ВЫСЛОЎІ 4:4 - Кнігі Святога Пісання - Біблія - Біблія — пераклад Чарняўскага (выданне 2017 года)

вучыў ён мяне і казаў мне: «Хай прымае сэрца тваё словы мае, беражы настаўленні мае — і будзеш жыць.

Біблія (пераклад А.Бокуна)

І ён вучыў мяне, і казаў мне: «Няхай трымаецца сэрца тваё словаў маіх, захоўвай прыказаньні мае і жыві.

Біблія (пераклад В. Сёмухі)

І ён вучыў мяне і казаў мне: хай будуць у сэрцы тваім словы мае; захоўвай наказы мае і жыві.

ВЫСЛОЎІ 4:4 Крыжаваныя спасылкі

БЫЦЦЁ 18:19

Бо выбраў Я яго, каб загадваў сынам сваім і радні сваёй па сабе, каб пільнаваліся дарогі Госпадавай і чынілі справядлівасць і суд, каб выканаў Госпад Абрагаму ўсё тое, што сказаў яму».

1 ЛЕТАПІСАЎ 28:9

А ты, сыне мой Саламон, ведай Бога бацькі твайго і служы Яму шчырым сэрцам ды ахвотнаю душой; бо Госпад пранікае ва ўсе сэрцы ды пазнае ўсе намеры розуму: калі будзеш шукаць Яго — знойдзеш, а калі адвернешся ад Яго — адпіхне цябе навек.

ПСАЛТЫР 119:11

У сэрцы сваім берагу словы Твае, каб не грашыць супраць Цябе.

ПСАЛТЫР 119:144

Сведчанні Твае — вечная справядлівасць; дай мне разуменне, і я буду жыць.

ПСАЛТЫР 119:168

Выконваю прыказанні Твае і сведчанні Твае, бо ўсе дарогі мае на віду ў Цябе.

ВЫСЛОЎІ 22:6

Настаўляй юнака ў пачатку дарогі яго; нават калі састарэе, ён не сыдзе з яе.

ВЫСЛОЎІ 23:26

Сыне мой, дай мне сваё сэрца, хай вочы твае зберагуць шляхі мае.

ВЫСЛОЎІ 3:1

Сыне мой, не забывайся на закон мой, і хай сэрца тваё беражэ прыказанні мае;

ВЫСЛОЎІ 3:2

бо яны табе прыбавяць працягласць дзён, гады жыцця і супакой.

ВЫСЛОЎІ 7:2

Спаўняй настаўленні мае, каб жыў; захоўвай закон мой, як зрэнку вока свайго.

ІСАІ 55:3

Нахіліце вуха ваша і прыходзьце да Мяне; слухайце, каб жыла душа ваша, і выканаю для вас вечную дамову; святыя абяцанні Давіду».

ЕРАМІІ 38:20

Ярэмія адказаў: «Не выдадуць яны цябе. Паслухай, калі ласка, голасу Госпада ў справе, аб якой я табе кажу, і выйдзе табе гэта на добрае, і будзе жыць душа твая.

ЯНА 12:50

І Я ведаю, што загад Яго ёсць жыццё вечнае. І тое, што Я гавару, Я гавару так, як Мне сказаў Айцец».

ЭФЭСЯНАЎ 6:4

І вы, бацькі, не раздражняйце дзяцей вашых, але ўзгадоўвайце іх у навуцы і напамінанні Госпадавым.

ДРУГІ ЗАКОН 4:9

Дык пільна беражы сябе самога і душу сваю, і не забудзь падзей, якія бачылі вочы твае, і хай не выйдуць яны з сэрца твайго ва ўсе дні жыцця твайго. Ты навучыш гэтаму дзяцей і ўнукаў сваіх

ДРУГІ ЗАКОН 6:6

Гэтыя словы, якія я даручаю табе сёння, хай будуць у сэрцы тваім.

2 ЦІМАФЕЯ 1:5

і прыпамінаю веру не фальшывую, якая ёсць у табе, якая жыла найперш у бабулі тваёй Лаідзе і маці тваёй Эўніцы, ды я перакананы, што і ў табе.

2 ЦІМАФЕЯ 3:15

бо з дзіцячых гадоў пазнаў ты Пісанні Святыя, якія могуць цябе навучыць на збаўленне праз веру ў Хрыста Ісуса.

ГАБРЭЯЎ 5:9

і, выканаўшы [ўсё], стаўся для ўсіх паслухмяных Яму прычынай збаўлення вечнага,

СУДЗЬДЗЯЎ 13:12

Кажа яму Маноах: «Калі споўніцца слова тваё, як нам сябе паводзіць з хлопцам і што маем рабіць?»