WEAWEA 21:7 - ASII LAKDAP Bible (BSI) Kiijiishe mungmaiqse ka Mosheq phana wato. Raüta akha nguto, “Naishiq raq Tatiwe ma nai ümniima bom abi bomlaita ngarai tangkai. Ümchaü min Tatiwe jaq paü kong ara lambaiq laq nguta achu jaülaq.” Krai mren Mosheq raq Mungmaiqse miitu achu jaüto. Hawa Naga Bible 2001 Kvkhoc rvtueq miq htenc kuex Moshe kox nuex kaz vtueq, “Nuiyshiq rueq mnoz muex nuiyc Yehowa muex khawx lvlx ngoz ngax vtueq yaq gay tiq. Majuiuc muinz puiuc htenc vruex yurc gay tvkoc Yehowa kox wawc vjux thoz kuq koq,” ngoz tueq kvmenc jenc thoz tueq. Kvkhoc rvtueq Moshe rueq miq htenc kvruex tvkoc vjux thoz kuq tueq. |
Sara, Abraham tanyung ma jamlai mra wa pintaq kriikha na, Tatiwe raq Abimelekh hokham jamti anyung re jechak re ma ase humlot mak she tiija baiqto. Kra ningkhan, Abraham raq Abimelekh miitu achu jaü kuqto. Kiimaq Shiikeawe raq apaiq khum ka tiihea kuqto. Kiimaq Tatiwe raq Abimelekh tanyung khum kiimin tiihea kuqto. Kiimaq apaiq disetiim jechak setiim khum kra tiihea kuqto. Krai mren tsangshiq raq asetiim humto.
Shatmaq ümchaü maiq nyung ka tsangwe miishe jangkuqlaq. Apaiq ka shammiwe. Kiimaq apaiq raq ümnaq miitu achu mijaü kuq. Kra riihaüla ümniika tsaimaü mirhaü. Shatmaq ümniiraq kriinyung ka apaiq ma jangkuq maü riihaüla, Ngi raq ümniima hon lam bom chongtiikang, ümniika mitsai haü, ümnaq nai ümsenginok ka mijiimhan.”
Kiijiishe Hokhamwe Jeroboam raq shammiwe kiima, “Mangchan laüta ngi miitu üm Tatiwe üm Shiikeawe jaq wa achu jaülaq kiimaq apaiq ma ijaq ara tiiheakuq laq nguta achu jaükuq laq!” nguta tiipaiq neato. Krai mren shammiwe raq Tatiwe jaq wa achu jaüto. Kiimaq hokhamwe jaqtsi ka tiidoq ra heakito.
Kiijiishe Jehoahaj raq Tatiwe jaq wa achu jaüto. Kiimaq Tatiwe riimin Siria mung hokhamwe raq Israil mung ka jamkho notshotshot tiichamchao tlaq kra chhi raüta apaiq achu jaü ka treto.
Kiimaq Job raq akongtitiim wetsam miitu achu jaükuqtaq kra jai miishe Tatiwe raq apaiq ka pinthum chiithejong miishe tiija nongto kiimaq apaiq ma tsiiq anyam ka kongkhu lak na kuqtaq kra nam miimin liipnai achan she shiiman kuqto.
Ümchaü min minsaü pongwetiim miishi kiimaq sku pongwetiim miishi hea wan lantea Job phana waronglaq. Lantea kriithun ka namshiq miitu honglu na kuq ronglaq. Raüla Job raq namshiq miitu achu mijaü kuq kiimaq ngi raq apaiq achu jaü ka mitre kuqha. Kiimaq namshiq raq jea ngaü phaq chang sitlaq kriiwa mitiiwong kuqha. Apaiq raq ngi miitu tengteng bom chongtaq kiikha namshiq raq chong man dea riilan.”
Ümtiikiiwa Shiikeawe raq asenginok mijiipbaiqha nguta chongtaq, apaiq raq atsea raüta ashong ajaqshi se Mosheq raq Shiikeawe ka tiiwinhoto, raüta tsangshiq shiithenbaiq chang atsankhiq ka tiishibaiqto.
Ümtiikiiwa apaiq raq tsangshiq phong wa wiijam ka jiipbaiqtlaq, raüla tsangshiq phong wa maiq wiijam ka awokhong na jang wa nongtlo; tsangshiq ngarai ka tiidiitlo raüta tsan atsi maq apaiq jaq wa achu jaütlo.
Ümchaü min, ara ingarai ka lakshi ri diikuq ronglaq. Lanta Tatiwe namshiq Shiikeawe jaq wa ara ngi ma pinthum atsai chang mo tiihotlaq ara lambaiq miitu achu jaü kuq ronglaq.”
