ПІЛІПЯНАЎ 1:7 - Біблія (пераклад В. Сёмухі)

як і трэба мне думаць пра ўсіх вас, бо я маю вас у сэрцы ў кайданах маіх, і ў абароне і ў сьцьверджаньні зьвеставаньня, вас усіх, як супольнікаў маіх у мілаце.

Біблія (пераклад А.Бокуна)

як справядліва мне думаць адносна ўсіх вас, бо я маю вас у сэрцы як у путах маіх, так і ў абароне, і ў сьцьвярджэньні Эвангельля, вас, якія ўсе — удзельнікі са мною ў ласцы.

Кнігі Святога Пісання - Біблія - Біблія — пераклад Чарняўскага (выданне 2017 года)

як справядліва мне думаць пра вас усіх, бо маю вас у сэрцы, і ў путах маіх, і ў абароне, і ва ўмацаванні Евангелля, бо ўсе вы супольнікі мае ў ласцы.

ПІЛІПЯНАЎ 1:7 Крыжаваныя спасылкі

ДЗЕІ 20:23

толькі Дух Сьвяты ва ўсіх гарадах сьведчыць, кажучы, што кайданы і пакуты чакаюць мяне.

ДЗЕІ 21:33

тады тысячнік, падышоўшы, узяў яго і загадаў закаваць яго двума ланцугамі, і пытаўся: хто ён і што зрабіў?

1 КАРЫНФЯНАЎ 13:7

усё пакрывае, усяму верыць, на ўсё спадзяецца, усё пераносіць.

1 КАРЫНФЯНАЎ 9:23

А гэта раблю дзеля Дабравесьця, каб быць саўдзельнікам яго.

2 КАРЫНФЯНАЎ 3:2

Вы - нашае пісьмо, напісанае ў сэрцах нашых, пазнаванае і чытанае ўсімі людзьмі;

2 КАРЫНФЯНАЎ 7:3

Не на асуду кажу; бо я раней сказаў, што вы ў сэрцах нашых, так каб разам і памерці і жыць.

ГАЛЯТАЎ 5:6

бо ў Хрысьце Ісусе ня мае сілы ні абразаньне, ні неабразаньне, а вера, якая дзее празь любоў.

ЭФЭСЯНАЎ 3:1

Вось дзеля гэтага я, Павал, стаўся вязьнем Ісуса Хрыста за вас, язычнікаў.

ЭФЭСЯНАЎ 4:1

Дык вось я, вязень у Госпадзе, малю вас хадзіць годна званьня, у якое вы закліканы,

ЭФЭСЯНАЎ 6:20

дзеля якога я пасольствую ў кайданах, каб я сьмела прапаведаваў, як я і павінен.

ПІЛІПЯНАЎ 1:12

Жадаю, браты, каб вы ведалі, што акалічнасьці мае паслужылі на большы посьпех зьвеставаньня,

ПІЛІПЯНАЎ 1:13

так што кайданы мае за Хрыста зрабіліся вядомыя ўсёй праторыі і ўсім астатнім,

ПІЛІПЯНАЎ 1:14

і большая частка братоў у Госпадзе, пасьмялеўшы праз кайданы мае, пачалі з большаю адвагаю, бязбоязна прапаведаваць слова Божае.

ПІЛІПЯНАЎ 1:5

за ваш удзел у зьвеставаньні зь першага дня аж да сёньня,

ПІЛІПЯНАЎ 2:22

А ягоная вернасьць вам вядомая, бо ён, як сын пры бацьку, служыў мне ў зьвеставаньні.

ПІЛІПЯНАЎ 4:14

Нарэшце, вы добра зрабілі, што ўзялі ўдзел у смутках маіх.

ПІЛІПЯНАЎ 4:15

Вы ведаеце, Піліпяне, што на пачатку зьвеставаньня, калі я выйшаў з Македоніі, ніводная царква, апроч вас адных, ня брала ўдзелу ў маіх выдатках і прыбытках;

ПІЛІПЯНАЎ 4:3

сапраўды, прашу і цябе, мой шчыры супрацоўнік, памагай ім, што памагалі ў зьвеставаньні разам са мною і з Кліментам і з астатнімі супрацоўнікамі маімі, чые імёны - у кнізе жыцьця.

КАЛАСЯНАЎ 4:18

Прывітаньне маёю рукою, Паўлаваю. Памятайце мае кайданы. Мілата з (усімі) вамі. Амін.

КАЛАСЯНАЎ 4:3

малецеся таксама і за нас, каб Бог адчыніў нам дзьверы для слова, абвяшчаць тайну Хрыстовую, за якую я ў кайданах,

1 ФЕСАЛОНІКІЙЦАЎ 5:5

бо ўсе вы - сыны сьвятла і сыны дня: мы - ня сыны ночы, ні цемры.

2 ЦІМАФЕЯ 1:8

Дык не саромейся сьведчаньня Госпада нашага Ісуса Хрыста, ні мяне, вязьня Ягонага; а пакутуй з Дабравесьцем (Хрыстовым) сілаю Бога,

2 ЦІМАФЕЯ 2:9

за якое я пакутую аж да кайданаў, як злодзей; але на слова Божае няма кайданаў.

ФІЛІМОНА 1:13

Я хацеў пры сабе яго ўтрымаць, каб ён замест цябе паслужыў мне ў кайданах за зьвеставаньне;

ГАБРЭЯЎ 3:1

Таму, браты сьвятыя, супольнікі нябеснага пакліканьня, уразумейце Пасланца і Першасьвятара вызнаньня нашага, Ісуса Хрыста,

1 ПЯТРА 4:13

але як што вы маеце долю ў Хрыстовых цярпеньнях, радуйцеся, ды і ў зьяўленьні славы Ягонай узрадуецеся і ўзьвесялецеся.

1 ПЯТРА 5:1

Пастыраў вашых умаўляю я, супастыр і сьведка цярпеньняў Хрыстовых і саўдзельнік у славе, якая павінна адкрыцца:

2 ПЯТРА 1:13

А справядлівым лічу, пакуль я ў гэтай цялеснай храміне, падбадзёрваць вас напамінам,

1 ЯНА 3:14

Мы ведаем, што мы перайшлі са сьмерці ў жыцьцё, бо любім братоў; хто ня любіць брата, застаецца ў сьмерці.