တမန်တော်ဝတ္ထု 11:14 - ခေတ်သစ်​မြန်မာ သမ္မာကျမ်း

¹⁴ သူ​သည် သင်​နှင့် သင့်​အိမ်သူအိမ်သား​အားလုံး ကယ်တင်ခြင်း​ခံရမည့် တရားစကား​ကို ဟောပြော​လိမ့်မည်’ ဟု ဆိုသည်​ကို ကျွန်ုပ်တို့​အား ပြန်ပြောပြ၏။

Common Language Bible

¹⁴ ထို​သူ​သည်​သင်​နှင့်​အိမ်​သူ​အိမ်​သား​များ​အား ကယ်​တင်​ခြင်း​ရ​ရာ​ရ​ကြောင်း​တရား​စ​ကား များ​ကို​ဟော​ပြော​လိမ့်​မည်' ဟူ​၍​မြွက်​ဆို ကြောင်း​ကို​ငါ​တို့​အား​ပြော​ကြ​၏။-

Garrad Bible

¹⁴ သင် နှင့် တ ကွ အိမ် သူ အိမ် သား တို့ ပါ ကယ် တင် တော် မူ ရာ ရောက် စေ မည့် စ ကား ကို ဟော လိမ့် မည် ဟု မြွက် ဆို ကြောင်း ပြန် ကြား သ ဖြင့်၊

Judson Bible

¹⁴ ထို​ပေ​တ​ရု​သည် သင်​မှ​စ၍ သင်၏​အိမ်၌ ရှိ​သ​မျှ​သော သူ​တို့​ကို ကယ်​တင်​တော်​မူ​ခြင်း​တ​ရား​စ​ကား​ကို သင့်​အား​ဟော​ပြော​လိမ့်​မည်​ဟု မြွက်​ဆို​ခဲ့​သော အ​ကြောင်း​အ​ရာ​ကို ထို​သူ​သည် ငါ​တို့​အား​ပြန်​ကြား​လေ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ သူ​သည် သင်​နှင့် သင်​၏​မိသားစု​အားလုံး ကယ်တင်​ခြင်း​ရရှိ​စေ​မည့်​တရား​စကား​ကို သင့်​အား ဟောပြော​လိမ့်မည်’​ဟု မြွက်ဆို​သည်​ကို သူ​မြင်​ရ​ကြောင်း ငါ​တို့​အား ပြောပြ​ခဲ့​၏။

တမန်တော်ဝတ္ထု 11:14 ပူးပေါင်းရင်းမြစ်များ

ရှင်မာကု 16:16

ယုံကြည်​၍ နှစ်ခြင်းမင်္ဂလာ ခံယူသော​သူတို့​သည် ကယ်တင်တော်မူ​ခံရမည်။ သို့သော် ယုံကြည်​ရန် ငြင်းဆိုသော​သူတို့​သည် အပြစ်စီရင်တော်မူ​ခံရမည်။

လုကာ 19:10

အဘယ်ကြောင့်ဆိုသော် လူသား​သည် ပျောက်ဆုံးနေသော​သူများ​ကို ရှာဖွေ​၍ ကယ်တင်​ရန် ကြွလာ​သောကြောင့်​ဖြစ်သည်” ဟု မိန့်တော်မူ၏။

ရှင်ယောဟန် 12:50

ခမည်းတော်​၏ အမိန့်တော်​သည် ထာဝရ​အသက်​ရစေသည်​ကို ငါ​သိ၏။ ထို့ကြောင့် ခမည်းတော်​ဟောပြောစေလိုသည့်​အတိုင်း ငါ​ဟောပြော၏” ဟု ကြွေးကြော်တော်မူ၏။

ရှင်ယောဟန် 20:31

သို့သော် ယေရှု​သည် ဘုရားသခင်​၏ သားတော် ခရစ်တော်​ဖြစ်ကြောင်း သင်တို့​ယုံကြည်ကြ​စေရန်​နှင့် ထိုသို့ ယုံကြည်​၍ နာမတော်​၏​တန်ခိုး​အားဖြင့် အသက်​ကို ရရှိကြ​စေရန် ဤ​ကျမ်းစာ​ကို ရေးသားရခြင်း​ဖြစ်၏။

ရှင်ယောဟန် 4:53

ထိုအခါ ဖခင်​ဖြစ်သူ​က ထို​အချိန်​မှာ “သင်​၏​သား ကျန်းမာပြီ” ဟု ယေရှု​မိန့်တော်မူသော​အချိန်​ဖြစ်ကြောင်း​ကို သိလေ၏။ ထို့နောက် အမတ်​ကိုယ်တိုင်​မှစ၍ အိမ်သူ​အိမ်သား အားလုံးတို့​သည် ယေရှု​ကို ယုံကြည်ကြကုန်၏။

ရှင်ယောဟန် 6:63

ဝိညာဉ်တော်​ကသာ အသက်ရှင်စေ၏။ လူ့​အားထုတ်မှု​မှာမူ မည်သည့်အရာ​ကိုမျှ မဖြစ်မြောက်စေနိုင်ပါ။ သင်တို့​ကို ငါ​ပြောသော စကားတို့​သည် ဝိညာဉ်​နှင့် အသက်​ဖြစ်၏။

