လုကာ 9:26 - ခေတ်သစ်​မြန်မာ သမ္မာကျမ်း

²⁶ တစ်စုံတစ်ဦး​သည် ငါ​နှင့် ငါ့​စကား​အတွက် ရှက်​လျှင် လူသား​သည် မိမိ​ဘုန်းအသရေ၊ ခမည်းတော်​၏​ဘုန်းအသရေ၊ သန့်ရှင်းသော​ကောင်းကင်တမန်များ​၏​ဘုန်းအသရေ​နှင့် ကြွလာ​သောအခါ ထို​သူ​အတွက် ရှက်တော်မူမည်။

Common Language Bible

²⁶ မည်​သူ​မ​ဆို​ငါ​နှင့်​ငါ​၏​သြ​ဝါဒ​ကြောင့်​ရှက် လျှင်​လူ​သား​သည်​မိ​မိ​၏​ဘုန်း​အ​သ​ရေ၊ ခ​မည်း တော်​၏​ဘုန်း​အ​သ​ရေ၊ သန့်​ရှင်း​သော​ကောင်း​ကင် တ​မန်​များ​၏​ဘုန်း​အ​သ​ရေ​ကို​ဆောင်​လျက် ကြွ​လာ​သော​အ​ခါ​ထို​သူ​ကြောင့်​ရှက်​တော်​မူ လတ္တံ့။-

Garrad Bible

²⁶ မည် သူ မ ဆို ငါ နှင့် ငါ့ မိန့် ဆို ချက် ကြောင့် ရှက် လျှင်၊ လူ့ သား သည် ကိုယ်၏ ဘုန်း၊ ခ မည်း တော်၏ ဘုန်း၊ သန့် ရှင်း သော စေ တ မန် တော် တို့၏ ဘုန်း ကို ဆောင် လျက် ကြွ လာ သည့် ကာ လ ထို သူ ကြောင့် ရှက် တော် မူ လိမ့် မည်။

Judson Bible

²⁶ အ​ကြင်​သူ​သည် ငါ့​ကို​လည်း​ကောင်း၊ ငါ့​စ​ကား​ကို​လည်း​ကောင်း ရှက်၏၊ လူ​သား​သည် မိ​မိ​ဘုန်း၊ မိ​မိ​အ​ဘ​ခ​မည်း​တော်၏​ဘုန်း၊ သန့်​ရှင်း​သော​ကောင်း​ကင်​တ​မန်​တို့၏ ဘုန်း​ကို​ဆောင်​လျက် ကြွ​လာ​သော​အ​ခါ၊ ထို​သူ​ကို ရှက်​တော်​မူ​လ​တ္တံ့။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ မည်သူမဆို ငါ​နှင့်​ငါ့​တရား​စကား​အတွက်​ရှက်​လျှင် လူ့သား​သည်​လည်း မိမိ​၏​ဘုန်း​အသရေ၊ ခမည်းတော်​၏​ဘုန်း​အသရေ​နှင့် သန့်ရှင်း​သော​ကောင်းကင်တမန်​များ​၏​ဘုန်း​အသရေ​တို့​ကို​ဆောင်​လျက် ကြွလာ​သောအခါ ထို​သူ​အတွက်​ရှက်​လိမ့်မည်။

မြန်မာ

²⁶ အ​ကြင်​သူ​သည် ငါ့​ကို​လည်း​ကောင်း၊ ငါ့​စ​ကား​ကို​လည်း​ကောင်း ရှက်၏၊ လူ​သား​သည် မိ​မိ​ဘုန်း၊ မိ​မိ​အ​ဘ​ခ​မည်း​တော်၏​ဘုန်း၊ သန့်​ရှင်း​သော​ကောင်း​ကင်​တ​မန်​တို့၏ ဘုန်း​ကို​ဆောင်​လျက် ကြွ​လာ​သော​အ​ခါ၊ ထို​သူ​ကို ရှက်​တော်​မူ​လ​တ္တံ့။-

