90 Diosar respetañ toqet Biblian jiskʼa tʼaqanakapa

Yatiñ cancañan kalltapajj, Tatitur ajjsartañawa, jupar wakaychirinacajj wali amuyt'anïpjjewa; Tatitojj wiñayaw jach'añchatäni.

Yatiñ cancaña jicjjatañataquisti nayrakatajj waquisiwa Tatitur ajjsaraña; pisi amuyt'an jakenacasti jisc'achapjjewa yatiñarusa, yatichäwirusa.

Take ch'aman ajjsarcay Diosätawa, alajjpachanquirinacamp muyuntatätawa.

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

Diosasajj mä ninjama naqhantiriwa.

kollan templopan Tatitur yupaychapjjam, takpach jakepun nayrakatapan qhathatpan.

Jan amuyasimti sinti yatiñanïtama; Tatitur ajjsartam, take ñankhatsa jithektam,

Parlañajj tucuyjjewa. Takewa parlatäjje. Diosar yupaycham, ucatsti camachi arunacapa phokham, take ucanacajj jaketaquïtap laycu.

Take ch'amani Dios Tatitu saparuquiw ajjsarañajja, jupajj Kollana Diosawa, jupan nayrakatapan ajjsarañasajja.

Jupan kollanañchat jakenacapa, Tatitur ajjsartapjjam, jupar ajjsartirinacarojj janiw cunas pist'caniti.

Jupar iyawsirinacaw cusisiyi, qhuyapayasiñapar iyawsirinacaw cusisiyaraqui.

Tatitur jach'añchas sarnakañanjja jacañawa utji; jupaw khespiyi jiwañan amparapatsa.

“Jichhasti israelit jakenaca, ¿cunsa Tatitu Diosamajj jumanacat mayipjjtamjja? Juparu jach'añchañanacama, jupan thaquipanjam arcañanacama muni, ucatsti munaraquiwa juparu munapjjañanacama, yupaychapjjañama take chuymampi, take jacañamampi,

uqhamaraqui camachi arunacaparjam, leyinacaparjama sum sarnakapjjañamataqui.

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Janchejjajj nayrakataman ajjsarañat qhathati, camächit arunacam laycuw chuymajj alt'ayta.

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

Jilïr jakenacajj ina ch'usat arcnakapjjetu, chuymajjasti arunacamaruw wakaychi.

Moisesasti israelitanacarojj saraquïnwa: —Jan ajjsarapjjamti. Diosasti jutiwa jumanacaru yant'añataqui, uqhamarac jupajj muniwa take horasan jupar ajjsarasa jan jucha lurapjjañanacama.

Jupasti qhuyapayasipuniniw take jupar ajjsaririnacarojja.

Jupar arquirinacan munataparjamaw phokhe, arnakasitanacap ist'i, khespiyaraqui.

“Jichhasti israelit jakenaca, ¿cunsa Tatitu Diosamajj jumanacat mayipjjtamjja? Juparu jach'añchañanacama, jupan thaquipanjam arcañanacama muni, ucatsti munaraquiwa juparu munapjjañanacama, yupaychapjjañama take chuymampi, take jacañamampi,

Uqhamat Jesusan sutip ist'asinjja take jaquir jakenacasa, acapachansa, alajjpachansa, mankhapachansa, quillt'asipjjañapataqui,

ucat takeni arsuñapataqui Jesucristojj Tatitütapa, Dios Awquejj jach'achatäñapataqui.

Tatitur ajjsarañajj jacañaruwa irpi; ucatsti cusisitaquiwa jacasi, cuna jan walt'añansa jan t'akhesisa.

camisatejj alajjpachajj oraket jayanquejja, uqhämaw munasiñapajj arquirinacapataquejja;

Takenirus suman uñjapjjam, jilatanacarusti munapjjaraquim, Diosarusti ajjsartapjjam, reyirusti ist'apjjaraquim.

Tatiturojj ajjsart'añamp loktapjjam, qhathatiñamp jupan nayrakatapan alt'apjjam, jupan jan k'apisiñapataqui, thaquin jan aynacht'apjjañamataqui, Tatitun k'apisiñapan mäc ch'alljjtirïtap laycu. ¡Jupamp arjjatayasirinacajj cusisiñanïpjjewa!

Jupar iyawsirinacarojj mank'añ churi, arust'äwipat wiñayaw amtasi.

Tatitur ajjsarañajj yatiñ cancañwa utjayi; llamp'u chuyman tucuristi jach'ar aptatawa.

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Cuntejj lurapjjät ucjja lurapjjam take chuymampi, Tatitutaquis lurapcasma uqhama, jan jakenacatacjamajja.

Yatipjjaractawa, Tatitojj jumanacan luratanacamatjja mä herencia churapjjätam, jumanacasti Cristoruw sirvisipctajja, juparaquiw chekpachansa Tatitojja.

Ucampis nayajj jach'a munasiñam laycuw kollan utamarojj mantä, kollan utam mankhansti alt'at chuymampiw yupaychäma.

Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa:

Tatitur iyawsirinaca, jupar alcatapjjam: Jupaw yanapistu, arjjataraquistu.

