Isaías 11:3 - Qullan Arunaca

³ Jupajj janiw alek uñcatasaqui cunsa uñjcaniti, ch'ajjwanacsa janiraquiw aleka parlanac ist'asaqui t'akjcaniti.

Aymar Bibliia 1986

³ Jupajj janiw alek uñcatasaqui cunsa uñjcaniti, ch'ajjwanacsa janiraquiw aleka parlanac ist'asaqui t'akjcaniti.

Qullan Arunaka DC

³ Jupax janiw aliq uñkatasak khitirus taripkaniti, janirakiw aliqa parlanak ist'asakis juchañchkaniti.

Isaías 11:3 Jak'a apnaqawi uñst'ayäwi

2 Samuel 14:17

Aca sirvirimasti suyt'ascaraquiwa juma jach'a reyin arunacapampi chuymachatäña, juma jach'a reyisti take cunsa chekaparupuniw uñjtajja, yatiractawa cunatejj walïqui ucsa uqhamaraqui cunatejj jan walïqui ucsa, mä Diosan angelapjama. ¡Tatitu Diosay juma jach'a reyimpi kheparpan! —sasaw warmejj säna.

2 Samuel 14:8

Ucatsti reyejj warmirojj saraquïnwa: —Jichhajj utamar sarjjam, nayaw jumat arjjatäma —sasa.

1 Reyes 3:28

Reyina uqham chekaparu uñjäwipjja take Israel marcpachawa yatipjjäna, ucatsti juparojj asquimpiwa uñjapjjäna, jupanacajj ajjsarapjjänwa Diosajj uca yatiñ cancaña churatapata chekaparu apnakañataqui uca laycu.

1 Reyes 3:9

Jichhasti churitaya yatiñ cancañ chuyma aca marcaru apnakañataqui, uqhamarac uñt'añataqui cunatejj asquïqui, jan walïcaraqui ucanaca; ¿qhitiraqui aca walja jakenacamarusti apnakaspasti?” —sasa.

Job 12:11

Jinchojj arunacjja ist'iwa, cunjämtejj lajjrajj mank'an sumätap catjejja uqhama.

Job 34:3

Jinchojj yatiw aru catjañjja, cunjämtejj lacajj mank'jja mallt'ejj uqhama.

Proverbios 2:5

yatïtawa Tatitur ajjsaraña; ¡jicjjataraquïtawa cunäquitejj Diosar uñt'añajja uca!

Proverbios 2:9

Ucatsti yatïtawa chekäqui, asquïqui ucsa, ucatjja amuyaraquïtawa take asquina sarnakañapuni sumätapa.

Isaías 33:6

wiñayataquiw jupajj imaraquini. Yatiñ cancañampi yatjjatañampisti mä suma kamir yänacjamawa, khespiyaraquiwa, Tatitur ajjsartañasti kamir cancañat sipansa juc'ampi sumawa.

Ezequiel 45:8

Uca orakesti qhititejj Israel marca apnakerïcani ucataquïniwa; uqhamatwa marcajjarojj jani t'akhesiyapjjañapataqui, jan ucasti pachpa israelita jakenacaruw orakenacapjja churjjaraquini sapa maynisa tribunacaparjama.

Miqueas 4:3

Tatituw take marcanacarus chekapar uñjani, uqhamaraqui walja marcanacan ch'ajjwatanacapsa t'akjaraquini, wali jayanquir marcanacarusa. Jupanacasti espadanacapjja aradoruw tucuyjjapjjani, lanzanacapsti hocenacaruraqui. Janiraquiw cawquïri marcas armanacjja aptcjjapjjaniti yakha marca contrajja, janiraquiw guerran nuwasiñataquis yatichäwinacjja catokcjjapjjaniti.

Lucas 2:52

Jesusasti jilascänwa janchina, uqhamarac yatiñansa; Diosataquisa, uqhamarac jakenacataquisa asquiraquïnwa.

Juan 2:25

Jaker uñt'añataquejj janiw qhitin yatiyatäñasa waquiscänti, jan ucasti jupa pachpawa yatïna jaken chuymapa.

Juan 7:24

Jan juchañchapjjamti uñcatasaquejja, jan ucasti juchañchapjjam cunatï chekäqui uqhamarjama —sasa.

Hebreos 5:14

Ucampis waña mank'ajj jach'a jakenacataquiwa, ucanacajj amuyt'asiñjj yatjjapjjewa. Cunatejj walïqui, jan walïcaraqui uc uñt'añsa yatjjapjjaraquiwa.

1 Samuel 16:7

Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”