အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




တမန်တော်ဝတ္ထု 10:22 - ခေတ်သစ်​မြန်မာ သမ္မာကျမ်း

ထို​သူတို့​က “ကျွန်ုပ်တို့​ကို တပ်မှူး​ကော်နေလိ​က လွှတ်လိုက်ပါ၏။ သူ​သည် ဘုရားသခင်​ကို​ကြောက်ရွံ့​၍ သမာသမတ်ကျသူ​ဖြစ်ပြီး ဂျူးလူမျိုး​တစ်ရပ်လုံး​၏​ချီးမွမ်းခြင်း​ခံရသော​သူ​လည်း ဖြစ်၏။ သူ​၏​အိမ်​သို့ သင့်​ကို ဖိတ်ခေါ်​၍ သင်​ဟောပြောမည့်​အကြောင်း​ကို​ကြားနာ​ရန် သန့်ရှင်းသော​ကောင်းကင်တမန်​သည် သူ့​အား ညွှန်ကြားလိုက်ပါ၏” ဟု တုံ့ပြန်ကြ၏။

အခန်းကိုကြည့်ပါ။

Common Language Bible

ထို​သူ​တို့​က ``ကောင်း​ကင်​တ​မန်​တစ်​ပါး​သည် တပ်​ခွဲ​မှူး​ကော်​နေ​လိ​အား​အ​ရှင့်​ကို​ခေါ်​ဖိတ် ၍ အ​ရှင်​၏​တ​ရား​စ​ကား​ကို​ကြား​နာ​ရန်​ညွှန် ကြား​ခဲ့​ပါ​သည်။ ကော်​နေ​လိ​သည်​လူ​ကောင်း တစ်​ယောက်​ဖြစ်​၍​ဘု​ရား​သခင်​ကို​ကြောက်​ရွံ့ ရို​သေ​သူ​ဖြစ်​ပါ​သည်။ ယု​ဒ​အ​မျိုး​သား အ​ပေါင်း​တို့​၏​ကြည်​ညို​လေး​စား​မှု​ကို လည်း​ခံ​ရ​သူ​ဖြစ်​ပါ​၏'' ဟု​ပြော​ကြား​၏။-

အခန်းကိုကြည့်ပါ။

Garrad Bible

ထို သူ တို့ က ဘု ရား သ ခင် အား ခန့် ညား သော သူ တော် ကောင်း ဖြစ် လျက် ယု ဒ လူ မျိုး ခပ် သိမ်း တို့ တွင် အ သ ရေ ရှိ သော တပ် မှူး ကော် နေ လိ သည် ကိုယ် တော့် ကို အိမ် သို့ ပင့် ခေါ်၍ ကိုယ် တော့် ဒေ သ နာ ကို ကြား နာ ရန် သန့် ရှင်း သော စေ တ မန် တစ် ပါး ဖြင့် ဗျာ ဒိတ် တော် ခံ ရ ပါ သည် ဟု ပြန် လျှောက် ကြ သ ဖြင့်၊

အခန်းကိုကြည့်ပါ။

Judson Bible

ထို​သူ​တို့​က​လည်း ဘု​ရား​သ​ခင်​ကို​ကြောက်​ရွံ့၍၊ ယု​ဒ​လူ​အ​ပေါင်း​တို့​တွင် အ​သ​ရေ​ရှိ​သော သူ​တော်​ကောင်း​တည်း​ဟူ​သော တပ်​မှူး​ကော်​နေ​လိ​သည်၊ ကိုယ်​တော်​ကို မိ​မိ​အိမ်​သို့​ခေါ်​ပင့်၍ ကိုယ်​တော်၏​စ​ကား​ကို နား​ထောင်​ရ​မည်​အ​ကြောင်း၊ သန့်​ရှင်း​သော ကောင်း​ကင်​တ​မန်​အား​ဖြင့် ဗျာ​ဒိတ်​တော်​ကို ခံ​ရ​ပါ​သည်​ဟု ပြန်​ပြော​ကြ၏။-

