DUNGWVNC 32:30 - ASII LAKDAP Bible (BSI)

³⁰ Kriimaq anap ranaiq niishe, Mosheq raq mungmaiqse ma nguto, “Namshiq raq phiiptsi chang ngarai tang lan. Shatmaq ümchaü ngi ka thongshi ri hali pum na Tatiwe phana miwa nongha. Jursap ngi raq namshiq ngarai kra diike miitu lamlu lo humraü.”

Hawa Naga Bible 2001

³⁰ Raungnvp kvyix Moshe rueq miq htenc muex ngoc, “Nuimshiq rueq mvrax yunghvlc yaq gay wuez tuit. Yuq muinz majuiuc ngaz Yehowa kox nuex kanx kvyuq lauk shiz duiz woz yek phaungx; nuimshiq mvrax kuex dawc kuy tvkoc thoz ruiux yuq, moz dawc kuy dvyx rvshuex,” ngoz tueq jungx tueq.

DUNGWVNC 32:30 Referencias Cruzadas

2 SAMUEL 12:9

Ikhla ümniiraq ngi aming thun ka jam nguto jin laü? Ümniiraq ara abi ashut ka jamlai nguto klo laü? Ümniiraq Uria ka re ma tiitsat baiq laü. Ümniiraq apaiq ka Ammonnok ma tiitsatbaiq laü. Laüta tsangnyung ka ümniiraq romphaq wan laü!

2 SAMUEL 16:12

Jursap Tatiwe raq, ngi chamchao ka michhi laq. Raüta apaiq raq manson tlaq kra lana, ngi ma phanshi ra achu shiimantiq mikuqlaq.”

2 HOKHVMX 17:21

Tatiwe raq Israil mungtan ka Juda mungtan wa pong niishe tiikhobaiq jai, Israil mungti raq Nebat se Jeroboam ka tsangshiq hokham ma shongto. Jeroboam raq tsangshiq ma Tatiwe ka tiimiim baiqto. Raüta tsangshiq ka abi pinthum ngarai lamphan niishe sheahoto.

Tvtsvmc 99:6

Mosheq nai Aron ka apaiq ramwenai, kiimaq Samuel ka apaiq jaq wa achu jaütiwe; tsangshiq raq Tatiwe mang chongto; kiimaq apaiq raq tsangshiq achujaü treto.

DUNGWVNC 32:29

Kiimaq Mosheq raq Lewinok ma nguto, “Ümchaü ranaiq namshiq raq maiqmii khum ka namsetiim kiimaq namphu namnotiim thun kra tsatbaiq lanta Tatiwe shiikumpan ramwebi jaqsham miitu kiinong kuqlan she. Kra ningkhan Tatiwe raq namshiq ma apaiq achu shiiman kuqto she.”

AMO LUIK DVP (AMOS) 5:15

Ashut lamphan shummii laq, Tingting lamphan lungwii laq. Rung maq tingting kha pho laq. Jursap, Tati raq, Joseph saüse aso atiichong ma, tiihang mangchan lo tiichhi jiiq.

Jona 3:9

Kiikha nashiq raq ngarai tiidii wan hai jiika, jursap, Shiikeawe raq apaiq tsantsii miklai wan min aja sham. Kiimaq apaiq tsankhiq nashiq khuthaq na sitlaq kriimin mishi wan sham. Raüta nashiq ka atsai chang wa, atiichhun mirkuq wan sham!”

WEAWEA 16:47

Krai mren, Aron raq kra aming ka langto. Raüta apaiq wa winpin ka ajaq na doshat maq apaiq ka mungmaiqse thungtlaq among tiithi ba maq juto. Riita apaiq raq thabi ka adong wanwi she chhito. Kiimaq apaiq raq homseng ka wa winpin na wachan nyaitlaq kriithaq na chaqto. Raüta mungmaiqse khum tiisiike mrochhi khuliiq jaqsham kra klo kuqto.

WEAWEA 25:13

Apaiq nai asaü asetiim ka Ngi raq pattup pat-sa miitu ramwebi miishe shongtiikang. Jamkhano ngukla apaiq raq Ngi ngachang jiiti lai hin phra ka ninlot mak riito. Kiimaq apaiq raq jaqsham raüta mungmaiqse ngarai kra dobaiq wan miitu lam tanto.”

Luke 15:18

Ngi arka arwa tiido wan lata, i we phana li she mijang wan nong ha. Lata, i we nangnga, i we le, ngi raq Shiikeawe man na nai ümman na, ngarai jonghea tang wankang.

