri? Mwenzi Yehova atawaikira mzimu wake!

Yohane 4:3

anachokera ku Yudeya, namukanso ku Galileya.

Yohane 4:8

Pakuti ophunzira ake adachoka kunka kumzinda kuti akagule chakudya.

1 Akorinto 3:3

pakuti, pokhala pali nkhwidzi ndi ndeu pakati pa inu simuli athupi kodi, ndi kuyendayenda monga mwa munthu?

2 Akorinto 7:10

Pakuti chisoni cha kwa Mulungu chitembenuzira mtima kuchipulumutso, chosamvetsanso chisoni; koma chisoni cha dziko lapansi chichita imfa.

Agalatiya 5:21

njiru, kuledzera, mchezo, ndi zina zotere; zimene ndikuchenjezani nazo, monga ndachita, kuti iwo akuchitachita zotere sadzalowa Ufumu wa Mulungu.

Tito 3:3

Pakuti kale ifenso tinali opusa, osamvera, onyengeka, akuchitira ukapolo zilakolako ndi zokondweretsa za mitundumitundu, okhala m'dumbo ndi njiru, odanidwa, odana wina ndi mnzake.

Yakobo 3:14

Koma mukakhala nako kaduka kowawa, ndi chotetana m'mtima mwanu, musadzitamandira, ndipo musamanama potsutsana nacho choonadi.

Yakobo 4:5

Kodi muyesa kapena kuti malembo angonena chabe? Kodi Mzimuyo adamkhalitsa mwa ife akhumbitsa kuchita nsanje?

1 Samueli 1:10

Ndipo mkaziyo anali ndi mtima wowawa, napemphera kwa Yehova, naliratu misozi;