Proverbios 14:2 - Qullan Arunaca

² Cheka sarnaker jakejj Tatituruw ajjsarti, ucampis jan wali sarnaker jakejja jisc'achiwa.

Aymar Bibliia 1986

² Cheka sarnaker jakejj Tatituruw ajjsarti, ucampis jan wali sarnaker jakejja jisc'achiwa.

Qullan Arunaka DC

² Chiqa sarnaqir jaqix Tatituruw axsarti, jan wali thakhin sarnaqir jaqisti, jisk'achiwa.

Proverbios 14:2 Jak'a apnaqawi uñst'ayäwi

2 Samuel 12:9

¿Cunatsa arunacajja jisc'achtajja, ucatsti cuntejj nayataquejj jan asquïqui uc luraractajja? Hitita Uriasarusti jiwayaractawa, amonita jakenacampiw juparojj jiwayayaractajja, warmipsa catuntasiractawa.

1 Reyes 3:6

Salomonasti ucjjarojj sänwa: “Jumajj David awquejjarojj wali suma chuymampiwa uñjayätajja, jupajja sirvïyätamwa juman nayrakatamanjja jumampiwa sarnakäna cheka lurañampi, cheka chuymampi uca laycu. Ucataracwa jumajja wali suma chuymampiraqui juparu uñjaraquïyätajja, uqhamaraquiw mayni yokaparusa tronoparu kont'asiyaractajja, cunjämatejj jichhajja lurasqui uqhama.

2 Reyes 17:34

Jichhürunsa lurasipcaquiwa cunjämtï nayrajj lurapcäna uqhama. Jupanacasti janiw Tatiturojj yupaychapquiti, leyinacaparjamasa ewjja arunacaparjamasa sarnakapquiti, yatichäwiparjamasa, camachi arunacaparjamasa phokhapquiti, ucanacsti Tatitojj churänwa Jacobon familiapana phokhapjjañapataqui, qhitirutejj Israel sasa sutichcäna ucaru.

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Job 12:4

Jan juchani k'omäcsta ucasa, mä urunacanjja Diosajj mayisitajj-jja ist'araquitänwa, nayampi chica sarnakeri jakenacajj larusipjjewa.

Job 28:28

Diosasti jakenacarojj sänwa: ‘Take chuymampi Tatitu Diosar sirviñanquiwa yatiñ cancañajja; ñankhanacat jithektañanquiwa amuyt'asirïñajja’ ” sasa.

Salmos 112:1

¡Tatitojj jach'añchatäpan! Tatitur ajjsartir jakejj cusisiñaniwa, arsutanacapar munasir jakejj cusisiñaniwa.

Salmos 25:21

Asqui cancañajjampi, cheka cancañajjampejj arjjatapjjetpan, jumar take chuymamp iyawsatajj laycu.

Proverbios 11:12

Jan amuyt'an jakejj jake masiparojj jisc'achiwa, ucampis amuyt'ani jakejja amuquïsquiwa.

Proverbios 16:17

Asqui jakenacan sarnakäwipasti jan walinacata jithektañawa; asqui thaquin sarnaker jakesti, jupa pachpawa jacañapa imasisqui.

Proverbios 16:6

Jucha luratarojja munasiñampi, cheka cancañampiwa pampachi; Tatitur ajjsaratap laycuwa maynejja jan walita jithekti.

Proverbios 19:1

C'ari jakëñata, jan yatiñan jakëñata sipansa, juc'ampi asquiwa pobrëscañajja, cheka cancañana sarnakascañajja.

Proverbios 2:15

Jupanacasti k'ewi thaquinacan sarnakapjje; cheka thaquitsti maysaruw saranucupjje.

Proverbios 28:6

Sallkjasiri kamir jaquïñat sipansa, juc'amp asquiwa pobrëscaña, uqhamarac cheka lurirïñasa.

Eclesiastés 12:13

Parlañajj tucuyjjewa. Takewa parlatäjje. Diosar yupaycham, ucatsti camachi arunacapa phokham, take ucanacajj jaketaquïtap laycu.

Lucas 10:16

“¡Qhititejj jumanacar ist'qui ucajj nayaruw ist'itu; qhititejj jumanacar jan ist'apctam ucasti nayaruw jan ist'quituti; nayaru jan ist'irïqui ucasti qhitanquitu ucaruw jan ist'quiti!.”

Lucas 16:14

Kollker wali chuyma churat fariseonacasti take acanacjja ist'asipcaraquïnwa, ucat jupanacajj Jesusatjja larusipjjäna.

Hechos 10:22

Jupanacasti sapjjaraquïnwa: —Capitán Corneliow qhitanipjjetu. Jupajj asqui jakewa, Diosar ajjsartas sarnakeriraquiwa, take judionacansa sumat uñt'ata. Juparojj Diosan mä angelapaw parlatayna, utapar jum jawsayañataqui, ucata arunacam ist'añapataquiraqui —sasa.

Hechos 10:35

Jupasti cuna cast jakerus catokaquiwa, qhitinacatejj jupar ajjsarqui, uqhamarac asqui lurapqui take ucanacarusa.

Hechos 9:31

Ucapachasti jach'a samarañaraquiw iglesianacanjja utj-jjäna, Judeana, Galileana, uqhamarac Samariana. Jupanacasti wali ch'amaniraquiw tucjjapjjäna. Tatitur ajjsarasaraquiw sarnakapjjäna. Uqhamatwa Kollan Ajayun ch'amapampejj waljaniptapjjaraquïna.