1 ФЕСАЛОНІКІЙЦАЎ 5:6 - Біблія (пераклад А.Бокуна)

Дык ня будзем спаць, як іншыя, але чувайма і будзьма пільнымі,

Біблія (пераклад В. Сёмухі)

Дык вось, ня будзем спаць, як іншыя, а будзем чуваць і цьвярозіцца.

Кнігі Святога Пісання - Біблія - Біблія — пераклад Чарняўскага (выданне 2017 года)

Дык не будзем спаць, як і іншыя, але будзем чуваць і будзем цвярозымі.

1 ФЕСАЛОНІКІЙЦАЎ 5:6 Крыжаваныя спасылкі

ВЫСЛОЎІ 19:15

Лянота кідае ў сон, і нядбайная душа будзе цярпець голад.

ІСАІ 56:10

Вартаўнікі іхнія ўсе сьляпыя, нічога ня ведаюць. Усе яны — сабакі нямыя, якія ня могуць брахаць, дрэмлюць, вылежваюцца, любяць спаць.

ЁНЫ 1:6

І наблізіўся да яго корнік, і сказаў яму: «Што табе, што ты сьпіш? Устань, кліч да Бога свайго, можа, узгадае Бог пра нас, і мы не загінем».

МАЦЬВЕЯ 13:25

Калі ж людзі спалі, прыйшоў вораг ягоны, і пасеяў між пшаніцаю кукаль, і пайшоў.

МАЦЬВЕЯ 24:42

Дык чувайце, бо ня ведаеце, у якую гадзіну Госпад ваш прыйдзе.

МАЦЬВЕЯ 25:13

Дык чувайце, бо ня ведаеце ані дня, ані гадзіны, у якую прыйдзе Сын Чалавечы.

МАЦЬВЕЯ 25:5

А як жаніх замарудзіў, задрамалі ўсе і паснулі.

МАЦЬВЕЯ 26:38

Тады кажа ім: «Смутная душа Мая аж да сьмерці, застаньцеся тут і чувайце са Мною».

МАРКА 13:37

А што вам кажу, усім кажу: "Чувайце!"»

ЛУКАША 12:37

Шчасьлівыя тыя слугі, якіх гаспадар, прыйшоўшы, знойдзе, што яны чуваюць. Сапраўды кажу вам: ён падпярэжацца, і пасадзіць іх, і, падыйшоўшы, будзе паслугаваць ім.

ЛУКАША 12:39

Бо вы ведаеце, што, калі б ведаў гаспадар дому, а якой гадзіне прыйдзе злодзей, ён чуваў бы і не дапусьціў падкапаць дом свой.

ЛУКАША 21:36

Дык чувайце, молячыся ў-ва ўсякі час, каб вам быць вартымі ўцячы ад усяго, што мае стацца, і стаць перад Сынам Чалавечым».

ЛУКАША 22:46

І сказаў ім: «Што вы сьпіцё? Устаньце, маліцеся, каб не ўвайсьці ў спакусу».

ДЗЕІ 20:31

Дзеля гэтага чувайце, памятаючы, што я тры гады ўдзень і ўначы не пераставаў са сьлязьмі настаўляць кожнага з вас.

1 КАРЫНФЯНАЎ 15:34

Працьверазіцеся на праведнасьць і не грашыце; бо некаторыя [з вас] ня ведаюць Бога, на сорам вам кажу.

1 КАРЫНФЯНАЎ 16:13

Чувайце, стойце ў веры, будзьце мужнымі, умацоўвайцеся.

ЭФЭСЯНАЎ 2:3

між якімі і мы ўсе жылі некалі ў пажаданьнях цела нашага, выконваючы волю цела і думак, і былі па прыродзе дзецьмі гневу, як і іншыя, —

ЭФЭСЯНАЎ 5:14

таму сказана: «Устань, ты, які сьпіш, і ўваскрэсьні з мёртвых, і асьвеціць цябе Хрыстос».

ЭФЭСЯНАЎ 6:18

Усякаю малітваю і просьбаю маліцеся ў-ва ўсякі час у Духу, і ў-ва ўсім гэтым чувайце з усёй настойлівасьцю і просьбамі за ўсіх сьвятых

ПІЛІПЯНАЎ 4:5

Спагаднасьць вашая няхай будзе вядомая ўсім людзям. Госпад блізка!

КАЛАСЯНАЎ 4:2

Трывайце ў малітве, чуваючы ў ёй з падзякаю;

1 ФЕСАЛОНІКІЙЦАЎ 4:13

Не хачу, каб вы, браты, ня ведалі адносна памёршых, каб вы не сумавалі, як іншыя, што ня маюць надзеі.

1 ФЕСАЛОНІКІЙЦАЎ 5:10

Які памёр за нас, каб мы, ці чуваем, ці сьпім, з Ім разам жылі.

1 ФЕСАЛОНІКІЙЦАЎ 5:8

Мы ж, якія належым дню, будзьма пільнымі, апрануўшы панцыр веры і любові і шалом надзеі збаўленьня,

1 ЦІМАФЕЯ 2:15

але будзе збаўленая праз нараджэньне дзяцей, калі застанецца ў веры, і любові, і сьвятасьці са здаровым розумам.

1 ЦІМАФЕЯ 2:9

каб таксама і жанчыны, у сьціплай вопратцы, з сарамлівасьцю і здаровым розумам аздаблялі сябе не пляценьнем валасоў, ані золатам, ані пэрламі, ані шатамі дарагімі,

1 ЦІМАФЕЯ 3:11

Таксама жанчыны [мусяць быць] сумленныя, не паклёпніцы, пільныя, верныя ў-ва ўсім.

1 ЦІМАФЕЯ 3:2

Дык епіскап мусіць быць бездакорны, аднае жонкі муж, пільны, цьвярозы, сьціплы, гасьцінны, здольны навучаць,

2 ЦІМАФЕЯ 4:5

А ты будзь пільны ў-ва ўсім, перанось злыбеды, рабі справу дабравесьніка, служэньне тваё выконвай.

ЦІТА 2:12

якая навучае нас, каб, адрокшыся ад бязбожнасьці і пажадлівасьцяў сьвету, цьвяроза, праведна і пабожна жылі мы ў цяперашнім веку,

ЦІТА 2:6

Маладых людзей таксама ўпрошвай думаць цьвяроза,

1 ПЯТРА 1:13

Дзеля гэтага, падперазаўшы паясьніцы розуму вашага і будучы цьвярозымі, да канца спадзявайцеся на ласку, якая прыносіцца вам у адкрыцьці Ісуса Хрыста.

1 ПЯТРА 4:7

А канец усяму набліжаецца. Дык будзьце пры розуме і цьвярозымі ў малітвах.

1 ПЯТРА 5:8

Будзьце цьвярозымі, чувайце, бо супраціўнік ваш, д’ябал, як леў рыклівы, ходзіць, шукаючы, каго праглынуць.

АДКРЫЦЦЁ 16:15

«Вось, прыходжу, як злодзей. Шчасьлівы той, які чувае і захоўвае адзеньне сваё, каб не хадзіць яму голым, і каб ня бачылі непрыстойнасьці ягонай».

АДКРЫЦЦЁ 3:2

Чувай і ўмацоўвай іншых, якія маюць паміраць, бо не знайшоў Я, каб справы твае былі споўненыя перад Богам.