Apocalipsis 11:19 - Qullan Arunaka DC

¹⁹ Ukatsti Tatitun utapan punkunakapaw alaxpachan jist'artäna, uka utap manqhansti arust'äwipa arcaw uñstäna. Ukatsti lliju llijunakampi, qhixu qhixunakampiw utjäna, wali uxuñanaka, uraq khathatinaka, wali ch'aman chhijchhimpiw utjarakïna.

Aymar Bibliia 1986

¹⁹ Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.

Qullan Arunaca

¹⁹ Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.

Apocalipsis 11:19 Jak'a apnaqawi uñst'ayäwi

Salmos 105:32

Jallu lantix chhijchhi apayanïna, uraqirusti nina lawranak apayanïna.

Salmos 18:12

12 (13) Jach'a qunuñap taypitsti, qinayampi, chhijchhimpi, nakhaskir sank'anakampiw mistüna.

Isaías 28:2

Tatitux Asiria ch'aman marka jumanakatakix wakichaski, wali ch'aman chhijchhir uñtata, taqi kun tukjir thayjama, wali umani jallükaspas ukhama, uraq chhaqtayir umjama. Asiria markax munañapampi, ch'amapampiw

Isaías 30:30

Tatitusti jach'a arupa ist'ayani, jach'a ch'amapsti uñacht'ayarakiniwa, axsarkañ phiñasiñampiw ukanak lurani, q'ixu q'ixunakampi, jallumpi, chhijchhimpi taqi ukanakax mä aqkir ninjam tukjiriwa.

Isaías 32:19

chhijchhisay ch'umirux q'al tukjaskpan, markaxasay jisk'achjat uñjasiskpan.

Ezequiel 13:11

Ukhamasti uka pirqanak luririnakarux sarakim, pirqa luratanakapax mäkiw tinkuni. Jallunakax walpun purintani, chhijchhis qalanakjamaw purintani, mä jach'a thayaw thayt'anini,

Ezequiel 13:13

Ukatpï naya, Tatitux sistxa: Q'apisiñaxan nayax mä jach'a thaya thayt'ayanï, jach'a phiñasiñaxansti, walpun jallu purintayä, chhijchhisa qalanakjamaw purintani, phiñasiñaxampix taqi kunpin t'unthapï.

Números 10:33

Ukhamaw jupanakax Tatitun qullupat sartawayxapxäna, ukatsti kimsüruw sarapxäna. Tatitun arust'äwi arcapax jupanakan nayrap saräna, kawkharutix samart'apkaspa ukawja thaqhasa.

Números 4:15

Aaronampi, wawanakapampix taqi uka qullan yänak llawthapiñ tukuyxapxani, sarantañatakis niya jank'akïpxarakini ukapachasti, Quehat chachan wawanakapaw jutapxani, taqi uka yänak apañataki. Ukampis kunatix qullanäki ukxa janiw llamkt'apxañapäkiti, jupanakan jan jiwapxañapataki. Quehat chachan wawanakapax, taqi aka qullan yänak Tatitump Jikisiñ Carpat apapxañapa.

Números 4:5

Kunapachatix markax yaqha chiqar sarañatak sarxarkani ukkhax, Aaronampi, wawanakapampiw jutasin Qullanansa Qullanapa chiqawjat velo apaqapxani, ukatsti ukampiw arust'äwi arcar janxatapxani.

Josué 10:11

Amorreonakax israelitanakat jaltxasin Bet-horón sat aynacha jalaqasipkän ukkhasti, Tatitux chhijchhir uñtat jach'a qalanak jupanakxar puriyäna, ukanakasti israelitanakan espadanakapamp jiwarayañat sipansa, juk'amp walja amorreo jaqinakaruw jiwarayäna.

Apocalipsis 11:13

Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

Apocalipsis 12:1

Alaxpachansti mä jach'a chimpuw uñstäna: mä warmiw intin llawuntat uñstäna, phaxsisti kayunakapankänwa, p'iqiparusti mä pillumpi asxatatänwa, uka pillunsti tunka payan warawaranakaw utjäna.

Apocalipsis 16:1

Ukatsti mä jach'a aru ist'arakta qullan utjäwit mistuniri, paqallqu angelanakarusti sänwa: “Sarapxam, ukatsti Diosan q'apisiñapamp phuqhantat paqallqu qirunak uraqir waranukunipxam” sasa.

Apocalipsis 16:18

Ukatsti lliju llijunakampi, qhixu qhixunakampi, uxuñanakampi, jach'a uraqi khathatinakampiw utjäna, ukar uñtatax janipuniw kunapachas jaqinakan utjatapatpach uñjaskänti.

Apocalipsis 16:21

alaxpachat jach'a chhijchhinakaw jaqinakxar purïna, sapa mayasti pusi tunka kilot jilänwa. Jaqinakasti ukham chhijchhi uñjasax, jan wali arunakampiw Diosar ñanqhachapxäna, uka mutuyäwin sinti jach'ätap layku.

Apocalipsis 19:11

Ukatsti alaxpach jist'arat uñjta, mä janq'u caballorakiw uñstanïna. Uka caballor lat'xatat jaqisti, Chiqa, Aski, sutinïnwa. Jupasti chiqa kankañampiw apnaqäna, chiqapat nuwasirakïna.

Apocalipsis 4:1

Uka qhipatsti alaxpachan mä punku jist'arat uñjta; ukatsti trompetan phust'atapar uñtat nayraqat parlxaykitu uka arux sarakituwa: “Akawjar makhatanim, ukatsti kunanakatix akat qhipar luraskani ukanak uñacht'ayäma” sasa.

Apocalipsis 4:5

Uka qhapaq qunuñatsti uxutanakampi, lliju llijunakampi, q'ixu q'ixunakampiw mistunïna, uka qunuñ nayraqatansti paqallqu nina wiyanakaw aqarakïna, ukanakasti Diosan paqallqu ajayupawa.

Apocalipsis 7:15

“Ukat jichhax Diosan qhapaq qunuñap nayraqatankasipki, uruy arumaw utapan jupar luqtapxi. Qhapaq qunuñan qunt'atäki ukaw, jupanakampïni, jupanakar imarakini.

Apocalipsis 8:5

Ukatsti angelax incienso q'apichañ katusinxa, altarankir nina sank'anakampiw ukar phuqhantäna, ukatsti aka uraqiruw uk wartanxäna; ukapachasti taqi chiqanakan qhixu qhixunakampi, uxuñanakampi, lliju llijunakampi, uraq khathatimpiw utjarakïna.

Apocalipsis 8:7

Nayrïr angelaw trompetap phust'äna, ukatsti chhijchhimpi, ninampiw aka uraqirux warxattanïna, wilampi kituntata. Uraqisti niya chikatan chikatapaw nakhantäna, quqanakatsa, taqi ch'uxña quranakatsa niya chikatan chikatapaw nakhantarakïna.