ВЫСЛОЎІ 10:7 - Біблія (пераклад А.Бокуна)

Памяць пра праведніка дабраслаўлёная, а імя бязбожнікаў спарахнее.

Біблія (пераклад В. Сёмухі)

Памяць пра праведнага дабраславёная будзе, а імя бязбожных спаганьбіцца.

Кнігі Святога Пісання - Біблія - Біблія — пераклад Чарняўскага (выданне 2017 года)

Памяць справядлівага будзе ў дабраславенні, а імя бязбожнікаў сатлее.

ВЫСЛОЎІ 10:7 Крыжаваныя спасылкі

3 ЦАРСТВАЎ 11:36

А сыну ягонаму Я дам адно калена, каб [заставаўся] сьветач Давіда, слугі Майго, перад абліччам Маім у-ва ўсе дні ў горадзе Ерусаліме, які Я выбраў Сабе, каб было там імя Маё.

4 ЦАРСТВАЎ 19:34

Я абараню горад гэты і выратую яго дзеля Сябе і дзеля Давіда, слугі Майго”».

2 ЛЕТАПІСАЎ 24:16

І пахавалі яго ў горадзе Давіда з валадарамі, бо ён рабіў добрае ў Ізраілі для Бога і для Дому Ягонага.

2 ЛЕТАПІСАЎ 32:33

І супачыў Эзэкія з бацькамі сваімі, і пахавалі яго вышэй магілаў сыноў Давіда, і ўшанавалі яго пасьля сьмерці ягонай увесь Юда і жыхары Ерусаліму. І пачаў валадарыць Манаса, сын ягоны, пасьля яго.

ЁВА 18:17

Памяць пра яго зьнікне з зямлі, і ня будзе слаўлена імя ягонае на плошчах.

ЁВА 24:20

Няхай забудзецца пра яго ўлоньне [маці], і няхай смакуюць цела ягонае чэрві, няхай не застаецца памяці пра яго, але як дрэва няхай зломіцца беззаконьнік.

ЁВА 27:23

Будуць пляскаць над ім рукамі сваімі і засьвішчуць над ім на кожным месцы.

ПСАЛТЫР 109:13

Насеньне ягонае няхай будзе зьнішчана; у пакаленьні наступным няхай будзе выкрэсьленае імя ягонае!

ПСАЛТЫР 109:15

Няхай будуць яны перад ГОСПАДАМ заўсёды, і няхай Ён вынішчыць на зямлі памяць пра яго,

ПСАЛТЫР 112:6

Бо ён ніколі не пахісьнецца; у вечнай памяці будзе праведнік.

ПСАЛТЫР 34:16

Вочы ГОСПАДА — на праведных, і вушы Ягоныя — на лямант іхні.

ПСАЛТЫР 34:17

Аблічча ГОСПАДА — суп­раць тых, якія робяць ліхое, каб вынішчыць з зямлі памяць пра іх.

ПСАЛТЫР 41:5

Я сказаў: «ГОСПАДЗЕ, зьлітуйся нада мною! Вылечы душу маю, бо я саграшыў перад Табою».

ВЫСЛОЎІ 22:1

Лепш [добрае] імя, чым вялікія багацьці, лепш добрая слава, чым срэбра і золата.

ЭКЛЕЗІЯСТА 8:10

Таксама бачыў я злачынцаў пахаваных, і прыходзілі [да іх], і адыходзілі ад месца сьвятога, і забываліся ў горадзе, што яны так рабілі. І гэта таксама марнасьць.

ІСАІ 14:22

І Я паўстану супраць іх, кажа ГОСПАД Магуцьцяў, і выгублю імя Бабілону, і рэшту, і нашчадка, і ўнука, кажа ГОСПАД.

ЕРАМІІ 17:13

Надзея Ізраіля, ГОСПАДЗЕ! Усе, якія пакідаюць Цябе, будуць асаромленыя. Тыя, якія адварочваюцца ад Цябе, будуць запісаныя на зямлі, бо яны пакінулі ГОСПАДА, крыніцу вады жывой.

МАРКА 14:9

Сапраўды кажу вам: дзе толькі будзе абвешчана Эвангельле гэтае ў-ва ўсім сьвеце, будзе сказана і пра тое, што яна зрабіла, на ўспамін пра яе».

ЛУКАША 1:48

бо Ён глянуў на паніжэньне служкі Сваёй. Бо вось, адгэтуль шчасьліваю будуць называць мяне ўсе пакаленьні,