Levítico 16:2 - Qullan Arunaka DC

² Ukat Tatitux Moisesar säna: Aarón jilamarux akham sas yatiyam, jan kuna pachas mantkpati kawkïr qullan chiqatix velo qhipäxan utjki uka chiqaruxa, janirak arcar qhupxatatäki uka nayraqatarus mantkpati, ukhamat jan jiwañapataki; nayasti mä qinay taypin uka juchat pampachayasiñäki uka qhuphiñ patxan uñstarakï.

Aymar Bibliia 1986

² Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.

Qullan Arunaca

² Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.

Levítico 16:2 Jak'a apnaqawi uñst'ayäwi

1 Reyes 6:16

Tatitun utap mantañ uñkatasiparusti Qullanansa Qullanap chiqawjäñapatakiw wakt'ayarakïna, ukasti llätunka metronïnwa, ukarusti amstat aynachkamarak cedro lawanakampix uchakipäna.

1 Reyes 8:6

Ukxarusti sacerdotenakax Tatitun utap manqhiruw arust'äwi arca apapxäna Qullanansa Qullanapa chiqawjkama, querubines sat chhiqhap manqhïxaru,

2 Crónicas 5:14

uka qinayan phuqhantatap laykusti, sacerdotenakax janiw Tatitur yupaychañatak qhiparirjamäpkänti, Tatitun jach'a kankañapan Tatitun utapar phuqhantatap layku.

Éxodo 30:10

Aka altarax Tatitur katuyat altaräniwa, maran mä kutikiw Aaronax altaran waxranakapxar wilañcha luqtata uywan wilap luqtani, jucha luratanakat pampachäwi jikxatañataki. Sapa maraw uka altarxarux juchat pampachayasiñatak wilañcha luqtapxäta.”

Levítico 16:13

uka inciensompisti, Tatit nayraqatan uka ninxaruw jach'xatani, uka incienson jiwq'ipasti Tatitumpi amtäwi arcapar qhupxatatäki ukaruw chhaqtayani. Ukhamat Aaronax jan jiwkaniti.

Levítico 16:34

“Aka kamachisti jumanakatakix wiñayatakïniwa: maran mä kutiw akanak lurapxäta, kuna juchanaktix israelitanakax lurapkani ukanakat pampachatäñ jikxatapxañamataki.” Taqi ukanakasti, kunjämtix Tatitux Moisesar siskäna ukhamarjamapuniw phuqhasïni.

Levítico 23:27

“Uka pachpa paqallqüri phaxsina tunka uru saraqatarusti, uka urux juchat pampachatäñ urüniwa. Uka urusti jumanakax mä suma qullan tantachasïwi lurapxäta, ukhamarak ayuno lurapxäta, Tatitutakisti mä waxt'a nakt'ayasina luqtapxarakïta.

Levítico 8:35

Ukhamasti, jumanakax paqallqu uruw Tatitump Jikisiñ Carpar mantañäkis uka chiqan qhiparapxäta, uruy arumaw paqallqu uru phuqhasiñkam ukankapxäta. Tatitun arunakaparusti ist'apxapunim, ukatsti janiw jiwapkätati, uka arunak nayax Tatitut katuqta” sasa.

Números 17:10

10 (25) Tatitusti Moisesar sänwa: “Aaronan thujrup arust'äwi arca nayräxar kutintayam, ukawjan ukax imatäpan, aka saykatasir markan uk amtasiñapataki. Naya nayraqataxan jan arusisipkañapataki. Jaysapxitani ukasti, janiw jiwapkaniti” sasa.

Números 18:7

ukampis jumampi, wawanakamampikiw sacerdote luräwinak phuqhapxäta, altarana, velo qhipäxansa. Uka lurañasti jumanakaruw wakt'apxtam, nayaw jumanakar sacerdote luräwinak churapxsma. Maynitix jan sacerdotëkasin sacerdoten luräwip luranixa, jiwañapatak juchañchatäniwa” sasa.

Números 4:19

Jan jupanakan qullan yänak llamkt'apxatap layku mutuyat uñjasis jiwasipkañapatakix, akanak lurapxañapa: Aaronampi, wawanakapampiw sapa maynir unañchani, kunanaktix lurapxañapäki, kunanaktix apapxañapäki ukanaka.

Números 4:5

Kunapachatix markax yaqha chiqar sarañatak sarxarkani ukkhax, Aaronampi, wawanakapampiw jutasin Qullanansa Qullanapa chiqawjat velo apaqapxani, ukatsti ukampiw arust'äwi arcar janxatapxani.

Mateo 27:51

Ukapachaw Tatitun utapankir jach'a cortinax payar ch'iyjtäna, amstat qalltasina aynachar tukuyasa. Uraqix khathatïnwa, qarqanakas ch'iyatattänwa,

Hebreos 6:19

Uka suyt'äwiw ajayusarux sum katxäsi, kunjämatix anclax mä barcor katxäski ukhama. Uka suyt'äwix alaxpach qullan utan cortina qhipäxkamaw manti,

Hebreos 9:25

Janirakiw sapa kuti jupa pachpa luqtasirix mantkänti, kunjämatix Jilïr sacerdotex sapa mara qullan chiqar yaqhan wilap luqtir mantirïkän ukhama.

Hebreos 9:3

Payïr cortina qhipäxankki uka chiqax Qullanan Qullanapa satänwa;

Hebreos 9:5

Arca patxansti querubines sat chhiqhaninakaw utjäna, ukax Diosan ukankaskatap uñacht'ayäna, chhiqhanakapampix arcan qhupiñap imxatapxäna. Jichhasti ukxat juk'ampi qhanañchañax janiw wakiskiti.

Apocalipsis 15:8

Qullan utjäwisti jiwq'impi phuqhantatänwa, uka jiwq'isti Diosan jach'a kankañapata, ch'amapat jutäna, janirakiw khitis ukarux mantañatak ch'amanïkänti, kuntix paqallqu angelanakax paqallqu t'aqhisïwinak apapkän ukanakan phuqhasiñapkama.