ПСАЛТЫР 119:1 - Кнігі Святога Пісання - Біблія - Біблія — пераклад Чарняўскага (выданне 2017 года)

Алілуя.АЛЕФ. Шчасныя беззаганныя ў дарозе, якія ходзяць у законе Госпада.

Біблія (пераклад А.Бокуна)

Шчасьлівыя тыя, у якіх шлях беззаганны, якія ходзяць паводле Закону ГОСПАДА.

Біблія (пераклад В. Сёмухі)

Песьня ўзыходжаньня. Да Госпада зьвярнуўся я ў скрусе маёй, і Ён пачуў мяне.

ПСАЛТЫР 119:1 Крыжаваныя спасылкі

2 ЦАРСТВАЎ 22:22

бо я пільнаваў шляхі Госпада і не адступаўся нягодна ад Бога майго.

4 ЦАРСТВАЎ 20:3

«О Госпадзе! Узгадай, як я хадзіў перад Табою верна і са шчырым сэрцам, і рабіў тое, што міла Табе». І заплакаў Эзэкія ўголас.

ЁВА 1:1

У зямлі Уц жыў чалавек на імя Ёў, і быў гэты чалавек шчыры і праўдзівы, які шанаваў Бога і пазбягаў зла.

ЁВА 1:8

І сказаў Госпад яму: «А ці звярнуў ты ўвагу на слугу Майго, Ёва, што няма на зямлі падобнага да яго, — [такі] ён шчыры і справядлівы чалавек, які шануе Бога і пазбягае зла».

ПСАЛТЫР 101:2

Буду асэнсоўваць на шляху бязгрэшным, калі Ты прыйдзеш да мяне? Буду я хадзіць у беззаганнасці сэрца майго, пасярод дома майго.

ПСАЛТЫР 101:6

Вочы мае — да верных зямлі, каб сядзелі яны побач са мной. Хто ходзіць шляхам беззаганным, той будзе мне служыць.

ПСАЛТЫР 112:1

Алілуя. АЛЕФ. Шчасны чалавек, які шануе Госпада, БЭТ. які вельмі любіць прыказанні Яго.

ПСАЛТЫР 128:1

Песня ўзыходжання. Шчасны кожны, хто шануе Госпада, хто ходзіць па Яго дарогах.

ВЫСЛОЎІ 11:20

Агіда для Госпада — сэрца крывадушнае, а ласка Яго — да тых, хто ходзіць прама.

ВЫСЛОЎІ 13:6

Справядлівасць беражэ бязгрэшнага ў дарозе, а бязбожнасць ставіць падножку грэшніку.

ВЫСЛОЎІ 29:18

Калі не хапае зроку, народ будзе раз’яднаны; шчасны, хто беражэ законнасць.

ЕЗЭКІІЛЯ 11:20

каб хадзілі паводле прыказанняў Маіх і закон Мой захоўвалі і спаўнялі яго, і будуць Мне народам, а Я буду іх Богам.

АСІІ 14:9

Эфраіме, нашто яму яшчэ ідалы? Я выслухоўваю яго і наглядаю за ім. Я — як кіпарыс зялёны: ад Мяне нараджаецца плод твой».

ЛУКАША 1:6

Яны абое былі справядлівымі перад Богам, беззаганна спаўняючы ўсе пастановы і прыказанні Госпадавы.

ЛУКАША 11:28

А Ён сказаў: «Тым болей шчасныя тыя, што слухаюць слова Божае ды захоўваюць яго».

ЯНА 1:47

Убачыў Ісус, што Натанаэль ідзе да Яго, і кажа пра яго: «Вось праўдзівы ізраэлец, у якім няма хітрасці».

ЯНА 13:17

Калі пра гэта ведаеце, шчасныя будзеце, калі гэтак будзеце рабіць.

ДЗЕІ 24:16

Таму і сам стараюся заўсёды мець бездакорна чыстае сумленне перад Богам і перад людзьмі.

2 КАРЫНФЯНАЎ 1:12

Бо пахвала наша – гэта сведчанне сумлення нашага, што ў прастаце ды ў шчырасці Божай, і не ў цялеснай мудрасці, але ў ласцы Божай жылі мы на свеце, асабліва ў вас.

ЯКАВА 1:25

Хто ж пранікне ў дасканалы закон свабоды і вытрывае ў ім, той станецца не слухачом, які забываецца, але выканаўцам справы, і шчасны будзе ў сваёй дзейнасці.

АДКРЫЦЦЁ 22:14

Шчасныя, што выконваюць прыказанні Яго, яны будуць мець уладу над дрэвам жыцця і ўвойдуць у горад праз брамы.