3 ЯНА 1:4 - Кнігі Святога Пісання - Біблія - Біблія — пераклад Чарняўскага (выданне 2017 года)

Для мяне няма большай радасці, як пачуць, што дзеці мае жывуць у праўдзе.

Біблія (пераклад А.Бокуна)

Для мяне няма большай радасьці, як чуць, што дзеці мае ходзяць у праўдзе.

Біблія (пераклад В. Сёмухі)

Няма мне большае радасьці, як чуць, што дзеці мае ходзяць у ісьціне.

3 ЯНА 1:4 Крыжаваныя спасылкі

3 ЦАРСТВАЎ 2:4

каб здзейсніў Госпад слова Сваё, якое гаварыў мне, кажучы: “Калі твае сыны будуць пільнаваць дарогі свае і калі будуць хадзіць перада Мной у праўдзе ўсім сэрцам сваім і ўсёю душою сваёй, то не будзе адкінуты нашчадак твой ад пасада Ізраэля”.

3 ЦАРСТВАЎ 3:6

І Саламон кажа: «Ты аказваў слузе твайму Давіду, бацьку майму, вялікую міласэрнасць, бо ён хадзіў сам перад Табою ў праўдзе і справядлівасці і з праўдзівым сэрцам адносна Цябе; і захаваў Ты яму вялікую Сваю міласэрнасць, і даў яму сына, што сядзіць на пасадзе яго, як гэта ёсць сёння.

4 ЦАРСТВАЎ 20:3

«О Госпадзе! Узгадай, як я хадзіў перад Табою верна і са шчырым сэрцам, і рабіў тое, што міла Табе». І заплакаў Эзэкія ўголас.

ВЫСЛОЎІ 23:24

Узрадуецца радасцю бацька справядлівага; а хто парадзіў мудрага — узвесяліцца ў ім;

ІСАІ 38:3

і сказаў так: «Госпадзе, прашу, успомні, малю, як вёў я сябе адносна Цябе верна і са шчырым сэрцам і, што добрае ў вачах Тваіх, тое рабіў». І плакаў Эзэкія плачам вялікім.

ІСАІ 8:18

Вось, я і дзеці, якіх даў мне Бог на знак і на прадказанне Ізраэлю ад Госпада Магуццяў, Які пражывае на гары Сіён.

2 КАРЫНФЯНАЎ 6:13

Уздайце нам тым самым спосабам, як да сваіх дзяцей кажу: адкрыйцеся і вы.

ГАЛЯТАЎ 2:14

Калі ж я ўбачыў, што яны не ходзяць проста, не паводле праўды Евангелля, сказаў аб гэтым Пётры ў прысутнасці ўсіх: «Калі ты, будучы юдэем, жывеш па-паганску, а не па-юдэйску, чаму змушаеш паганаў жыць па-юдэйску?»

ГАЛЯТАЎ 4:19

дзеткі мае, зноў вас нараджаю ў муках, пакуль уфармуецца ў вас Хрыстос.

1 ФЕСАЛОНІКІЙЦАЎ 2:11

Самі ведаеце, як кожнага з вас, як бацька дзяцей сваіх,

1 ЦІМАФЕЯ 1:2

Цімафею, сапраўднаму сыну ў веры: ласка, міласэрнасць і супакой ад Бога Айца нашага і Хрыста Ісуса, Госпада нашага.

2 ЦІМАФЕЯ 1:2

Цімафею, улюбёнаму сыну: ласка, міласэрнасць і супакой ад Бога Айца і Хрыста Ісуса, Госпада нашага.

ФІЛІМОНА 1:10

Прашу цябе за майго сына, якога нарадзіў я ў кайданах маіх, Анісіма,

1 ЯНА 2:1

Дзеткі мае, пішу вам гэта, каб вы не грашылі. Але калі б хто і зграшыў, маем Заступніка перад Айцом – Ісуса Хрыста Справядлівага.

2 ЯНА 1:4

Я быў вельмі рады, што сярод дзяцей тваіх знайшоў такіх, што жывуць у праўдзе, як мы атрымалі пастанову ад Айца.