လုကာ 9:26 ပူးပေါင်းရင်းမြစ်များ

မဿဲ 16:27

လူသား​သည် ခမည်းတော်​၏ ဘုန်းတော်​ကို​ဆောင်​၍ ကောင်းကင်တမန်များ ခြံရံ​လျက် ကြွလာ​လိမ့်မည်။ လူ​အပေါင်းတို့​အား သူတို့​ပြုခဲ့သည့်​အကျင့်​အတိုင်း ဆပ်ပေးတော်မူ​လိမ့်မည်။

မဿဲ 25:31

လူသား​သည် မိမိ​၏​ဘုန်းအသရေ​ကို ဆောင်​၍ ကောင်းကင်တမန်များ​ခြံရံ​လျက် ကြွလာ​သောအခါ ဘုန်းအသရေ​နှင့် ပြည့်စုံသော သူ​၏ ရာဇပလ္လင်​ပေါ်​တွင် ထိုင်တော်မူ​လိမ့်မည်။

မဿဲ 26:64

ယေရှု​က “သင်​ပြောသည့်​အတိုင်း မှန်ပါ၏။ နောင်​တွင် လူသား​သည် တန်ခိုးရှင်​၏​လက်ယာတော်ဘက်​၌ ထိုင်​၍ ကောင်းကင်​မှ မိုးတိမ်​စီး​လျက် ကြွလာသည်​ကို သင်တို့​မြင်ကြရ​လိမ့်မည်” ဟု ပြန်​၍ မိန့်တော်မူ၏။

ရှင်မာကု 8:38

ဘုရားသခင်​ကို မယုံကြည်​၍ အပြစ်​ကျူးလွန်သော ဤ​ခေတ်ကာလ​တွင် တစ်စုံတစ်ဦး​သည် ငါ​နှင့် ငါ့​စကား​အတွက် ရှက်​လျှင် လူသား​သည် သန့်ရှင်းသော​ကောင်းကင်တမန်များ​ခြံရံ​လျက် ခမည်းတော်​၏​ဘုန်းအသရေ​ကို​ဆောင်​ကာ ကြွလာ​သောအခါ ထို​သူ​အတွက် ရှက်တော်မူမည်” ဟု မိန့်တော်မူ၏။

ရှင်ယောဟန် 12:43

အဘယ်ကြောင့်ဆိုသော် သူတို့​သည် ဘုရားသခင်​၏​ဂုဏ်ပြုချီးမွမ်းခြင်း​ထက် လူတို့​၏ ဂုဏ်ပြုချီးမွမ်းခြင်း​ကို ပို​၍ နှစ်သက်ကြ​သောကြောင့် ဖြစ်၏။

ရှင်ယောဟန် 5:44

သင်တို့​သည် အချင်းချင်း​ဂုဏ်ပြုချီးမြှောက်ကြပြီး တစ်ဆူတည်းသော ဘုရားသခင်​၏ ဂုဏ်ပြုချီးမြှောက်ခြင်း​ကိုမူ အလိုမရှိကြ။ ထို့ကြောင့် သင်တို့​သည် ငါ့​ကို မယုံကြည်ဘဲ​နေသည်​မှာ အံ့ဩစရာ​မရှိ။

တမန်တော်ဝတ္ထု 10:22

ထို​သူတို့​က “ကျွန်ုပ်တို့​ကို တပ်မှူး​ကော်နေလိ​က လွှတ်လိုက်ပါ၏။ သူ​သည် ဘုရားသခင်​ကို​ကြောက်ရွံ့​၍ သမာသမတ်ကျသူ​ဖြစ်ပြီး ဂျူးလူမျိုး​တစ်ရပ်လုံး​၏​ချီးမွမ်းခြင်း​ခံရသော​သူ​လည်း ဖြစ်၏။ သူ​၏​အိမ်​သို့ သင့်​ကို ဖိတ်ခေါ်​၍ သင်​ဟောပြောမည့်​အကြောင်း​ကို​ကြားနာ​ရန် သန့်ရှင်းသော​ကောင်းကင်တမန်​သည် သူ့​အား ညွှန်ကြားလိုက်ပါ၏” ဟု တုံ့ပြန်ကြ၏။

