ВЫСЛОЎІ 4:18 - Біблія (пераклад А.Бокуна)

Але сьцежка праведных — як сьвятло зараніцы, што ўзыходзіць і расьце аж да поўнага дня.

Біблія (пераклад В. Сёмухі)

Сьцежка праведных - як сьвяціла прамяністае, якое болей і болей сьвятлее да поўнага дня.

Кнігі Святога Пісання - Біблія - Біблія — пераклад Чарняўскага (выданне 2017 года)

А сцежка справядлівых — быццам святло ззяючае ўзыходзіць і расце аж да поўнага дня.

ВЫСЛОЎІ 4:18 Крыжаваныя спасылкі

2 ЦАРСТВАЎ 23:4

ён — як сьвятло заранкі пры ўзыходзе сонца, як раніца без хмурынак, як яснасьць пасьля дажджу, і як трава, што [расьце] з зямлі”.

ЁВА 11:17

І жыцьцё тваё будзе як сьвятло апоўдні, і цемра заясьнее, як сьвітаньне.

ЁВА 17:9

Аднак праведнік будзе трымацца шляху свайго, і чысты дадасьць моцы рукам сваім.

ЁВА 23:10

А Ён ведае шлях мой, і няхай выспрабуе мяне, выйду я [чысты], як золата.

ПСАЛТЫР 84:7

Праходзячы далінаю дрэваў бальзамовых, яны адкрываюць крыніцы, і дождж раньні пакрывае яе дабраслаўленьнем.

ПСАЛТЫР 97:11

Сьвятло ўзыходзіць для праведніка, і радасьць — для шчырых сэрцам.

ВЫСЛОЎІ 13:9

Сьвятло праведных радасна зьзяе, а сьветач бязбожнікаў стухне.

ВЫСЛОЎІ 15:24

Сьцежка жыцьця ў разважлівага [вядзе] ўгару, каб пазьбегнуць адхлані, якая ў доле.

ВЫСЛОЎІ 2:20

Дык хадзі ж ты шляхам добрых і трымайся сьцежкі праведнікаў,

ВЫСЛОЎІ 2:9

Тады зразумееш праведнасьць, суд і справядлівасьць, і кожны шлях добры,

ІСАІ 26:7

Сьцежка для праведніка простая, простыя крокі праведніка Ты робіш роўнымі.

ДАНІІЛА 12:3

І разумныя будуць зьзяць як сьвяцілы на прасьцягу [неба], і тыя, якія прывялі да праведнасьці шматлікіх — як зоркі, на вякі вечныя.

АСІІ 6:3

І мы пазнаем, і будзем імкнуцца пазнаць ГОСПАДА. Як [прыход] раніцы падрыхтаваны выхад Ягоны, і Ён прый­дзе да нас як дождж, як раньні дождж і як позьні дождж на зямлю».

МАЦЬВЕЯ 5:14

Вы — сьвятло сьвету. Ня можа схавацца горад, які стаіць на вяршыні гары.

МАЦЬВЕЯ 5:16

Гэтак няхай сьвятло вашае сьвеціць перад людзьмі, каб яны бачылі вашыя добрыя справы і славілі Айца вашага, Які ў небе.

МАЦЬВЕЯ 5:45

каб сталіся вы сынамі Айца вашага, Які ў небе, бо Ён узьнімае сонца Сваё над добрымі і злымі і спасылае дождж на праведных і няправедных.

ЯНА 8:12

Тады ізноў сказаў Ісус да іх, кажучы: «Я — сьвятло сьвету. Хто ідзе за Мною, той ня будзе хадзіць у цемры, але будзе мець сьвятло жыцьця».

2 КАРЫНФЯНАЎ 3:18

Мы ж усе, адкрытым абліччам узіраючыся на славу Госпада, перамяняемся ў вобраз Ягоны ад славы ў славу, як ад Духа Госпада.

ПІЛІПЯНАЎ 2:15

каб вы былі беззаганнымі і шчырымі дзецьмі Божымі, беззаганнымі сярод пакаленьня скрыўленага і сапсаванага, у якім вы сьвеціце, як сьвятло ў сьвеце,

2 ПЯТРА 1:19

І мы маем цьвёрдае прарочае слова, і вы добра робіце, што зважаеце на яго, як на сьветач, што сьвеціць у цёмным месцы, пакуль не пачне днець і ня ўзыйдзе зараніца ў сэрцах вашых,

2 ПЯТРА 3:18

і ўзрастайце ў ласцы і веданьні Госпада нашага і Збаўцы Ісуса Хрыста. Яму слава і цяпер, і ў дзень вечны. Амэн.

АДКРЫЦЦЁ 21:23

І горад ня мае патрэбы ані ў сонцы, ані ў месяцы, каб асьвятлялі яго, бо слава Божая асьвяціла яго, і сьветач ягоны — Ягня.

АДКРЫЦЦЁ 22:5

І ночы ня будзе там, і ня будуць мець патрэбы ў сьветачы і ў сьвятле сонца, бо Госпад Бог асьвятляе іх, і будуць валадарыць на вякі вякоў.

СУДЗЬДЗЯЎ 5:31

Няхай гэтак, ГОСПАДЗЕ, зьнікнуць усе ворагі Твае! А тыя, што любяць Цябе, няхай ясьнеюць як сонца, якое ўзыходзіць!» І зямля жыла ў супакоі сорак гадоў.