အခန်းကိုကြည့်ပါ။

မြန်​​​မာ့​​​စံ​​​မီ​​​သမ္မာ​​​ကျမ်း​​

သူ​တို့​က​လည်း “ဖြောင့်မတ်​၍ ဘုရားသခင်​ကို​ကြောက်ရွံ့​သော​သူ​ဖြစ်​ပြီး ဂျူး​လူမျိုး​အားလုံး​တို့​တွင် ဂုဏ်​သတင်း​ကောင်း​သော​တပ်မှူး​ကော်နေလိ​သည် သင့်​ကို မိမိ​အိမ်​သို့​ခေါ်ဖိတ်​၍ သင့်​ထံမှ တရား​စကား​ကို​နားထောင်​ရန် သန့်ရှင်း​သော​ကောင်းကင်တမန်​၏​ဗျာဒိတ်​တော်​ကို ခံရ​ပါ​သည်”​ဟု ဆို​ကြ​၏။

အခန်းကိုကြည့်ပါ။



တမန်တော်ဝတ္ထု 10:22
36 ပူးပေါင်းရင်းမြစ်များ  

ထိုအခါ ခင်ပွန်းလောင်း​ဖြစ်​သူ ယောသပ်​သည် သူတော်ကောင်း​ဖြစ်​၍ မာရိ​ကို အသရေ​မပျက်စေလို​သောကြောင့် စေ့စပ်ကြောင်းလမ်းခြင်း​ကို တိတ်တဆိတ်​ဖျက်သိမ်း​ရန် ဆုံးဖြတ်၏။


ထို့နောက် ဟေရုဒ်မင်း​ထံသို့ လှည့်ပြန်မသွား​ရန် အိပ်မက်​တွင် ဘုရားသခင်​သတိပေးတော်မူ​သဖြင့် သူတို့​သည် အခြား​လမ်း​ဖြင့် မိမိတို့​၏​တိုင်းပြည်​သို့ ပြန်သွားကြ၏။


ဟေရုဒ်မင်း​သည် ယောဟန်​ကို ဖြောင့်မတ်သူ​နှင့် သန့်ရှင်းသူ​တစ်ဦး ဖြစ်ကြောင်း သိမြင်​၍ ရိုသေလေးစား​သောကြောင့် အကာအကွယ်​ပေး၏။ ယောဟန်​၏ စကား​ကို ကြား​သောအခါ စိတ်အနှောင့်အယှက်​ဖြစ်ရ​သော်လည်း လိုလား​စွာ​ပင် နားထောင်လေ့​ရှိ၏။


ဘုရားသခင်​ကို မယုံကြည်​၍ အပြစ်​ကျူးလွန်သော ဤ​ခေတ်ကာလ​တွင် တစ်စုံတစ်ဦး​သည် ငါ​နှင့် ငါ့​စကား​အတွက် ရှက်​လျှင် လူသား​သည် သန့်ရှင်းသော​ကောင်းကင်တမန်များ​ခြံရံ​လျက် ခမည်းတော်​၏​ဘုန်းအသရေ​ကို​ဆောင်​ကာ ကြွလာ​သောအခါ ထို​သူ​အတွက် ရှက်တော်မူမည်” ဟု မိန့်တော်မူ၏။


ထို​အချိန်​၌ ဂျေရုဆလင်မြို့​တွင် ရှိမောင်​ဟု ခေါ်သော လူ​တစ်ဦး​ရှိ၏။ သူ​သည် သူတော်ကောင်း​တစ်ဦး​ဖြစ်ပြီး ဘုရားတရား​ကိုင်းရှိုင်းသူ​လည်း ဖြစ်၏။ အစ္စရေးလူမျိုးတို့​အား နှစ်သိမ့်တော်မူမည့် ကယ်တင်ရှင်​ကြွလာမည်​ကို စောင့်မျှော်နေ​သူ ဖြစ်​၍ သန့်ရှင်းသော​ဝိညာဉ်တော်​သည်လည်း သူ့​အပေါ်​၌ တည်နေ၏။


ထို​အချိန်​တွင် ဖြောင့်မတ်​၍ သူတော်ကောင်း​ဖြစ်သော ယုဒပြည် အရိမဿဲမြို့သား ယောသပ်​ဟု ခေါ်သည့်​သူ​တစ်ဦး​ရှိ၏။ သူသည် တရားလွှတ်တော်​အဖွဲ့ဝင်​တစ်ဦး​ဖြစ်ပြီး