Diosasti jakenacarojj sänwa: ‘Take chuymampi Tatitu Diosar sirviñanquiwa yatiñ cancañajja; ñankhanacat jithektañanquiwa amuyt'asirïñajja’ ” sasa.

Cunapachatejj nayajj uca yakha marcanacata, cawqhanacantejj ananucuta uñjasisipcta ucanacat tantachthapjjapjjäm ucqhasti, uqhamaraqui nayan k'oma cancañajjsa uñacht'ayapjjäma take marcanac nayrakatana, ucapachaw nayajj jumanacan suma k'apquiri ofrenda loktäwinacamjja catokapjjäma.

Uywatamarojj arsutam phokhaquimaya, iyawsirinacamar arsut arunaca.

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Tatitur ajjsarañajj, jan waliru uñisiñawa. Nayasti uñistwa jach'a jach'a tucuñaru, jan walina sarnakañaru, uqhamarac c'arisiñaru.

Dios nayrakatan jisc'ar tucupjjam, jupasti jach'aruw aptapjjätam.

Tatay, jumaquiw nayataquejj utjarapistajja, arunacam phokhañataquiw arsta.

Janiw caballonacan ch'amapajj Tatitur cusisiyquiti, janiraquiw jaken ch'amapas cusisiyquiti.

Jupar iyawsirinacaw cusisiyi, qhuyapayasiñapar iyawsirinacaw cusisiyaraqui.

Tatitur ajjsaras jaquir jaketaquisti, jacañapajj juc'amp yapjjatatawa, ucampis ñankha lurir jaken jacañapajj juc'aptayatawa.

¡Tatitojj jach'añchatäpan! Tatiturojj take chuymampiw yuspagarä, asqui jakenacan tantachasïwipan jach'añchä.

wiñayataquiw jupajj imaraquini. Yatiñ cancañampi yatjjatañampisti mä suma kamir yänacjamawa, khespiyaraquiwa, Tatitur ajjsartañasti kamir cancañat sipansa juc'ampi sumawa.

Cheka sarnaker jakejj Tatituruw ajjsarti, ucampis jan wali sarnaker jakejja jisc'achiwa.

¡Inampich jupanacajj uqham amuyunïpjjaspa, ucatsti jach'añchapjjetaspa, take urunacana camachinacajjsa phokhapjjaraquispa, uqhamatwa wawanacapasa, jupanacasa wiñayataqui sum sarapjjaspa!

Ajjsarthapipjjam, jan juc'amp juch lurapjjamti, iquiñamansti takpach chuymamp amuythapisipjjam;

Uca laycu, wali lup'iñanacanjja utjiwa cunayman arunaca, uqhamarac jan wali amtañanaca, ucampis jumajj Diosar ajjsaram.

Kellkatanjja aqham siwa: “Nayajj chekpachansa jacasctwa, siw Tatitojja, ucatwa take jakenacajj nayan nayrakatajjanjja quillt'asipjjani, takeniraquiw Diosarojj yupaychapjjani” sasa.

Tatay, thaquimay uñacht'ayita, jan saraktas arcañajjataqui. Chuymajjarusti sutim wakaychir tucuyam.

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

¡Tatitojj jach'añchatäpan! Tatitur ajjsartir jakejj cusisiñaniwa, arsutanacapar munasir jakejj cusisiñaniwa.

Iyawsirinacamajj nayar uñjasajj cusisipjjaniwa, arunacamar take chuymamp suyatajjata.

Marcaparojj khespiyiwa, arust'äwipsti wiñayataquiw utt'ayi: Diosajj kollanawa, ajjsarcayaraquiwa.

Tatitun angelapaw iyawsirinacarojj uñjasqui, Tatitur wakaychirinacarusti imascaraqui.

Takpach orakejj Tatitur ajjsartpan, acapachan jaquirinacajj jupar wakaychapjjpan.

Jupajj janiw alek uñcatasaqui cunsa uñjcaniti, ch'ajjwanacsa janiraquiw aleka parlanac ist'asaqui t'akjcaniti.

Jan jumanacajj janchir jiwayirirojj ajjsarapjjamti, ucampis almarojj janiw jiwayapcaspati. Qhititï almampiru janchimpiru infiernojj t'unjcaspas ucaru ajjsarapjjam.

Jumanacajj Diosarojj “Awqui” sapjjtawa. Diosasti take jakenacarojj sapa maynirusa chekapwa uñjani, ucatpï jumanacajj Diosar ajjsarapjjañamajja aca oraken jaccasinjja.

Yatiñ cancaña jicjjatañataquisti nayrakatajj Diosar ajjsartañawa; kollana Tatitur uñt'añajj ch'iqhi cancañanïñawa.

Tatitun arquirinacapa, jupar k'ochupjjam, kollan sutipar yuspagarapjjam;

Jumanaca qhitinacatejj Tatitur jach'achapjjta ucanacajja, sirviripan arunacapsa ist'apjjaracta, inas ch'amacan sarnakapjjsta, jan mä jisc'a khanani, Tatitur take chuyma iyawsapjjam, Diosamaruraqui jaysapjjam.