ရော​မ 1:16

ကျွန်ုပ်​သည် ခရစ်တော်​၏ သတင်းကောင်း​အတွက် မရှက်ကြောက်။ အဘယ်ကြောင့်ဆိုသော် ထို​သတင်းကောင်း​သည် ယုံကြည်သောသူများ​ဖြစ်သည့် ဦးစွာ ဂျူး​လူမျိုးများ၊ ထို့နောက် လူမျိုးခြားများ​ကို ကယ်တင်သော ဘုရားသခင်​၏ တန်ခိုးတော်​ဖြစ်​သောကြောင့်​ပင်။

၂ ကော 12:10

သို့ဖြစ်၍ ခရစ်တော်​အတွက်​ကြောင့် ခံရသော အားနည်းခြင်း၊ ကဲ့ရဲ့ခြင်း၊ ကျပ်တည်းခြင်း၊ ညှဉ်းပန်းနှိပ်စက်ခြင်း​နှင့် ခက်ခဲခြင်းတို့​ကို ကျွန်ုပ်​ကျေနပ်၏။ အဘယ်ကြောင့်ဆိုသော် ကျွန်ုပ်​သည် အားနည်း​သောအခါ ခရစ်တော်​၏​တန်ခိုး​အားဖြင့် အားကြီး​လျက်​ရှိ​သောကြောင့်​ဖြစ်၏။

ဂ​လာ​တိ 6:14

ကျွန်ုပ်​မှာမူ သခင်​ယေရှု​ခရစ်တော်​၏ လက်ဝါးကပ်တိုင်​အတွက်​မှလွဲ၍ အခြား မည်သည့်​အရာ​အတွက်​မျှ ကြွားဝါ​လိမ့်မည်​မဟုတ်။ ထို​လက်ဝါးကပ်တိုင်​ကြောင့် ဤ​လောက​နှင့်​ဆိုင်သော​အရာတို့​သည် ကျွန်ုပ်​နှင့် အဆက်ပြတ်​၍ ကျွန်ုပ်​သည်လည်း ဤ​လောက​နှင့်​ဆိုင်သော အရာတို့​နှင့် အဆက်ပြတ်ပြီ။

၁ တိ 5:21

မျက်နှာလိုက်ခြင်း၊ ဘက်လိုက်ခြင်း​မရှိဘဲ ဤ​ညွှန်ကြားချက်များ​ကို လိုက်နာဆောင်ရွက်​ရန် ဘုရားသခင်​နှင့် ယေရှု​ခရစ်တော်​တို့ ရှေ့၌​လည်းကောင်း၊ ရွေးကောက်တော်မူသော​ကောင်းကင်တမန်တို့​ရှေ့၌​လည်းကောင်း သင့်​ကို ကျွန်ုပ်​အလေးအနက် ညွှန်ကြားလို၏။

၂ တိ 1:12

ထို​အကြောင်း​ကြောင့် ဤ​ဆင်းရဲဒုက္ခ​ကို ခံစားနေရ၏။ သို့သော်လည်း ကျွန်ုပ်​မရှက်ပါ။ အဘယ်ကြောင့်ဆိုသော် ကျွန်ုပ်​သည် မိမိ​ယုံကြည်သော​အရှင်​ကို သိ​ပြီး ကိုယ်တော်​ထံ၌ မိမိ​အပ်ထားသော​အရာ​ကိုလည်း ထို​နေ့ရက်​တိုင်အောင် ကိုယ်တော်​စောင့်ထိန်းတော်မူမည်​ဟု စိတ်ချ​သောကြောင့်​ဖြစ်၏။

၂ တိ 2:12

ဆင်းရဲဒုက္ခ​ကို ခံနိုင်​လျှင် ကိုယ်တော်​နှင့်အတူ စိုးစံရ​လိမ့်မည်။ ကိုယ်တော်​ကို ငြင်းပယ်​လျှင် ကိုယ်တော်​သည်လည်း ကျွန်ုပ်တို့​ကို ငြင်းပယ်​လိမ့်မည်။