တစ်စုံတစ်ဦး​သည် ငါ​နှင့် ငါ့​စကား​အတွက် ရှက်​လျှင် လူသား​သည် မိမိ​ဘုန်းအသရေ၊ ခမည်းတော်​၏​ဘုန်းအသရေ၊ သန့်ရှင်းသော​ကောင်းကင်တမန်များ​၏​ဘုန်းအသရေ​နှင့် ကြွလာ​သောအခါ ထို​သူ​အတွက် ရှက်တော်မူမည်။


သင်တို့​အား ငါ​အမှန်​ဆို၏။ ငါ​၏ အစေလွှတ်ခံ​ကို လက်ခံကြိုဆိုသောသူ​သည် ငါ့​ကို လက်ခံကြိုဆို၏။ ငါ့​ကို လက်ခံကြိုဆိုသောသူ​သည်လည်း ငါ့​ကို စေလွှတ်သော ခမည်းတော်​ကို လက်ခံကြိုဆို၏” ဟု မိန့်တော်မူ၏။


အကျွန်ုပ်​သည် ဤ​တပည့်တော်တို့​အတွက်​သာ ဆုတောင်းသည်​မဟုတ်ပါ။ သူတို့​၏ ဟောပြောခြင်း​အားဖြင့် နောင်​တွင် အကျွန်ုပ်​ကို ယုံကြည်လာကြ​မည့် သူတို့​အတွက်​လည်း ဆုတောင်းပါ၏။


အဘယ်ကြောင့်ဆိုသော် အကျွန်ုပ်​အား ကိုယ်တော်​ပေးတော်မူသော​တရားတော်​ကို အကျွန်ုပ်​သည် ထို​သူတို့​အား ပေး​၍ သူတို့​သည် ခံယူ​ရရှိကြပါပြီ။ အကျွန်ုပ်​သည် ကိုယ်တော်​ထံမှ လာကြောင်း​ကို သူတို့​သည် အမှန်​ပင်​သိကြပါ၏။ ကိုယ်တော်​သည် အကျွန်ုပ်​ကို စေလွှတ်တော်မူကြောင်း​ကိုလည်း သူတို့​ယုံကြည်ကြပါ၏။


သင်တို့​အား ငါ​အမှန်​ဆို၏။ ငါ့​စကား​ကို နားထောင်​၍ ငါ့​ကို စေလွှတ်တော်မူသော​ဘုရား​ကို ယုံကြည်သော​သူ​သည် ထာဝရ​အသက်​ကို ရ၏။ ထို​သူ​သည် ပြစ်ဒဏ်​စီရင်ခြင်း​မခံရဘဲ သေခြင်း​မှ အသက်ရှင်ခြင်း​သို့ ကူးပြောင်းရသော​သူ​ဖြစ်၏။


ဝိညာဉ်တော်​ကသာ အသက်ရှင်စေ၏။ လူ့​အားထုတ်မှု​မှာမူ မည်သည့်အရာ​ကိုမျှ မဖြစ်မြောက်စေနိုင်ပါ။ သင်တို့​ကို ငါ​ပြောသော စကားတို့​သည် ဝိညာဉ်​နှင့် အသက်​ဖြစ်၏။


ရှိမုန်​ပေတရု​က “သခင်… အကျွန်ုပ်တို့​သည် မည်သူ့​ထံသို့ သွားရပါမည်နည်း။ ထာဝရ​အသက်​ကို ပေးသော​စကား​သည် သခင့်​ထံ၌​သာ​ရှိ၏။


သူ​နှင့်တကွ မိသားစုဝင်များ​သည် ဘုရားသခင်​အား ကြောက်ရွံ့​၍ ဘုရားတရား​ကိုင်းရှိုင်းသူ​လည်း​ဖြစ်၏။ တစ်ပါးသူတို့​အား အလှူအတန်း​ရက်ရောပြီး ဘုရားသခင်​ထံ စဉ်ဆက်မပြတ်​ဆုတောင်းသော​သူ​လည်း ဖြစ်၏။


ထို့ကြောင့် ပေတရု​သည် ထို​သူတို့​ထံ ဆင်းသွား​၍ “ကျွန်ုပ်​သည် သင်တို့​ရှာနေသော​သူ​ဖြစ်၏။ မည်သည့်​အကြောင်းကိစ္စ​ကြောင့် လာခဲ့ကြပါသနည်း” ဟု မေးလေ၏။