Janchinacamjja jan jucharojj catuyasipjjamti mä cunäcaspas uqhama juch lurañataqui, jan ucasti Diosar catuyasipjjam, cunjämtejj jucharu jiwjjasina jacjjapjjtajja uqhama. Jichhasti Diosar catuyasipjjam take cuerppacha, cunatejj asquïqui uc lurañataqui.

jumanacan yatiñ cancañaru jisc'achapjjatamata, Tatitur jan ajjsarapjjatam laycuraqui.

Diosay, uñaquipitaya, chuymajjar uñantam, nayarojj yant'itaya, lup'itanacajj uñt'araquim,

nayatejj ñankha thaquin sarnakerïstjja, cheka thaquinjamay irpasita.

Tatitur loktapjjam jach'a cancañsa, uqhamaw waquisi; ofrendanacampi jupa nayrakatan uñstapjjam, muncañ santuariopan Tatitur yupaychapjjam.

Tatitur alcatirinaca, Diosaruy jach'ar aptapjjam. ¡Jacobon wawanacapa, juparuy jach'añchapjjam! ¡Israelan wawanacapa, juparuy yupaychapjjam!

Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.

Asqui jakejj janipuniw cunapachas aynacht'caniti. Asqui jakejj aytatapunïniwa.

Ucampis jumaw juchanacat pampachapjjesta, uqhämat jumar wakaychañ yatichapjjesta.

Tatitusti iyawsirinacaparojj sum uñjasqui, qhuyapayasiñap suyt'irinacarojj imasquiwa,

Ucatpï jumanacajj aqham mayisipjjätajja: ‘Alajjpachanquir nanacan Awquejja, sutimajj jach'añchatäpan.

Jumajj ajjsarcayapunïtawa: ¿Qhitirac nayrakataman sayt'aspasti? ¿Qhitirac k'apisiñamar saycataspasti?

Chekpachansa jupajj qhuchhuratänwa jan iyawsañanïtap laycu, ucampis jumajj iyawsatam laycuquiwa uqhamätajja, ucatsti janiw jach'a jach'a tucuñamäquiti, jan ucasti ajjsart'añamawa.

ñankha amtäwinacarojj janiw nayranacajjamp uñtcäti. Diosat saraktirinacarojj janiw uñcatcäti, janipuniw jupanacampejj jac'achayascäti.

Tatitur yuspagarapjjam, jupajj munasiñaniwa, qhuyapayasiñapajj wiñayawa.

Asqui jakenacajj jach'a cancañapar uruyapjjpan, iccasas cusisiñat k'ochupjjpan.

¡Tatitun khapak cancañapajj wiñayawa! ¡Tatitojj luratanacapampiw cusisi!

Tatitusti qhitirutï munasqui ucarojj chekachiwa, cunjämatejj mä awquejj munat wawaparojj chekachqui uqhama.

Waynanacas karjtaquispawa, ch'amtayapjjaquiraquispawa, wali ch'amaninacasa aynacht'aquiraquispawa,

ucampisa take qhitinacatejj Tatitur iyawsapqui ucanacasti machak ch'amanacanïpjjaniwa; pacalinacar uñtataraquiw thoktapjjani, jalanakasinsti janiw karipcaniti, sarnakasas janiraquiw ch'amtayapcaniti.

Jan wali yatiyäwinacarojj janiw ajjsarquiti, chuymapajj Tatituncasajj wali thurt'atawa.

Tatituru jach'añchiri jakensti take chuyma jupar suyt'añaw utji, uqhamarac wawanacapas Tatitun imatäniwa.

Tatitut mä mayisiñajjaquiw utji, ucaquirac thakä: jacañ urunacajjan utapan utjasiña; utapan jupar yupaychañataqui, khapak cancañap uñjasin cusisiñataqui.

Diosaruw takpach chuymamp iyawsta, arunacap jach'ar aptaracta; Tatituruw takpach chuymamp iyawsta, arunacap jach'ar aptaracta;

Jichhajj jumanacarojj wact'apjjtamwa Tatituru ajjsartapjjañama, uqhamaraqui juparu yupaychapjjañama, arunacapsa ist'apjjañamaraqui, camachi arunacapsa janiraqui taquisipjjañama, ucatsti jumanacar apnaker reyisa, jumanacasa Tatitu Diosan munañaparjama jacapjjañama.

Israel marca, Tatituruy suyt'am, qhuyapayasiñajj Tatitut juti, khespiyäwipajj jilarquiriw jutaraqui.

ni Diosar ajjsarañsa amuyapcaraquiti.”

Nayar arcnaker timasirinacajj waljaniwa, nayasti janiw arunacamat sarakascti.

“Naya, naya quipcaw jumarojj ch'amachsma. ¿Qhitirus ajjsarta? ¿Jakenacaruti? ¿Jiwir jakenacaruti ajjsarta, qhitinacatejj korar uñtata tucusipjjani ucanacaru?

¡Tatitojj jach'ar aptatäpan! Tatiturojj machak k'och k'ochupjjam, iyawsirinacap taypin jach'añchapjjam.

Khepäjjat uñisisir jakenacarojj uñistwa, arunacamarusti munastwa.