ဟေ​ဗြဲ 11:26

သူ​သည် အနာဂတ်​တွင် ရမည့် ဆုလာဘ်​ကို မျှော်ကိုး​သောကြောင့် အီဂျစ်ပြည်​၏ စည်းစိမ်​ထက် ခရစ်တော်​အတွက် ဆင်းရဲဒုက္ခ​ခံခြင်း​သည် ပို၍ မြတ်သည်​ဟု မှတ်ယူလေ၏။

ဟေ​ဗြဲ 13:13

ထို့ကြောင့် ကျွန်ုပ်တို့​သည် စခန်း​အပြင်​ဘက်သို့ ထွက်​ကာ ကိုယ်တော်​ထံ သွား​၍ ကိုယ်တော်​ခံရသော ကဲ့ရဲ့​ရှုတ်ချခြင်း​ကို ခံကြစို့။

ယု​ဒ 1:14

အာဒံ​မှ ဆင်းသက်​၍ ခုနစ်ဆက်​မြောက်သော​မျိုးဆက် ဧနောက်​သည် သူတို့​နှင့်​ပတ်သက်၍ “နားထောင်လော့။ ထာဝရဘုရား​သည် မိမိ​၏ မြောက်မြားစွာသော​ကောင်းကင်တမန်များ​နှင့်အတူ ကြွလာ​၍

ဗျာ​ဒိတ် 1:7

ကြည့်ရှုလော့။ ကိုယ်တော်​သည် မိုးတိမ်များ​ဖြင့် ကြွလာတော်မူမည် ဖြစ်ပြီး ကိုယ်တော်​ကို လှံ​နှင့် ထိုးဖောက်ခဲ့သူများ​အပါအဝင် လူတိုင်း​က မြင်ကြရ​လိမ့်မည်။ ကမ္ဘာလောက​ရှိ လူမျိုး​အပေါင်းတို့​သည် ကိုယ်တော်​ကြောင့် ငိုကြွေး​မြည်တမ်းကြ​လိမ့်မည်။ ထို​အရာ​သည် အမှန်​ပင်​ဖြစ်၏။ အာမင်။

ဗျာ​ဒိတ် 20:11

ထိုအခါ ရာဇပလ္လင်​ဖြူကြီး​နှင့် ထို​ပလ္လင်​ပေါ်တွင် ထိုင်တော်မူသော​အရှင်​ကို ကျွန်ုပ်​မြင်ရ၏။ မြေကြီး​နှင့် ကောင်းကင်​သည် ထို​အရှင်​ရှေ့မှ ပျောက်ကွယ်သွား​၍ ၎င်းတို့​အတွက် နေရာ​မရှိတော့ပေ။

ဗျာ​ဒိတ် 21:8

သို့ရာတွင် ကြောက်တတ်သူများ၊ မယုံကြည်သူများ၊ စက်ဆုပ်ရွံ့ရှာဖွယ်​ကောင်းသူများ၊ လူသတ်သမားများ၊ တရား​နှင့်​မညီသော မေထုန်​ကို ပြုသူများ၊ ပြုစားတတ်သူများ၊ ရုပ်တု​ကိုးကွယ်သူများ​နှင့် လိမ်လည်သူများ​အားလုံးတို့​သည် ကန့်​နှင့် လောင်သော​မီးအိုင်​ထဲသို့ ပစ်ချခြင်း​ခံကြရမည်။ မီးအိုင်​သည် ဒုတိယ​သေခြင်း​ဖြစ်၏” ဟု​မိန့်တော်မူ၏။

ဗျာ​ဒိတ် 3:5

အောင်မြင်သောသူ​သည် ထို​သူတို့​ကဲ့သို့​ပင် ဖြူသော​အဝတ်​ကို ဝတ်ဆင်​ရ​လိမ့်မည်။ ငါ​သည် သူ​၏​နာမည်​ကို အသက်​စာစောင်​မှ မည်သည့်​အခါ​မျှ ပယ်ဖျက်မည်​မဟုတ်။ သူ​သည် ငါ့​တပည့်​ဖြစ်ကြောင်း​ကို ငါ့​ခမည်းတော်​နှင့် ခမည်းတော်​၏​ကောင်းကင်တမန်များ​ရှေ့​၌ ငါ​အသိအမှတ်ပြုမည်။