ကော်နေလိ​ကလည်း “လွန်ခဲ့သော​လေးရက်​က ယခု​ကဲ့သို့သော မွန်းလွဲ​သုံးနာရီ​အချိန်​တွင် ကျွန်ုပ်​သည် အိမ်​၌​ဆုတောင်းနေ၏။ ထိုအခါ တောက်ပသော​အဝတ်​ကို ဝတ်ဆင်ထားသည့် လူ​တစ်ဦး​သည် ကျွန်ုပ်​ရှေ့​တွင် ရပ်​လျက်


ထို့ကြောင့် ကျွန်ုပ်​သည် သင့်​ထံသို့ ချက်ချင်း​ပင် လူ​လွှတ်​၍​ခေါ်​ရာ သင်​ရောက်ရှိလာသည်​မှာ ကောင်းမွန်လှ၏။ သို့ဖြစ်၍ သင့်​အားဖြင့် သခင်ဘုရား​မိန့်တော်မူ​သမျှ​ကို နားထောင်​ရန် ကျွန်ုပ်တို့​အားလုံး​သည် ဘုရားသခင်​၏​ရှေ့တော်မှောက်​တွင် အသင့်​ရှိနေကြပါသည်” ဟု ဆိုလေ၏။


သူ​သည် သားရေ​အလုပ်သမား ရှိမုန်​၏​အိမ်​၌ တည်းခိုနေ၏။ ထို​အိမ်​သည် ပင်လယ်ကမ်း​နား​တွင်​ရှိ၏” ဟု ပြောဆို၏။


သူ​သည် သင်​နှင့် သင့်​အိမ်သူအိမ်သား​အားလုံး ကယ်တင်ခြင်း​ခံရမည့် တရားစကား​ကို ဟောပြော​လိမ့်မည်’ ဟု ဆိုသည်​ကို ကျွန်ုပ်တို့​အား ပြန်ပြောပြ၏။


ထို့နောက် ပညတ်တရား​အတိုင်း ဘုရားတရား​ကိုင်းရှိုင်း​၍ ဒမတ်စကပ်မြို့​တွင် နေထိုင်သည့်​ဂျူးများ​ရှေ့​၌ ချီးမွမ်း​ခံရသူ အာနနိ​ဟု ခေါ်သော​လူ​တစ်ဦး​သည် ကျွန်ုပ်​ထံသို့ လာ၏။ သူ​သည် နံဘေး​၌ ရပ်နေပြီး​လျှင် ‘ငါ့​ညီ ရှောလု… မျက်စိ​ပြန်မြင်စေ’ ဟု ဆို​ရာ ထို​ခဏချင်း​ပင် ကျွန်ုပ်​၏​မျက်စိ​ပြန်မြင်​၍ သူ့​ကို တွေ့မြင်ရ၏။


ဖြောင့်မတ်သော​သူ၊ မဖြောင့်မတ်သော​သူ အပေါင်းတို့​သည် သေရာ​မှ​ပြန်ရှင်​လိမ့်မည်​ဟု သူတို့​စောင့်မျှော်​လျက်​နေ​သကဲ့သို့ အကျွန်ုပ်​သည်လည်း ဘုရားသခင်​ကို အမှီပြု​၍ စောင့်မျှော်​လျက်​နေပါ၏။


သို့ဖြစ်၍ ညီအစ်ကို​မောင်နှမတို့… ဝိညာဉ်တော်​နှင့်​လည်းကောင်း၊ ဉာဏ်ပညာ​နှင့်​လည်းကောင်း ပြည့်စုံ​၍ ဂုဏ်သတင်း​ကောင်းမွန်သော လူ​ခုနစ်ယောက်​ကို သင်တို့​အထဲ​က ရွေးချယ်ကြလော့။ ဤ​ကိစ္စ​ကို စီမံခန့်ခွဲ​နိုင်ရန် ကျွန်ုပ်တို့​သည် ထို​သူတို့​အား ခန့်အပ်ထားကြမည်။


