Kasta
41 Qullan Qullanat parlir Biblian jiskʼa tʼaqanakapa
Lugar Santonxa Santuario ukankiwa, pä junt’u ukataki dividiwayatänwa: Lugar Santo ukat Lugar Santísimo. Sacerdotekunapax sapa uruw Lugar Santor mantasipxirïna, Diosar yupaychañatakix lurañanakap lurapxirïna. Ukhamarakiw khitis mantxapxaspa jiwxapxänxa, juchani uka cheqar mantkani ukhaxa. Diosax wali munasiñampi ukat khuyatañampi, taqi pacharux jupamp sum apasita munarakïnwa.
Nayrax juchanakasasa, jan walinakasasa Diosan utjirit jitheqtatänwa. Ukampirus Jesucristo, Jach’a Sacerdotejaxa, mä kutikiw juchanakas layku jiwayapxatayna. Ukhamaw Lugar Santor mantayiriq telax luratäna, jichhax janiw khitis Tatitur jak’achasiñatak arknaqaskiti.
Nayrax janiw khitis Lugar Santor mantxasapänti, ukampirus Salvadorapax jiwatapatxa, jichhax uka q’uchatäñ utjipan jakasiñ privilegio utjaniwa. Calvario Cruzampi wilan jiwätapat q’uchata jakasipxtañäniwa. Taqinimpi sum apasita jakasiñasa, q’uchatäñampis jakasiñasa wakisi. Bibliax “janiw khitis Tatitur uñjkaspati q’uchatäñampi jakasxaspati” siwa (Hebreos 12:14).
Munasiri Salvadortasa, jichhürunakan utjapätasat wal yuspärapxtawa.
Diosan ejercitopan jilïripasti aqham sänwa: —Wisqhum cayumat apsusim, cawqha chekarutï tact'cta ucqhajj kollanawa —sasa. Ucatsti Josué chachajj uqhamwa luräna.
Yanap mayiscsma ucapachajj arnakasitajjarojj ist'aquimaya, amparanacajj kollan utam uñcatat aytancta ucapachajj jaysaquitaya.
Uca altarjja uchätawa sumar mantäwi arca imt'qui uca velo nayräjjaru, uca chekanwa nayajj jumampi jiquisëjja.
Ucjjarusti lurayaraquïnwa kollanansa Kollanapa Uta. Largorojja llätunca metronïnwa, templojj kawkha anchöquiti ucqharaqui, uqhamarac anchorojja llätunca metroni. Ucatsti suma korimpiraquiw lip'suyäna, ucasti pä tunca waranka kilonacänwa.
Uqhamasti uca veljja ganchonacampiw warct'äta, ucatsti uca velo khepäjjarojja uchätawa suma arust'äwiru mantatäqui uca arca. Ucampis uca velowa jumanacataquejj jaljtäni kollanäquis ucata, kollanansa kollanapäquis ucampitjja.
Templo mantañ uñcatasirojja wact'ayänwa Kollana Lugaräñapataqui llätunca metroni, ucarusti amstata aynachcamajja cedro tablanacampiw ucharaquïna.
Israelan Diosapa, take ch'amani Diosasti siwa: “Cunapachatejj nayajj Judá marcanquir jakenacan sarnakäwipa maysaru tucuyjjä, ucat jupanacajj wasitat orakenacapancjjapjjaraquini, uqhamaraqui marcanacapana, ucapachasti wasitatwa sapjjani: ‘¡Tatituy bendispan aca kollan kolluru, cawqhantejj cheka cancañajj utjqui ucaru!’
Uqhamasti uca veljja ganchonacampiw warct'äta, ucatsti uca velo khepäjjarojja uchätawa suma arust'äwiru mantatäqui uca arca. Ucampis uca velowa jumanacataquejj jaljtäni kollanäquis ucata, kollanansa kollanapäquis ucampitjja. Arcjja kollanansa kollanapa sat chekaruw uchäta tapampi khopjjatasina.
Ucatsti uca carpa mankheruw arcjja uchäna, ucampis velo sat cortinaraqui ucharaquïna arcaru imt'añapataqui cunjämtejj Tatitojj Moisesar siscäna uqhamarjama.