Shatmaq Mosheq raq Tatiwe apaiq Shiikeawe ma tiipaiq neato raüta akha nguto, “Tatiwe riita ümniika ümsenginok, ümniiraq Ejip mung wa üm ningkun henghea kiimaq arang jonghea maq tiichhii wan laü kra miika, atinkhan ümtsan ka jaram wa tiikhiqho laü?
Kriimaq anap ranaiq niishe, Mosheq raq mungmaiqse ma nguto, “Namshiq raq phiiptsi chang ngarai tang lan. Shatmaq ümchaü ngi ka thongshi ri hali pum na Tatiwe phana miwa nongha. Jursap ngi raq namshiq ngarai kra diike miitu lamlu lo humraü.”
Kiijiishe hokhamwe raq nguto, “Namshiq ka luhea na kiho man jiila, ngi raq namshiq ka Tatiwe, namshiq Shiikeawe ma honglu takekai kumtsaiphii rumnyangkhi wang na mitiiki kang. Ngi miitu achu jaü kuqlaq.”
Makphang phong ka ümkhu thaq na, ümsengi mungmaiqse thaq na, kiimaq ümsengi ajong alabi thun khuthaq na adoq aloq haha she mirphong wan.’”
Kiijiishe hokhamwe raq Mosheq nai Aron ka tiiheakito. Raüta nguto, “Tatiwe jaq wa achu jaü ronglaq, apaiq raq makphang longtlaq kra wiita mitsuq wan laq. Kiimaq ngi raq namshiqnok ka mitiiwa kang. Krai mren tsangshiq raq Tatiwe ma honglu thun ka mitaa kuqlot.”
Tatiwe lei, ümniiraq ümsenginok ka sintsang maq tsat laü; kiimaq üm motsi ma tsangshiq raq ümjaq wa achu jaüto.
Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.
Hokhamwe Jedekia raq Shelemia se Jehukal nai Maaseia se ramwe Jephania ka ngi phana tiiwato. Raüta ngi raq nangnga Tatiwe, nashiq Shiikeawe jaq wa namung miitu achu jaükuqlaq nguta bom tiichong wato.
“Ngi raq isenginok mimiimbaiqha, lata tsang ngarai miitu riitsi tsaitsiiq mitiichamchaoha, jursap, chamchaotsi ma tsangtsii lo chhijiiq riila, raüta ngi lo rit wan jiiq riila.”
Mungmaiqse ka Mosheq phana waraüta khrum kuqlaq nguta hoq trangto. Kiimaq apaiq raq Tatiwe jaq wa achu jaüto. Krai mren wa khiim dong ka amat she riikito.
Apaiq ka tsangshiq phana kiraüta, “Ngi raq chiisan maiqse ashi tiitsea baiq ngarai tang kang!” nguta chongto. Kiijiishe, “Kriika naishiq ma chong wa chang sha? Kriika ümniiraq khata!” nguta tsangshiq raq apaiq bom ka treto.
Kiijiishe, Simon raq, “Phuno we nai lei, mangchan lanta, ngi miitu Tatiwe jaq wa achu jaükuq ronglaq. Ümchaü namnai raq jamlai wa chong lan kra manson ka i dü na nimak chang miitu,” nguta Petar nai Johan ma chongto.
I phu i notiim lei, ngi ara, i nok i bin Jehudinok phan ara tiichhii wan haü jiidea ahea riichang nguta, i tsan mong na tsihea holai howan lata sitiikang!. Ngi raq tsangshiq miitu ümtinkhan wa tsan tiitsi lata, Shiikeawe jaq wa achu jaü kuq tiikang!
Kiimaq Tatiwe ka Aron miimin, apaiq ka tsatbaiq nam nam atsan khiqto. Kra ningkhan ngi raq Aron miitu min kra akhing na achu jaükuq dam kang.
Kriikha maq, namshiq ngarai thun ka weshi raq weshi ma tiidii rong laq. Kiimaq weshi raq weshi miitu, achu jaü kuq rong laq. Kra riihan jiila, namshiq tsisi kriimin mitiihea kuq. Maiqshaqti raq achu jaü ka ningkun ajong tiidoq ra miraq.
“Tengto. Ngi raq ngarai tangkang dea,” nguta Saul raq treto. “Ngi raq Tatiwe aming nai ümniiraq tsii achongkuq haü ka tlea kang dea. Ngi ka isengibi ma haisi khamaq tsangshiq raq achongchong kra klo kang.
Kiijiishe, Saul raq nguto, “Ngi ka shutkang dea. Li jiimin, isengi welabi man na, kiimaq Israil mung tlotli man na, ngi ma anato ka tiichikuq laq. Ümniika ngi rai jang wan i. Kra nguraü ka, ngi raq Tatiwe üm Shiikeawe kra shomnoq pha.”