Mateo 27:51 - Qullan Arunaca

⁵¹ Ucapachaw templonquir uca jach'a cortinajj payaru ch'iyjtawayjjäna, amstat kalltasina aynachcam tucuyasa. Orakes qhathatiraquïnwa, karkanacasti ch'iyatattaraquïnwa.

Aymar Bibliia 1986

⁵¹ Ucapachaw templonquir uca jach'a cortinajj payaru ch'iyjtawayjjäna, amstat kalltasina aynachcam tucuyasa. Orakes qhathatiraquïnwa, karkanacasti ch'iyatattaraquïnwa.

Qullan Arunaka DC

⁵¹ Ukapachaw Tatitun utapankir jach'a cortinax payar ch'iyjtäna, amstat qalltasina aynachar tukuyasa. Uraqix khathatïnwa, qarqanakas ch'iyatattänwa,

Mateo 27:51 Jak'a apnaqawi uñst'ayäwi

2 Crónicas 3:14

Ucatsti luraraquïnwa wila morado telata cortinanaca, púrpura, uqhamarac lino ucataraqui, ucanacarusti chhekhanacan angelanacampiw bordayaraquïna.

Salmos 18:15

Lamar kota mankhajj uñstjjänwa, aca oraken saphipas uñstjjaraquïnwa, Tatitun ajjsarcañ arup ist'asitap laycu, k'apisiñ samanap ch'amamp phust'atap laycuraqui.

Salmos 18:7

Ucapachaw orakejj ch'amamp qhathatïna, kollunacajj saphitpach onjjtäna, Tatitun k'apisiñapamp qhathatiyatäpjjänwa;

Éxodo 40:21

Ucatsti uca carpa mankheruw arcjja uchäna, ucampis velo sat cortinaraqui ucharaquïna arcaru imt'añapataqui cunjämtejj Tatitojj Moisesar siscäna uqhamarjama.

Isaías 25:7

Aca kollunwa Tatitojj k'al t'unjani cuna velotejj marcanacaru imjjatcänjja uca, uqhamaraqui cuna mantotejj marcanacar imjjatcän ucsa.

Levítico 16:2

Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.

Levítico 21:23

ucampisa janipuniw velo khepäjjaru mantcaniti ni altararusa jac'achascaraquiniti, uqhamat uca jan c'umara cancañapampejja nayan kollana chekjja ñankhachascañapataqui. Naya Tatituw uca kollana chekjja nayataqui yakhachasta uca laycu.”

Habacuc 3:10

Jum uñjasajj jach'a kollunacas qhathatipjjewa, umanacas walipuniw waraktani, jach'a kotasa warariwa, uqhamaraqui jach'anacaw mathapinacajj sartaraqui.

Habacuc 3:13

Jumasti mistuntawa marcamaru yanapt'iri, juma quipca ajllisctasa uca reyimpiru. Jan wali amtañani jakenacan jilïripsa tucjaractawa, takpachaniruw k'alala jan cunani tucjaractajja.

Números 4:5

Cunapachatejj takpach marcajj sarjjaruña munani ucqhajj Aaronampi wawanacapampejj kollan velonaca apakapjjani puncu mantañata, ucatsti Arust'äwi Arcaruw ucampi janjjatapjjani,

Mateo 27:54

Ucanccän uca capitanasti mayninacampejja, orak qhathatimpi, uqhamarac yakhanacampi uñjasinjja wal ajjsarapjjäna, ucat sapjjaraquïna: “Chekpachapuniw aca jakejj Diosan Yokapäpacha” sasa.

Mateo 28:2

Ucatsti acatjamatwa orak qhathatejj sartäna, alajjpachata mä angelan sarakanitap laycu. Sepulturar jac'achasisinjja uca jach'a kaljja apakänwa, ucatsti uca patjjaruraquiw kont'asïna.

Marcos 15:38

Ucapachasti temploncquis uca jach'a cortinajj payaruw ch'iyjtawayäna, amstat aynacharu.

Lucas 23:45

Intejj ch'amact'awayänwa, ucatsti templon cortinajj payaruw chic chicat ch'iyjtäna.

Lucas 23:47

Cunapachatï romano capitanajj uqham uñjän ucqhajja, Diosaruw yupaychäna: —Chekpachansa aca jakejj janiw juchanïcänti —sasa.

Hebreos 6:19

Uca suyt'äwiw sum catjjäsistu uqhamarac almasa uñjaraqui, cunjämatejj anclajj mä barcorojj catjjäsejja uqhama. Jiwasan utjquistu uca suyt'äwejj alajjpach templon cortinap khepäjjan suma acht'ayatawa,

Hebreos 9:3

Payïri cortina khepäjjanjja Sinti Kollan sat Chekaraquiw ucancäna.

Apocalipsis 11:13

Uca horasasti uca marcanjja mä jach'a orak qhathatiw utjäna. Uca marcata tunquïri partesti chhaktänwa, pakallko waranka jakenacaraquiw uca orake qhathatimpejj jiwarapjjäna. Chicat jakesti ajjsarañatsa alajjpachanquir Diosaruw yupaychapjjäna.

Apocalipsis 11:19

Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.