Levítico 16:2 - Qullan Arunaca

² Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.

Aymar Bibliia 1986

² Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.

Qullan Arunaka DC

² Ukat Tatitux Moisesar säna: Aarón jilamarux akham sas yatiyam, jan kuna pachas mantkpati kawkïr qullan chiqatix velo qhipäxan utjki uka chiqaruxa, janirak arcar qhupxatatäki uka nayraqatarus mantkpati, ukhamat jan jiwañapataki; nayasti mä qinay taypin uka juchat pampachayasiñäki uka qhuphiñ patxan uñstarakï.

Levítico 16:2 Jak'a apnaqawi uñst'ayäwi

1 Reyes 6:16

Templo mantañ uñcatasirojja wact'ayänwa Kollana Lugaräñapataqui llätunca metroni, ucarusti amstata aynachcamajja cedro tablanacampiw ucharaquïna.

1 Reyes 8:6

Ucjjarusti sacerdotenacajj Tatitun arcapjja templo mankhëjjaruwa apapjjäna Kollana Chekacama, angelanacana chhekhap mankhëjjaru.

2 Crónicas 5:14

Uca kenaya phokhantatap laycusti sacerdotenacajja, janiw juc'amp kheparañ muncjjapjjänti Tatitur yupaychañataqui, Tatitun jach'a cancañapajj templor phokt'atap laycu.

Éxodo 30:10

Aca altarasti Tatitur loktatäniwa, uca laycusti Aaronajj maranjja maya cutiw wajjranacaru sacrificio loktata uywan wilapampi jawt'ani jucha luratanacat pampachatäña jicjjatañataqui. Uqhamsti sapa marawa wiñaya uca altararojj sacrificio loktapjjañamajja juchat pampachasïwi jicjjatañataquejja.”

Levítico 16:13

uca inciensti Tatitun nayrakatapancqui uca ninjjaruw jach'jjataraquini, ucat uca incienso jiwk'esti cuna tapatejj arca khopjjatatäqui juchat pampachatäñataqui ucaruw chhaktayaraquini, cawquïritejj amtäwi arcäqui ucaru. Uqhamatwa Aaronajj jan jiwcaraquiniti.

Levítico 16:34

“Aca leyisti jumanacataquejj wiñayataquïniwa, maran mä cutiw acanacjja lurapjjaraquïta, cuna juchanactejj israelita jakenacajj lurapcani ucanacatjja pampachatäña jicjjatapjjañamataqui.” Take ucanacasti, cunjämtejj Tatitojj Moisesarojj siscäna uqhamarjamapuniw phokhasïnjja.

Levítico 23:27

“Uca pachpa pakallko phajjsi sarakatansti, tunca uru sarakatarojja, jumanacajj mä suma kollana tantachasïwi lurapjjäta, uca urusti ayuno lurapjjäta, uqhamarac Tatitutaquisti mä ofrenda nact'ayasina sacrificiot loktapjjaraquïta.

Levítico 8:35

Uca laycu, jumanacasti pakallko uruw kheparapjjäta Tatitumpi Jiquisiñ Carpar mantañäquisa uca chekana, uruy arumawa pakallko uru phokhasiñcama ucancapjjäta. Tatitun arunacaparusti ist'apjjaraquim, ucatsti janiw jiwapcaraquïtati, ucaw Tatitun arunacapajja” sasa.

Números 17:10

Ucatsti Tatitojj Moisesarojj sänwa: “Wasitat uchanim Aaronan varapjja sumancayiri arcan nayrakataparu, ucqharu imaniraquim aca naya contra sayt'asir marcatac mä chimpüñapataqui. Uqhamatwa naya nayrakatat jan wali parläwinac apakäta, ucatsti janiw jiwapcaraquiniti” sasa.

Números 18:7

Ucampisa, jumampi wawanacamampiquiw sacerdoten luräwinacapjja, altarana velo khepäjjansa lurapjjäta. Aca lurañasti jumanacaruw wact'apjjtam, nayaraquiw uca sacerdote luräwinac churapjjäma. Ucampisa cawquïritejj sacerdotet sarnakani jan cunäcasa, ucasti juchañchasin jiwayatäniwa.”

Números 4:19

Jan jupanacan jiwañampi mutuyatäpjjañapataqui kollan yänac llamct'apjjatap laycu, ucatsipansa acanacaw lurañanacapajja: Aaronampi wawanacapampiw sapjjani, sapa mayniru cunanactejj lurapjjañapäqui, uqhamarac cunanacatejj apascani ucanacsa.

Números 4:5

Cunapachatejj takpach marcajj sarjjaruña munani ucqhajj Aaronampi wawanacapampejj kollan velonaca apakapjjani puncu mantañata, ucatsti Arust'äwi Arcaruw ucampi janjjatapjjani,

Mateo 27:51

Ucapachaw templonquir uca jach'a cortinajj payaru ch'iyjtawayjjäna, amstat kalltasina aynachcam tucuyasa. Orakes qhathatiraquïnwa, karkanacasti ch'iyatattaraquïnwa.

Hebreos 6:19

Uca suyt'äwiw sum catjjäsistu uqhamarac almasa uñjaraqui, cunjämatejj anclajj mä barcorojj catjjäsejja uqhama. Jiwasan utjquistu uca suyt'äwejj alajjpach templon cortinap khepäjjan suma acht'ayatawa,

Hebreos 9:25

Jilïr jach'a judío sacerdotejj sapa maraw mantirïna Sinti Kollan Chekawjaru mä animalan wilap loktiri, ucatsipan Cristosti janiw walja cuti sacrificiot loktasquiti.

Hebreos 9:3

Payïri cortina khepäjjanjja Sinti Kollan sat Chekaraquiw ucancäna.

Hebreos 9:5

Kori arca patjjansti querubines sat angelanacaw ucancascäna, Diosas ucanccaspa uqhama, chhekhanacapampiraquiw imantapjjäna, cawqharutejj juchanac laycu sacrificiojj loktascän ucqharu. Ucsti janiw jichhajj juc'amp sum khanañchcsnati.

Apocalipsis 15:8

Diosan santuariopasti jek'ena phokhantatänwa, uca jek'esti Diosan jach'a munañanïñapata, uqhamarac ch'amapatwa jutäna. Janiraquiw qhitis ucarojj mantañataqui ch'amanïcänti, cuntejj angelanacajj pakallko t'akhesïwinac apapcänsa ucanacan phokhasiñapcama.