Luke 7:47

Riita, ümchaü ngi raq ümniima bom poshi chongpha, tailaq. Apaiq raq ngi ma lungwii tsii ka tsaühea maq tiichhi kuqto riimak sha. Arka, apaiq ngarai ka jonghea sitaq li jiimin, diikuqto she dea nguta, tiichhike hakhi ashi she. Shatmaq, ümriiti ngarai wa atsapse li diikuqtaq, kriiti riika lungwii tsii min, atsapseli rümtlo.”

Romans 9:3

Ara, riiweatsi arka, i phan i maq, i nok i ta miitu tsi tlo! Tsangshiq raq, Shiikeawe manson kra howan raüta, tsai rai wan rii na, ngi ara riiwe khoti, tsangshiq rii na Shiikeawe manson homa kra holata, tsai hajaq ahea riichang nguta tsantsi mongtsi maq sitiikang. Kiimaq Khristo wokhong mong wa, atiidong riibaiq raüjaq ahea riichang, nguta tiima siq tiikang. Arka tsangshiq miitu, i tsan tsi rai kha na ngutiikang.

Galatians 3:13

Shatmaq, nashiq ara, Thungtri manson kharü mong wa daa wan miitu, Jesuq Khristo raq Thungtri manson homa kra howanto she. Ara jamkhano ngutiikai ngukla, Asii bomtsi na, “Juwa pechong na tübaiq tlaq, raüta tsai tlaq, kriiti ka Shiikeawe manson homa ho raüta tsaito ngushat,” nguta chong tlo.

2 Timothy 2:25

Apaiq riika, apaiq ngengsengti ma tsii chongkuq tlaq akhing niimin, tsan nin woknin maq chongke lili chang. Jamkhano ngukla, jursap, apaiq raq akha bomnin se maq trap ru chongkuq tlaq kra lümaq, lamjiq na kaihotibi ka, Shiikeawe raq tsangshiq tsantsii ka klai wan miitu, akhing ahea moke wan miraq. Raüta, tsangshiq raq tengman tlaq bomtsi ka mosap wan miraq.

James 5:16

Kriikha maq, namshiq ngarai thun ka weshi raq weshi ma tiidii rong laq. Kiimaq weshi raq weshi miitu, achu jaü kuq rong laq. Kra riihan jiila, namshiq tsisi kriimin mitiihea kuq. Maiqshaqti raq achu jaü ka ningkun ajong tiidoq ra miraq.

1 SAMUEL 12:17

Riita, ümchaü ka raliichoji, shinram shinriiq riimak shea? Shatmaq ngi achu jaüpha. Tatiwe raq ra mitiimok raüta ra mitiijun. Kriishe chhihanla, namshiq raq Tatiwe jaq wa hokham ashi shongkuq laq nguta jaü lan kriika ngarai jonghea tangkai ngutiishe misap han.”

1 SAMUEL 12:19

Kiimaq tsangshiq raq Samuel ma akha nguto, “Shiilangwe lei, mangchan laüta, Tatiwe üm Shiikeawe jaq wa naishiq tsaiki maichang miitu achu jaü laq. Ümchaü naishiq raq, naishiq ngarai ümtinkhan wa sitlaq kra thaq na hokhamwe shongkuq laq nguta jaü kai ngarai kra hali tiitsuq nongkai nguta sapkai.”

1 SAMUEL 12:20

Kiijiishe, “Naqhai rongkiq,” nguta Samuel raq treto. “Namshiq raq ara ngarai jonghea li tang lan jiimin, Tatiwe wokhong wiika ahin na naq juho rongkiq. Shatmaq tsan nai mongjii wiita kiinong kuq lanta, apaiq kli shomnoq rong laq.

1 SAMUEL 12:23

Riita ngi raq riiwe kla, Tatiwe man na namshiq miitu achu jaüke ka nungpaq lata, apaiq man na ngarai ka tangmang mirha. Kra la na, ngi raq namshiq ma jamlai wa ahea kiimaq namshiq ma riikhaqli jaqsham chang kra mishrin kuq kang.

1 SAMUEL 2:17

Eli senai raq ara ngarai tangtlaq arka Tatiwe maklii na pinthum ashut. Jamkhano ngukla tsangshiq raq Tatiwe ma honglu akuq ka hiqtili ikhli shreng mak riitlo.