ရှင်ယောဟန် 6:68

ရှိမုန်​ပေတရု​က “သခင်… အကျွန်ုပ်တို့​သည် မည်သူ့​ထံသို့ သွားရပါမည်နည်း။ ထာဝရ​အသက်​ကို ပေးသော​စကား​သည် သခင့်​ထံ၌​သာ​ရှိ၏။

တမန်တော်ဝတ္ထု 10:2

သူ​နှင့်တကွ မိသားစုဝင်များ​သည် ဘုရားသခင်​အား ကြောက်ရွံ့​၍ ဘုရားတရား​ကိုင်းရှိုင်းသူ​လည်း​ဖြစ်၏။ တစ်ပါးသူတို့​အား အလှူအတန်း​ရက်ရောပြီး ဘုရားသခင်​ထံ စဉ်ဆက်မပြတ်​ဆုတောင်းသော​သူ​လည်း ဖြစ်၏။

တမန်တော်ဝတ္ထု 10:22

ထို​သူတို့​က “ကျွန်ုပ်တို့​ကို တပ်မှူး​ကော်နေလိ​က လွှတ်လိုက်ပါ၏။ သူ​သည် ဘုရားသခင်​ကို​ကြောက်ရွံ့​၍ သမာသမတ်ကျသူ​ဖြစ်ပြီး ဂျူးလူမျိုး​တစ်ရပ်လုံး​၏​ချီးမွမ်းခြင်း​ခံရသော​သူ​လည်း ဖြစ်၏။ သူ​၏​အိမ်​သို့ သင့်​ကို ဖိတ်ခေါ်​၍ သင်​ဟောပြောမည့်​အကြောင်း​ကို​ကြားနာ​ရန် သန့်ရှင်းသော​ကောင်းကင်တမန်​သည် သူ့​အား ညွှန်ကြားလိုက်ပါ၏” ဟု တုံ့ပြန်ကြ၏။

တမန်တော်ဝတ္ထု 10:43

ယေရှု​ခရစ်တော်​ကို ယုံကြည်သော​သူ​တိုင်း​သည် သူ​၏​အမည်​နာမ​အားဖြင့် အပြစ်တရား​မှ ခွင့်လွှတ်ခြင်း​ခံရမည်​ဟု ထို​အရှင်​နှင့် ပတ်သက်သည့်​အကြောင်း​ကို ပရောဖက်​အားလုံး​က သက်သေပြုကြသည်” ဟူ၍ ဟောပြောလေ၏။

တမန်တော်ဝတ္ထု 10:6

သူ​သည် သားရေ​အလုပ်သမား ရှိမုန်​၏​အိမ်​၌ တည်းခိုနေ၏။ ထို​အိမ်​သည် ပင်လယ်ကမ်း​နား​တွင်​ရှိ၏” ဟု ပြောဆို၏။

တမန်တော်ဝတ္ထု 11:13

ထိုအခါ ကော်နေလိ​က ကောင်းကင်တမန်​သည် သူ​၏​အိမ်​တွင်​ရပ်​လျက် ‘ယုပ္ပေမြို့​သို့ လူ​လွှတ်​၍ ပေတရု​ဟု ခေါ်သော ရှိမုန်​ကို ဖိတ်လော့။

တမန်တော်ဝတ္ထု 16:15

သူ​နှင့် အိမ်သူ​အိမ်သား​အားလုံးတို့​သည် နှစ်ခြင်းမင်္ဂလာ​ကို ခံယူပြီး​လျှင် လုဒိ​က “ကျွန်မ​သည် သခင်ဘုရား​အား အမှန်ပင်​ယုံကြည်သောသူ​ဖြစ်သည်​ဟု သင်တို့​သတ်မှတ်​ပါက အိမ်​သို့​လာ​၍ တည်းခိုကြပါ” ဟု ကျွန်ုပ်တို့​အား ဖျောင်းဖျလေ၏။

တမန်တော်ဝတ္ထု 18:8

ဂျူးဝတ်ပြုဆောင်မှူး​ဖြစ်သော ကရိပ္ပု​သည် သူ​၏​အိမ်သူအိမ်သားများ​နှင့်တကွ သခင်ဘုရား​ကို ယုံကြည်၏။ အခြားသော​ကောရိန္သုမြို့သား​အမြောက်အမြားတို့​သည်လည်း ပေါလု​ဟောပြောသော တရားစကားများ​ကို ကြား​၍ ယုံကြည်​သဖြင့် နှစ်ခြင်းမင်္ဂလာ​ကို ခံယူကြ၏။

တမန်တော်ဝတ္ထု 2:39

ထို​ကတိတော်​သည် သင်တို့​မှ​စ၍ သင်တို့​၏​သားသမီးများ​နှင့် ကျွန်ုပ်တို့​၏​ဘုရားသခင် ထာဝရဘုရား​ခေါ်တော်မူသည့် အဝေး​၌ ရှိသော​သူ​အပေါင်းတို့​အတွက် ဖြစ်သည်” ဟု ဟောပြောလေ၏။

၁ ကော 1:16

သတေဖနာ​၏ အိမ်သူအိမ်သားများ​ကိုလည်း ကျွန်ုပ်​နှစ်ခြင်းမင်္ဂလာ​ပေးခဲ့၏။ ထို​သူတို့​အပြင် အခြားသော​သူတို့​အား နှစ်ခြင်းမင်္ဂလာ​ပေးခဲ့သည်၊ မပေးခဲ့သည်​ကို ကျွန်ုပ်​မမှတ်မိ။