Proverbios 14:2 - Qullan Arunaka DC

² Chiqa sarnaqir jaqix Tatituruw axsarti, jan wali thakhin sarnaqir jaqisti, jisk'achiwa.

Aymar Bibliia 1986

² Cheka sarnaker jakejj Tatituruw ajjsarti, ucampis jan wali sarnaker jakejja jisc'achiwa.

Qullan Arunaca

² Cheka sarnaker jakejj Tatituruw ajjsarti, ucampis jan wali sarnaker jakejja jisc'achiwa.

Proverbios 14:2 Jak'a apnaqawi uñst'ayäwi

2 Samuel 12:9

¿Kunatarak arunakaxar jisk'achta, ukatsti kunatix nayatak jan walïki uk luraraktasti? Amonita jaqinakampiw Urías hitita jaqirux jiwayaytaxa, warmipsa katuntasiraktawa.

1 Reyes 3:6

Salomonasti ukxaruw säna: “Tatay, juman luqtirima David awkixarux wali suma chuymampiw uñjäyätaxa, jupax juma nayraqataman chiqa aski chuymampiw sarnaqäna, taqi kunan jaysarakïyätam. Ukat jumax wali khuyapayasiñampi jupar uñjaraktaxa, mayni yuqaparusa reyi qunuñaparuw qunt'asiytaxa, kamisatix jichhürun uñjaski ukhama.

2 Reyes 17:34

Jupanakasti jichhürunsa kunjämtix nayra pachax lurapkän uka pachparak lurasipki, jupanakax janiw Tatitur yupaychapkiti, janirakiw kuna kamachinaka, arsutanaktix Tatitux Jacob chachan wila masinakapar phuqhapxañapataki arsuwaykäna ukhamarjamas sarnaqapkiti, Tatitux juparuw Israel sutimpi sutichäna.

Job 1:1

Uz sat chiqan mä chachaw utjäna Job sutini. Jupasti aski, chiqa jaqïnwa, Diosar axsartirïnwa; ñanqha lurañatsa jithiqtatarakïnwa.

Job 12:4

Mä urunakan, Diosar art'askäyät ukapachaxa, jupax mayisitaxar ist'apunitänwa; ukampis jichhax, masinakaxamppachaw nayat larusipxitu; nayax jan kuna juchanïkta ukasa, taqiniw nayat sawkasipxitu.

Job 28:28

Jaqinakarusti Diosax sänwa: “Yatiñ kankañax: Tatitur taqi chuyma jaysañawa; ch'ikhi kankañax: ñanqhat jithiqtañawa” sasa.

Salmos 112:1

¡Tatitux jach'añchatäpan! Tatitur axsartir jaqix kusisiñaniwa, arsutanakapar munasir jaqix kusisiñaniwa.

Salmos 25:21

Aski kankañaxampi, chiqa kankañaxampix arxatapxitpan, jumaruw taqi chuymamp katuyassma.

Proverbios 11:12

Jan amuyt'asir jaqix jaqi masipat jan wal parli; amuyt'asir jaqisti amukïskiwa.

Proverbios 16:17

Aski jaqinakan saräwipax jan walinakat jithiqtañawa; sarnaqäwip imiristi, jupa pachpaw jakañap imasiski.

Proverbios 16:6

Munasiñampi, chiqa kankañampiw jucha luratarux pampachi; Tatitur axsaratap laykuw jaqix ñanqhat jithiqti.

Proverbios 19:1

Jan kunani, chiqa kankañan jaqïñax juk'amp askiwa, jan yatiñan k'arintasir jaqïñat sipana.

Proverbios 2:15

q'iwi q'iwi thakhinakan sarnaqirinakata; chiqa thakhit maysar saranukurinakat jithiqtayätam.

Proverbios 28:6

Sallqjasir qamir jaqïñat sipansa, jan kunanïskaña, chiqa lurirïskañaw juk'amp askixa.

Eclesiastés 12:13

Parlañax tukusxiwa. Taqi kunaw satäxi. Diosar yupaycham, kamachi arunakapar phuqham, taqi ukanakan jaqitakïtap layku.

Lucas 10:16

“¡Khititix jumanakar ist'ki ukax nayaruw ist'itu; khititix jumanakar jan katuqapktam ukanakasti nayaruw jan katuqkituti; nayar jan katuqirïki ukasti khithankitu ukaruw jan katuqkiti!”

Lucas 16:14

Qullqir chuyma churat fariseonakasti, uk ist'asin Jesusat larusipxänwa.

Hechos 10:22

Jupanakasti ukxaruw sapxäna: —Cornelio capitanaw khithanipxitu. Jupax aski jaqiwa, Diosar axsartas sarnaqir jaqirakiwa, judío jaqinak taypin sumat uñt'ata, taqinin munatawa. Diosan mä angelapaw jupar uñstasin satayna: “Utamar Pedro irpayanim, jupax siskätam uk sum ist'äta” sasa.

Hechos 10:35

Jupasti kawki markansa katuqakiwa, jupar axsarir jaqinakampiru, aski luririnakampiruxa.

Hechos 9:31

Ukapachasti jach'a samarañaw iglesianakan utjxäna, Judeana, Galileana, Samaria uksa tuqinakana. Jupanakasti wali ch'amaniw tukxapxäna. Tatitur axsarasaw sarnaqapxäna, Qullan Ajayun ch'amapampisti, waljaniptapxarakïnwa.