Ucampis uca arca patjjarojj juchanacat pampachatäñataqui ofrenda loktañäquis uca, uqhamarac cuna amtäwinactejj lurctan ucanac uchäta, ucatsti tapampiw khopjjatjjäta. Ucanwa jumampejj jiquisiñäni. Nayajja suma arust'äwi arca patjjancqui uca pä querubines sat angelanac taypitwa israelitanacataquejj arunacajja churanïma.
Uca Tatitutaqui yakhachata orakensti, yakha orakeraquiw chimpt'atäni, ucasti largorojja pä tupu chicaniraquïniwa, anchorusti mä tupuniraqui, uca orakesti sinti kollanapunïniwa; ucancaraquiniw Tatitun templopajja.
Kollanansa Kollanapa Chekjja maderatwa pä angelanaca lurayäna chhekhanacani, ucanacarusti uqhamaraquiquiw korimpcama lip'suyäna.
Ucat uca mankhanquiri uta tupt'araqui, ucasti take tokerusa tunca metroncamänwa. Ucat nayarojj saraquitu: “Aca chekajj sinti kollanawa” sasa.
Ucapachaw templonquir uca jach'a cortinajj payaru ch'iyjtawayjjäna, amstat kalltasina aynachcam tucuyasa. Orakes qhathatiraquïnwa, karkanacasti ch'iyatattaraquïnwa.
Kollan Ajayojj take ucanacampejj amuyt'ayistuwa, uca nayrïri santuariojja culto lurañaquïscatapa, Sinti Kollan sat Chekar puriñataquisti janïraw thaquejj jist'aratäcänti.
Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.
Uqhamawa templpacha korimpi lip'suyäna, uqhamarac Kollana Chekawjana altarajj utjcäna ucsa.
Payïri cortina khepäjjanjja Sinti Kollan sat Chekaraquiw ucancäna. Ucansti mä kori altaraw utjaraquïna, incienso naqhayañataqui, uqhamarac arust'äwi arca korimpi apaquipata. Uca arca mankhansti mä kori chatuw ucancäna, maná sat t'ant'araquiw uca chatu mankhancaraquïna, Aaronan ch'ojjñatatcänsa uca varapasa ucancaraquïnwa, uqhamarac arust'äwi kellkat kalanacasa.
uca khepatwa cabritorojj jiwayjjaraquini, jakenacan juchanacapata mä sacrificiöcaspasa uqhama, ucatsti uca wiljja velo khepäjjaruw apjjaraquini; uca mankhanwa taparojj patjjata uqhamarac nayräjjata ch'allt'ani, cunjämtejj vacan wilapampejj ch'allt'cäna uqhama. Uqhamatwa uca kollan chekjja k'omachjjaraquini take uca k'añunacatjja, israelitanacan Dios toke sayt'asitanacapata, uqhamarac take jucha luratanacapatsa. Uca quipcaraquiwa Jiquisiñ Carpampisa lurasiñaparaqui, cawquïritejj jupanaca taypincqui, uqhamatwa take k'añunacajja k'omachatäni.
Salomonasti Kollan templonjja waquicht'ayänwa Tatitun arcapa ucar uchañataqui. Salomón reyejj Tatitutaqui templo lurayqui ucasti, largorojja pä tunca pakallkoni metronïnwa, anchorojja llätunca metroni, uqhamarac altorojja tunca quimsa chicatani metroniraqui. Kollana Templo mankhejja largorojja llätunca metronïnwa, anchorusti llätuncaraqui, altorusti llätunca metroraqui. Kollana Templo nayräjjarusti mä altarwa luräna cedro maderata, ucarusti korimpiwa lip'iquipayäna.
Ucanwa jumampejj jiquisiñäni. Nayajja suma arust'äwi arca patjjancqui uca pä querubines sat angelanac taypitwa israelitanacataquejj arunacajja churanïma.
Ucatjja sacerdotenacajja Tatitun arust'äwiru mantat arcapjja apjjapjjänwa, templo mankhëjjaru, kollanansa Kollanapa Chekaru, chhekhaninaca mankharu.
Ucjjarusti sacerdotenacajj Tatitun arcapjja templo mankhëjjaruwa apapjjäna Kollana Chekacama, angelanacana chhekhap mankhëjjaru.
Ucapachasti temploncquis uca jach'a cortinajj payaruw ch'iyjtawayäna, amstat aynacharu.
