ЁВА 1:1 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ У зямлі Уц жыў чалавек на імя Ёў, і быў гэты чалавек шчыры і праўдзівы, які шанаваў Бога і пазбягаў зла.

Біблія (пераклад А.Бокуна)

¹ Чалавек на імя Ёў жыў у зямлі Уц, і быў ён чалавек шчыры і справядлівы, баяўся Бога і пазьбягаў зла.

Біблія (пераклад В. Сёмухі)

¹ Быў чалавек у зямлі Уц, імя ягонае Ёў; і быў чалавек гэты беззаганны, справядлівы і богабаязны і ўхіляўся ад зла.

ЁВА 1:1 Крыжаваныя спасылкі

БЫЦЦЁ 10:23

Сыны Арама: Уц, і Гул, і Гетэр, і Мэс.

БЫЦЦЁ 17:1

А калі Абрам меў дзевяноста дзевяць гадоў, з’явіўся яму Госпад і сказаў яму: «Я — Бог Усемагутны. Хадзі перада Мной і будзь беззаганны.

БЫЦЦЁ 22:12

І сказаў: «Не падымай рукі сваёй на хлопца і не рабі яму нічога! Цяпер пераканаўся Я, што ты шануеш Бога і не пашкадаваў сына свайго адзінароднага дзеля Мяне».

БЫЦЦЁ 36:28

А Дышан меў сыноў Уца і Арана.

БЫЦЦЁ 42:18

На трэці дзень, вывеўшы іх з вязніцы, сказаў: «Рабіце, што загадаў, і будзеце жыць, бо я баюся Бога.

БЫЦЦЁ 6:9

Вось такое паходжанне Ноя. Ной чалавек справядлівы і беззаганны быў у родзе сваім і хадзіў з Богам.

4 ЦАРСТВАЎ 20:3

«О Госпадзе! Узгадай, як я хадзіў перад Табою верна і са шчырым сэрцам, і рабіў тое, што міла Табе». І заплакаў Эзэкія ўголас.

1 ЛЕТАПІСАЎ 1:17

Сыны Сэма: Элам, і Асур, і Арпаксад, і Луд, і Арам. А сыны Арама: Уц, і Гул, і Гетэр, і Мэс.

1 ЛЕТАПІСАЎ 1:42

Сыны Эцэра: Більган, і Заван, і Якан. Сыны Дышана: Уц і Аран.

ЁВА 1:8

І сказаў Госпад яму: «А ці звярнуў ты ўвагу на слугу Майго, Ёва, што няма на зямлі падобнага да яго, — [такі] ён шчыры і справядлівы чалавек, які шануе Бога і пазбягае зла».

ЁВА 2:3

І сказаў Госпад шатану: «А ці звярнуў ты ўвагу на паслугача Майго, Ёва, што на зямлі няма падобнага да яго. Чалавек ён шчыры і праўдзівы, шануе Бога і пазбягае зла, і да таго ж захоўвае бязгрэшнасць сваю. А ты Мяне намаўляў супраць яго, каб пакараў Я яго ні за што».

ЁВА 28:28

І сказаў Ён чалавеку: “Вось, страх Госпадаў — гэта і ёсць мудрасць; а пазбягаць зла — гэта розум”».

ЁВА 4:6

Страх твой перад Богам — хіба не надзея твая, дасканаласць шляхоў тваіх — хіба не спадзяванне тваё?

ЁВА 9:21

Нават калі я буду шчыры, гэтага не прызнае душа мая і я асуджу жыццё маё.

ВЫХАД 18:21

Але з усяго народа абяры сабе людзей мудрых і богабаязных, у якіх ёсць праўда і якія ненавідзяць хцівасць; і прызнач з іх тысячнікаў, і сотнікаў, і кіраўнікоў над пяццюдзесяццю чалавекамі, і кіраўнікоў над дзесяццю чалавекамі,

ВЫСЛОЎІ 14:16

Мудры баіцца і пазбягае зла, а бязглузды злоўжывае і разлічвае на сябе.

ВЫСЛОЎІ 14:2

Таго, хто ідзе вернай дарогай, адцураецца той, хто ідзе ганебным шляхам.

ВЫСЛОЎІ 16:17

Сцежка справядлівых — ухіляцца ад ліха; хто беражэ шлях свой — вартаўнік душы сваёй.

ВЫСЛОЎІ 16:6

Міласэрнасцю і праўдай адкупляецца несправядлівасць, і ў страху Госпада — ухіленне ад ліха.

ВЫСЛОЎІ 20:7

Справядлівы чалавек, які ходзіць у чыстасардэчнасці сваёй, пакіне па сабе шчаслівых дзяцей.

ВЫСЛОЎІ 3:7

Не будзь мудрацом перад самім сабою; шануй Бога і пазбягай ліха,

ВЫСЛОЎІ 8:13

Страх Госпадаў — ненавідзець высакамер’е, пыхлівасць, ліхую дарогу, зло, ненавідзець і крывадушныя вусны.

ЕРАМІІ 25:20

ды наогул цэламу народу і ўсім царам зямлі Уц, ды ўсім царам зямлі Філістынскай, Аскалону, Газе, Акарону і тым, што засталіся з Азота;

ПЛАЧ 4:21

Цешся і весяліся, дачка Эдома, якая жывеш у зямлі Уц. І да цябе прыйдзе келіх, нап’ешся і аголішся.

ЕЗЭКІІЛЯ 14:14

і калі будуць там тры чалавекі гэтыя: Ной, Даніэль і Ёў, дык толькі яны, дзеля справядлівасці сваёй, вызваляць душы свае, — кажа Госпад Бог.

ЕЗЭКІІЛЯ 14:20

і калі Ной, Даніэль і Ёў будуць у ёй, — жыву Я, — кажа Госпад Бог, — ані сыноў, ані дачок не вызваляць яны, але самі дзеля сваёй справядлівасці вызваляць свае душы.

ЛУКАША 1:6

Яны абое былі справядлівымі перад Богам, беззаганна спаўняючы ўсе пастановы і прыказанні Госпадавы.

ДРУГІ ЗАКОН 18:13

Будзь дасканалы і беззаганны перад Госпадам, Богам тваім.

ЯКАВА 5:11

Вось жа, мы называем шчаснымі тых, што вытрывалі. Вы чулі пра трываласць Ёва ды бачылі, што здзейсніў Госпад, бо Госпад вельмі міласэрны і літасцівы.

1 ПЯТРА 3:11

хай ухіляецца ад ліхога і робіць дабро, хай шукае супакою і імкнецца да яго.