ПСАЛТЫР 128 - Кнігі Святога Пісання - Біблія - Біблія — пераклад Чарняўскага (выданне 2017 года)

1 Песня ўзыходжання.

¹ Песня ўзыходжання. Шчасны кожны, хто шануе Госпада, хто ходзіць па Яго дарогах.

² Бо з працы рук тваіх будзеш харчавацца, шчасны будзеш і добра будзе табе.

³ Жонка твая, як плодная галінка вінаграду ў пакоях дому твайго; сыны твае, як парасткі аліўныя вакол твайго стала.

⁴ Вось, так дабраславёны будзе чалавек, які шануе Госпада.

⁵ Хай дабраслаўляе цябе Госпад з Сіёна, а ты глядзі на даброты Ерузаліма ва ўсе дні жыцця твайго,

⁶ і глядзі на сыноў тваіх сыноў. Супакой над Ізраэлем!