Ucampis Moisesajj Diosan tunca camachi arunacapanïqui uca tablanacsti arca mankheruw apantäna. Ucjjarusti arcarojj morok'o lawanacwa ucharaquïna callañataqui, patjjarusti tapampiraquiw khopjjataraquïna. Ucatsti uca carpa mankheruw arcjja uchäna, ucampis velo sat cortinaraqui ucharaquïna arcaru imt'añapataqui cunjämtejj Tatitojj Moisesar siscäna uqhamarjama.
Uca suyt'äwiw sum catjjäsistu uqhamarac almasa uñjaraqui, cunjämatejj anclajj mä barcorojj catjjäsejja uqhama. Jiwasan utjquistu uca suyt'äwejj alajjpach templon cortinap khepäjjan suma acht'ayatawa, bautismo toket yatichäwimpita, iyawsirinacjjaru amparanac uchañjjata, jiwatanacan jacatatañapata, uqhamarac wiñay t'akhesiñampitjja. cawquirutejj Jesusajj jiwas laycu mantcäna, jiwasatac thac jist'arañataqui. Uqhamanwa Jesusajj wiñayatac mä jilïr sacerdote tucuwayi Melquisedec castata.
Uqhamatwa Aaronajj cunapachatejj kollana sat chekaru mantcani pectoral sat isis ucht'ata asqui uñjañ yänaca apt'ata ucqhajja pechoparu Israelan wawanacapana sutinacapa apañapataqui Tatitun nayrakatapanjja, uqhamata jupajj wiñaya amtañapataqui.
Payïri cortina khepäjjanjja Sinti Kollan sat Chekaraquiw ucancäna. Ucansti mä kori altaraw utjaraquïna, incienso naqhayañataqui, uqhamarac arust'äwi arca korimpi apaquipata. Uca arca mankhansti mä kori chatuw ucancäna, maná sat t'ant'araquiw uca chatu mankhancaraquïna, Aaronan ch'ojjñatatcänsa uca varapasa ucancaraquïnwa, uqhamarac arust'äwi kellkat kalanacasa. Kori arca patjjansti querubines sat angelanacaw ucancascäna, Diosas ucanccaspa uqhama, chhekhanacapampiraquiw imantapjjäna, cawqharutejj juchanac laycu sacrificiojj loktascän ucqharu. Ucsti janiw jichhajj juc'amp sum khanañchcsnati.
Juchanacatsti pakallko uruwa altaranjja sacrificio loktäta, uqhamata Diosaru suma loktatäñapataqui. Ucatsti uca altarajja mä suma kollana altaräñapataqui. Ucatjja cunatejj uca altarar jac'cani ucajja Diosar loktatäjjañapataqui.
Ucatsti Sinti Kollan Chekarojj jilïri jach'a sacerdotequiw mantirïna, maran mä cuti. Ucar mantañataquisti apañapänwa animalanacan wilapa, juchanacapat loktañataqui, uqhamarac jakenacataquisa.
Ucampis Cristojj jutjjewa, jichhajj jupaw jilïri sacerdotejja take suma luräwinaca utjqui ucatjja. Cawqhantejj jupajj sacerdotet sirvqui uca santuariojja juc'amp sumawa, juc'amp phokhataraquiwa, janiraquiw jakenacan luratäquisa ni acapachanquirïcaraquisa. Cristojj Sinti Kollan Chekaruw manti, janiraquiw cabritonacan ni vaca kallunacan wilap loktirisa, jan ucasti jupan pachpa wilapa loktasiriw manti. Uqhamaw mä cutiqui takenitaqui mantawayi, ucatsti wiñay khespiyasiñwa jiwasatac jicjjataraqui.
Jaken lurat santuariojj mä uñacht'äwiquïnwa chekpach santuariotjja. Cristosti janiw uca jakenacan lurat santuariorojj mantquiti, jan ucasti alajjpach quicparuw manti, jichhasti ucan Diosan nayrakatapan jiwasat arjjatasquistu.
Ucatpï jichhajj jilatanaca, Sinti Kollan Chekawjarojj jan ajjsarañampi mantjjsnajja Jesucriston wilap laycu, Leyitejj k'omachaspajja, uca sacrificionacajj janiw loktascjjaspati, uca loktirinacajj mä cut k'omachatäspajja, janiw juchanjam amuyascjjapjjaspati. uca pachpa machak wiñay jacañ thac arcasina, cawquïrtejj cortin tok jupajj jist'ararapistu, ucasti sañ muni jupan pachpa cuerpop toke.
Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.
Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.