ဘုရားသခင်​သည် ကျွန်ုပ်တို့​ကို မည်သို့​ဖြောင့်မတ်​စေတော်မူကြောင်း ထို​သတင်းကောင်း​က ဖော်ပြ၏။ ထိုသို့​ဖြောင့်မတ်​ရန် ယုံကြည်ခြင်း​နှင့် စတင်​၍ ယုံကြည်ခြင်း​နှင့် အဆုံးသတ်၏။ ဤ​အရာ​သည် ကျမ်းစာ​၌ “ဖြောင့်မတ်သောသူ​သည် ယုံကြည်ခြင်း​အားဖြင့် အသက်ရှင်​လိမ့်မည်” ဟု ဖော်ပြထားသည့်​အတိုင်း ဖြစ်၏။


ဤ​အရာ​အားလုံး​သည် ဘုရားသခင်​ပြုသော​အမှု​ဖြစ်၏။ ဘုရားသခင်​သည် ခရစ်တော်​အားဖြင့် ကျွန်ုပ်တို့​ကို မိမိ​နှင့် ပြန်လည်​သင့်မြတ်စေတော်မူ​ပြီးလျှင် အခြား​သူတို့​ကို မိမိ​နှင့် ပြန်လည်​သင့်မြတ်​စေရန်​အတွက် ဆောင်ရွက်ရမည့်​တာဝန်​ကိုလည်း ကျွန်ုပ်တို့​အား ပေးတော်မူ၏။


သူတစ်ပါး ကဲ့ရဲ့​ရှုတ်ချခြင်း​မခံရ​စေရန်​နှင့် မာရ်နတ်​၏ ကျော့ကွင်း​ထဲသို့ မကျရောက်​စေရန် သူ​သည် အသင်းတော်​ပြင်ပ​တွင် ဂုဏ်သရေ​ရှိသူ ဖြစ်ရမည်။


ငါ​၏ ဖြောင့်မတ်သောသူ​သည် ယုံကြည်ခြင်း​အားဖြင့် အသက်ရှင်​လိမ့်မည်။ သို့သော် ငါ​သည် နောက်ပြန်လှည့်တတ်သူများ​ကို နှစ်သက်မည်​မဟုတ်” ဟု ဖော်ပြထား​သောကြောင့်​ဖြစ်၏။


ထိုသို့သော​ယုံကြည်ခြင်း​မျိုး ရှိ​သဖြင့် ရှေးလူကြီးတို့​သည် ဘုရားသခင်​၏ ချီးကျူးတော်မူခြင်း​ကို ခံခဲ့ကြရ၏။


ကောင်းကင်ဘုံ​၌ စာရင်း​ဝင်သော​သားဦးတို့​၏ အသင်းတော်​သို့​လည်းကောင်း၊ လူအပေါင်းတို့​ကို တရားစီရင်တော်မူသော​ဘုရားသခင်​ထံသို့​လည်းကောင်း၊ ပြီးပြည့်စုံသည့်​ဖြောင့်မတ်သောသူတို့​၏ ဝိညာဉ်များ​ထံသို့​လည်းကောင်း ရောက်ကြပြီ။


သန့်ရှင်းသော​ပရောဖက်များ ယခင်​က ဟောပြောခဲ့သော​စကားများ​နှင့် သင်တို့​၏ တမန်တော်များ​အားဖြင့် ကျွန်ုပ်တို့​၏​သခင်​နှင့် ကယ်တင်ရှင် ဖြစ်တော်မူသော​အရှင်​၏ ပညတ်တော်တို့​ကို သင်တို့​အား သတိရ​စေလို၏။


ဒေမေတရိ​၏ ကောင်းကြောင်း​ကို လူတိုင်း​သာမက သမ္မာတရား​ကိုယ်တိုင်​က သက်သေခံ၏။ ကျွန်ုပ်တို့​သည်လည်း သက်သေခံကြ၏။ ကျွန်ုပ်တို့​၏ သက်သေခံချက် မှန်ကန်ကြောင်း သင်​သိ၏။


ဘုရားသခင်​၏​အမျက်တော်​ဖလား ထဲ​၌ ပြည့်လျှံ​စွာ လောင်းထည့်​ထားသည့် အမျက်တော်​စပျစ်ဝိုင်​ကို သောက်ရမည်။ ထို​သူတို့​သည် သန့်ရှင်းသော​ကောင်းကင်တမန်များ​နှင့် သိုးသငယ်တော်​ရှေ့တွင် ကန့်​နှင့်​ရောသော​မီး​ထဲ၌ ညှဉ်းဆဲခြင်း​ကို ခံရ​လိမ့်မည်။