ПІЛІПЯНАЎ 1:7 - Кнігі Святога Пісання - Біблія - Біблія — пераклад Чарняўскага (выданне 2017 года)

⁷ як справядліва мне думаць пра вас усіх, бо маю вас у сэрцы, і ў путах маіх, і ў абароне, і ва ўмацаванні Евангелля, бо ўсе вы супольнікі мае ў ласцы.

Біблія (пераклад А.Бокуна)

⁷ як справядліва мне думаць адносна ўсіх вас, бо я маю вас у сэрцы як у путах маіх, так і ў абароне, і ў сьцьвярджэньні Эвангельля, вас, якія ўсе — удзельнікі са мною ў ласцы.

Біблія (пераклад В. Сёмухі)

⁷ як і трэба мне думаць пра ўсіх вас, бо я маю вас у сэрцы ў кайданах маіх, і ў абароне і ў сьцьверджаньні зьвеставаньня, вас усіх, як супольнікаў маіх у мілаце.

ПІЛІПЯНАЎ 1:7 Крыжаваныя спасылкі

2 КАРЫНФЯНАЎ 7:3

Кажу гэта не на асуджэнне; бо казаў ужо, што вы ў нашых сэрцах, каб разам памерці і разам жыць.

ПІЛІПЯНАЎ 1:5

дзеля вашага ўдзелу ў Евангеллі ад першага дня аж да цяпер,

2 ЦІМАФЕЯ 2:9

дзеля якога цярплю мукі аж да кайданоў, як быццам што благое рабіў, але Слова Божага нельга звязаць.

КАЛАСЯНАЎ 4:18

Прывітанне маёю рукой, Паўлавай. Памятайце пра кайданы мае. Ласка з вамі. Амін.

ПІЛІПЯНАЎ 4:14

Аднак жа добра вы зрабілі, успамагаючы бядзе маёй.

ЭФЭСЯНАЎ 6:20

дзеля якога я прызначаны пасланцам у путах, каб у ім адважыўся гаварыць так, як мне належыць гаварыць.

ЭФЭСЯНАЎ 3:1

Дзеля гэтай справы я, Паўла, – вязень Хрыстоў дзеля вас, паганаў.

ДЗЕІ 20:23

У адным толькі запэўнівае мяне Дух Святы ва ўсіх гарадах, кажучы, што чакаюць мяне путы і гора.

1 ЯНА 3:14

Мы ведаем, што перайшлі ад смерці да жыцця, бо любім братоў; хто не любіць брата, той трывае ў смерці.

2 ПЯТРА 1:13

Я лічу за справядлівасць, пакуль знаходжуся ў гэтай цялеснай палатцы, падбадзёрыць вас напамінам,

1 ПЯТРА 4:13

але, калі вы ўдзельнічаеце ў цярпеннях Хрыстовых, радуйцеся, каб і ў аб’яўленні славы Яго цешыліся вы з весялосцю.

ГАБРЭЯЎ 3:1

Дык вось, браты святыя, удзельнікі нябеснага паклікання, пазнайце Пасланца і Першасвятара вызнання нашага, Ісуса Хрыста,

2 ЦІМАФЕЯ 1:8

Дык не саромейся тады сведчання Госпада нашага, ані мяне, вязня Яго, але працуй дзеля Евангелля моцы Бога,

1 ФЕСАЛОНІКІЙЦАЎ 5:5

бо ўсе вы – сыны святла і сыны дня. Мы не належым ані ночы, ані цемры.

КАЛАСЯНАЎ 4:3

молячыся поруч і за нас, каб Бог адчыніў нам дзверы слова, каб выказаць таямніцу Хрыстову, дзеля якой я стаўся вязнем,

ЭФЭСЯНАЎ 4:1

Умольваю вас я, вязень у Госпадзе, каб вы хадзілі дастойна паклікання, якім пакліканы,

ГАЛЯТАЎ 5:6

Бо ў Хрысце Ісусе ані абразанне, ані неабразанне не маюць сілы, а толькі вера, што дзейнічае праз любоў.

2 КАРЫНФЯНАЎ 3:2

Вы ёсць наш ліст, напісаны ў сэрцах нашых, які ведаюць і чытаюць усе людзі.

1 КАРЫНФЯНАЎ 13:7

усё пераносіць, ва ўсё верыць, на ўсё спадзяецца, усё церпіць.

1 КАРЫНФЯНАЎ 9:23

Гэта ж раблю я дзеля Евангелля, каб быць удзельнікам яго.

ДЗЕІ 21:33

Тады трыбун, падышоўшы, узяў яго і загадаў звязаць двума ланцугамі, ды пытаўся, хто ён і што зрабіў.

1 ПЯТРА 5:1

Старэйшых, якія сярод вас, прашу я, таксама старэйшы і сведка Хрыстовых цярпенняў ды ўдзельнік тае славы, якая мае аб’явіцца:

ПІЛІПЯНАЎ 1:12

Хачу, браты, каб вы ведалі: тое, што вакол мяне, спрычынілася больш да поспеху Евангелля,

ПІЛІПЯНАЎ 1:13

бо путы мае ў Хрысце праславіліся ва ўсёй прэторыі і ва ўсіх іншых,

ПІЛІПЯНАЎ 1:14

і многія з братоў у Госпадзе, асмеленыя маімі кайданамі, яшчэ больш адважыліся без страху абвяшчаць слова.

ПІЛІПЯНАЎ 2:22

Спрактыкаванасць яго ведаеце, бо, як сын бацьку, так ён мне служыў у дабравешчанні.

ПІЛІПЯНАЎ 4:3

Таксама і цябе прашу, сапраўдны супрацоўніку, дапамагай ім, тым, якія са мною працавалі для Евангелля разам з Клементам і іншымі памочнікамі маімі, імёны якіх упісаны ў кнігу жыцця.

ПІЛІПЯНАЎ 4:15

Вы ж, піліпцы, ведаеце, што на пачатку Евангелля, калі я пакінуў Мацэдонію, ні адна з цэркваў, апрача вас, не ўзяла ўдзелу ў даванні і прыманні;

ФІЛІМОНА 1:13

Хацеў я яго пры сабе затрымаць, каб мне за цябе паслужыў у кайданах дзеля Евангелля.