Apocalipsis 11:19 - Qullan Arunaca

¹⁹ Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.

Aymar Bibliia 1986

¹⁹ Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.

Qullan Arunaka DC

¹⁹ Ukatsti Tatitun utapan punkunakapaw alaxpachan jist'artäna, uka utap manqhansti arust'äwipa arcaw uñstäna. Ukatsti lliju llijunakampi, qhixu qhixunakampiw utjäna, wali uxuñanaka, uraq khathatinaka, wali ch'aman chhijchhimpiw utjarakïna.

Apocalipsis 11:19 Jak'a apnaqawi uñst'ayäwi

Salmos 105:32

Jallu lantejj chhijchhiw purintäna, orakerusti nina lawranac apayanïna.

Salmos 18:12

nayrakatapatsti llijtir khejjokhejjow mistüna, kenayanacatsti chhijchhimpi, naqhasquir sanc'anacampiw jallüna.

Isaías 28:2

Tatitojj jumanacataquejj mä ch'amani jake suyayasipctam, wali ch'amaniwa chhijchhi asot'ir uñtata, take cun tucjir thayjamawa, wali umani purir jalljamaraquiwa, umajj pampanacar chhaktayquis uqhamawa. Amparapampiw oraker willitatani,

Isaías 30:30

Tatitusti jach'a arupwa ist'ayaraquini, jach'a ch'amapsti uñacht'ayaraquiniwa, ajjsarcañ colerampiraquiw lurani, mä akquir ninan naqhatapjama, rayonacampi, jallumpi, chhijchhimpi cuna.

Isaías 32:19

ch'umejj phat'anucutäscpasaya, marcas taquisitäscpasaya.

Ezequiel 13:11

Cunjämatejj mä jakejj mä perkjja jan suma perkasa sayt'ayejja, ucatsti janc'aqui k'athawimpi jank'o tucuyejja, uqhamäpjjewa. Jupanacaru aqham sasa parlam, perkasti mäquiwa liwisjjani. Jallunacajj walpun purintani, chhijchhis kalanacjamaw purintani, mä jach'a thayaw thayt'anini, ucat uca perkajj liwisini.

Ezequiel 13:13

Ucatpï naya Tatitojj sistjja: Colerasiñajjanjja nayajj mä jach'a thaya thayt'ayanï, jach'a colerasiñajjansti, walpunwa jalljja puriyanëjja, uqhamaraqui chhijchhis kalanacjamaw puriniraquini, take cunsa wali colerasiñampi t'unjañapataqui.

Números 10:33

Uqhamaw Tatitun kollupat sarjjapjjäna. Tatitu Diosan suma Arust'äwiru Mantayir Arcapajj jupanacan nayrap saräna, quimsüru sararusti mä cheka thakapjjäna samart'añataqui.

Números 4:15

Cunapachatejj Aaronampi wawanacapampejj take kollana k'oma yänac llawthapiñ kalltapjjani, sarañataquisa niya janc'aquïpjjaraquini ucapachasti Coat chachan wawanacapaw jutapjjani take ucanac apañataqui; ucampis janiw amparanacapampi llamct'apcaniti cunatejj kollanäqui ucjja, jan jupanacan jiwañanacapataqui. Take acanacwa apapjjañapa Tatitumpi Jiquisiñ Carpatjja, Coat chachan wawanacapajja.

Números 4:5

Cunapachatejj takpach marcajj sarjjaruña munani ucqhajj Aaronampi wawanacapampejj kollan velonaca apakapjjani puncu mantañata, ucatsti Arust'äwi Arcaruw ucampi janjjatapjjani,

Josué 10:11

Cunapachatï amorreo jakenacajj Bet-horón sat aynacha jalakasipcän israelitanacat jaltasa ucqhajj, Diosajj jach'a kala chhijchhinac jupanac patjjaru jalluyäna, ucanacasti walja amorreo jakenacaruw jiwarayäna, israelitanacan espadanacapat sipansa.

Apocalipsis 11:13

Uca horasasti uca marcanjja mä jach'a orak qhathatiw utjäna. Uca marcata tunquïri partesti chhaktänwa, pakallko waranka jakenacaraquiw uca orake qhathatimpejj jiwarapjjäna. Chicat jakesti ajjsarañatsa alajjpachanquir Diosaruw yupaychapjjäna.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 12:1

Alajjpachansti mä jach'a uñacht'äwiw uñstäna. Mä warmiwa intin llawuntata uñstäna, phajjsisti cayunacapancaraquïnwa, p'ekeparusti mä coronampi asjjatataraquïnwa, uca coronansti tunca payani warawaranacaw utjäna.

Apocalipsis 16:1

Ucatsti mä jach'a aru ist'aracta santuariot mistuniri, pakallko angelanacarusti aqham saraquïnwa: “Sarapjjam, ucatsti waranucunipjjam orakjjaru cuna mutuyañanacatejj uca pakallko copanacan phukhantatäquis ucanaca, uca mutuyäwinacasti Diosatwa juti” sasa.

Apocalipsis 16:18

Ucatsti utjaraquïnwa llijullijunaca, khejjokhejjonaca, ojjoñanaca, mä jach'a orak qhathatiw orakjja qhathatiyaraquïna. Uca orak qhathatjamajj janipuniw cunapachas utjcänti cuna horasattï jakejj oraken utjqui ucqhatpachajja.

Apocalipsis 16:21

Alajjpachatsti jach'a chhijchhiraquiw jakenacjjarojj purinitayna, uca chhijchhinacasti yakhepanacajj pusi tunca kilow pesapjjäna. Jakenacasti walpun Dios tokejj arusipjjäna jan wali arunaca arsusa uca t'akhesïwin jutatapata.

Apocalipsis 19:11

Ucatsti alajjpacha jist'arata uñjta, mä jank'o caballoraquiw uñstanïna. Uca caballor lat'jjatat jakesti, Cheka, Asqui sataraquïnwa. Jupasti cheka cancañampiw take cunsa apnake, nuwasiraquisa.

Apocalipsis 4:1

Uca pasatatsti alajjpachwa uñtta, ucatsti uñjaractwa alajjpachanjja mä puncu jist'aratäsquiri. Kalltan trompetar uñtat parljjayquitän uca arusti saraquituwa: “Maqhatanim acaru ucatsti cunanacatejj acat kheparu lurascani ucanac uñacht'ayäma” sasa.

Apocalipsis 4:5

Uca tronotsti llijullijunaca, uqhamarac k'ejjok'ejjonacan suenatapaw mistuniraquïna. Uca trono nayrakatansti pakallko jach'a nina mechanacaw akaraquïna, ucanacasti Diosan pakallko ajayupawa.

Apocalipsis 7:15

“Ucataracwa jichhajj jupanacajj Diosan tronop nayrakatancasipqui uruy aruma Diosan templopana yupaychasa. Tronon kont'atäqui ucasti take jupanacarojj imaraquiniwa.

Apocalipsis 8:5

Ucatsti angelajj incensario catusinjja, altarancquis uca nina sanc'anacampiw phokhantäna, ucatsti aca orakeruw ucjja wartanjjäna. Aca orakensti khejjokhejjonaca, ojjoñanaca, llijullijunaca, mä orak qhathati cunaw utjaraquïna.

Apocalipsis 8:7

Nayrïri angelasti trompetapjja phust'änwa, ucatsti chhijchhiwa aca orakerojj purinïna, wilampi quittata nina jalluraquiw orakerojj jallüna, ucatsti quimsïri partewa aca orakenjj tucusïna, kokanacatsa take koranacatsa quimsïri partewa naqhantäna.