1 Pedro 2:17 - Qullan Arunaca

¹⁷ Takenirus suman uñjapjjam, jilatanacarusti munapjjaraquim, Diosarusti ajjsartapjjam, reyirusti ist'apjjaraquim.

Aymar Bibliia 1986

¹⁷ Takenirus suman uñjapjjam, jilatanacarusti munapjjaraquim, Diosarusti ajjsartapjjam, reyirusti ist'apjjaraquim.

Qullan Arunaka DC

¹⁷ Taqinirus suman uñjapxam. Tatitun utapankirinakar munapxam, Diosar jach'añchapxam, reyirus ist'apxarakim.

1 Pedro 2:17 Jak'a apnaqawi uñst'ayäwi

Génesis 20:11

Abrahamasti saraquïnwa: —Nayasti amuyayätwa aca chekanjja Diosar ajjsarañajj jan utjatapa, inas ucata warmejj causa jiwayatïrista.

Génesis 22:12

Tatitun angelapasti saraquïnwa: —Jan cuna ñankhsa wawarojj luramti, jichhasti yattwa Diosar ajjsaratama, janiraquiw “Janiw” sisctati sapa wawama nayar loktaniñjja —sasa.

Génesis 42:18

ucampisa quimsa uru pasatatsti saraquïnwa: —Nayajj Diosar ajjsarir jakeraquïtwa. Jichhajj cuntejj sapcäma uc lurapjjam, uqhamat jumanacajj perdonatäjjapjjäta,

1 Crónicas 29:20

Ucjjarusti Davidajj take tantachäwi jakenacaruwa saraquïna: “Jichhasti Tatit Diosamaru yupaychapjjam” sasa. Ucatjja take tantachäwi jakenacawa nayra awquinacapana Tatit Diosaparu yupaychapjjäna, ucatsti quillt'asisaraquiwa Tatitutaquisa, reyitaquisa alt'asipjjäna.

Salmos 111:10

Yatiñ cancañan kalltapajj, Tatitur ajjsartañawa, jupar wakaychirinacajj wali amuyt'anïpjjewa; Tatitojj wiñayaw jach'añchatäni.

Éxodo 20:12

“Awquimaru, taycamaru jach'añcham, uqhamata Tatitu Diosamajj churcätam uca orakena jaya maranac jacañamataqui.

Proverbios 1:7

Yatiñ cancaña jicjjatañataquisti nayrakatajj waquisiwa Tatitur ajjsaraña; pisi amuyt'an jakenacasti jisc'achapjjewa yatiñarusa, yatichäwirusa.

Proverbios 23:17

Jucharar jakenacat jan envidiasimti, jan ucasti Tatiturupuni ajjsaram;

Proverbios 24:21

Munat wawajjay, Diosarusa, reyirusa ajjsaram; uñisirinacamampejj jan mayachasimti.

Eclesiastés 8:2

Reyin arsutapjja phokhätawa, uqham phokhañataquiw juramentompi arstajja Diosan nayrakatapana.

Levítico 19:32

“Jilïri jakenac nayrakatansti sayt'asisina jupanacarojj mä suma ajjsart'aña uñacht'ayaraquim. Tatitu Diosamaru ajjsartatamsa uñacht'ayaraquim. Nayätwa Tatitojja.

Zacarías 11:14

Ucatsti payïri thujru “Mayaquïña” satäquis ucjja p'acjaraquictwa, uqhamaw Judá marcampi Israel marcampi mä jilaquïñajj t'unjata uñjasejja.

Mateo 22:21

Jupanacasti sapjjänwa: —Cesaranquiw —sasa. Ucjjarusti Jesusajj saraquïnwa: —Cesarancquis ucjja Cesarar churapjjam, Diosancquis ucsti Diosarurac churapjjam —sasa.

Juan 13:35

Jumanacatejj maynit maynicama munasipjjätajja, takeniw amuyapjjani nayan discipulonacajjäpjjatama —sasa.

Romanos 12:10

Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa.

Romanos 13:7

Qhitinacarutejj manüpctas ucjja phokjjapjjaraquim. Kollke churañ utjchi ucajja churapjjam. Impuesto manüpctas ucjja phokhapjjam. Ajjsarañäqui ucarojj ajjsarapjjaraquim. Yäkañäqui ucarojj yäkapjjam.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

Efesios 5:21

Maynit maynicama, Diosar ajjsartasina purapat ist'asirïpjjam.

Filipenses 2:3

Jan cunsa lurapjjamti purapat ch'ajjwasajja, ni jach'a jach'a tucuñ munasasa, jan ucasti alt'at chuymampi lurapjjam, maynit mayniru uñjasipjjam, maynejj jupat juc'amp sumäcaspas uqhama.

1 Timoteo 6:1

Uywatanacajj uywirinacapataquejj wali ajjsartañanïpjjañapawa Diosan sutip jan jisc'achayañ laycu, ni jiwasan yatichäwisas jisc'achatäñapataqui.

Hebreos 13:1

Maynit maynicama jilapurjama munasipjjam.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

1 Pedro 2:13

Tatit laycusti jakenacan uscutäqui take uca autoridadanacarojj jaysapjjam, reyirusa, jilïritap laycu,

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”

1 Samuel 15:30

—Chekpachansa, nayaw juchjja lurta —sasaw Saúl reyejj säna. Ucampisa take Israel marcan jilïri jakenac nayrakatanwa uqhamarac take Israel marcpacha nayräjjanwa achict'assma, nayarojj mä reyirjama uñjaquitaya. Uqhamajj nayampi chica sarañäni, Tatit Diosamar yupaychañataqui, —sasaw Saúl reyejj säna.