DUNGWVNC 32:30 - Hawa Naga Bible 2001

³⁰ Raungnvp kvyix Moshe rueq miq htenc muex ngoc, “Nuimshiq rueq mvrax yunghvlc yaq gay wuez tuit. Yuq muinz majuiuc ngaz Yehowa kox nuex kanx kvyuq lauk shiz duiz woz yek phaungx; nuimshiq mvrax kuex dawc kuy tvkoc thoz ruiux yuq, moz dawc kuy dvyx rvshuex,” ngoz tueq jungx tueq.

ASII LAKDAP Bible (BSI)

³⁰ Kriimaq anap ranaiq niishe, Mosheq raq mungmaiqse ma nguto, “Namshiq raq phiiptsi chang ngarai tang lan. Shatmaq ümchaü ngi ka thongshi ri hali pum na Tatiwe phana miwa nongha. Jursap ngi raq namshiq ngarai kra diike miitu lamlu lo humraü.”

DUNGWVNC 32:30 Referencias Cruzadas

2 SAMUEL 12:9

Kvkhoc rvyruiux, ngaz rueq nvr phaungx kvjaz kuex yvmx ngoz tueq lac phvnx muq? Vkhoc layx vbac yauk shuimc kuex mnoz rueq yvmx ngoz tueq lac shuimx tonx? Mnoz rueq Uria kuex ralx nuex thvt gay toq; Ammon miqsaz muex piq kuex tvthvt gay toq, kvruex yix maq vtaungx nyuiuz kuex mnoz rueq lvmz wvnc toq!

2 SAMUEL 16:12

Yehowa rueq kuilc daz jamjaux vruex lawc tvtsuingc vtueq, kvruex waz mvnhttonx ningkhvnc nuex ngaz muex ruimrix kejux wvyvmc wuez kuq phvnx,” ngoz tueq jungx tueq.

2 HOKHVMX 17:21

Yehowa rueq Israel kuex Yuda kox wawc tvrv-phvlc gay tueq yix maq, Israel miqsaz rueq Nebat saz Jeroboam kuex tsuingshiq hokhvmx muex tvyaungc tueq. Jeroboam rueq tsuingshiq kuex Yehowa muex tvtuip gay ruiux vkvhiz juing mvrax lvmx nuex lvmx shvlc tvyaq kuq tueq.

Tvtsvmc 99:6

Moshe nuiyc Arun kuex vpiq shomc waz nueyc rvtueq, Samuel muinz vpiq kox wawc vjux thoz jix waz rvtueq; tsuinghez rueq Yehowa kuex gvl wuez koq tueq vpiq rueq muinz tsuinghez muex tvralc kuq tueq.

DUNGWVNC 32:29

Moshe rueq Lewi phvnx muex ngoc, “Majuiuc raungnuiyq nuimshiq rueq miqmac suiuz vsaz htenc nuiyc phuz vnox htenc kuex thvt gay tuit ningkhvnc nuex, Yehowa nvrc waz yauk shuimc shuimc tvkoc shomc waz muex yaungc laung miqmac shauk vgvnz kuex lekuq wuez tuit, kvkhoc rvtueq Yehowa rueq nuimshiq muex ruimrix kuq tueq,” ngoz tueq jungx tueq.

AMO LUIK DVP (AMOS) 5:15

Layx vbac kuex shuiuc ruiux, vlvmz kuex lungwawx shuinz, tvrac rungx htenc nuex tvrac vlvmz httaz tvkoc phvnx wuez shuinz. Yehowa rueq vruex miqphvnx vwawc tvraungx kvjungx yaq miq wvyvmc muex menjenc kuq ruiux kuq shuex wuez raz tvnx.

Jona 3:9

Kvkhoc ngoz ruiux jix Tishox vpiq thuinz kvlayc vtueq; thuinkhvy kuex tvthauk gay ruiux yuq, naungshiq thueyc miq wuez rvtix!”

WEAWEA 16:47

Moshe rueq jungx tueq rulc rv-ngvlc Arun rueq wvr diq jungc juing tuik kuex lvmz vtueq miq phungc mungx kvyuq yuz wvnc tueq. Kvkaq piq rueq miq htenc kox kvyuq htaungc kuiyq httuiuc kaz tueq lvmz kuex khiz vtueq, wvr kuinx htenc htauk kvyuq vhomc vshot kuex tvdaungc ruiux tsuingshiq tvkoc tvsawc nawc yauk shuimc kuex shuimx tueq.

WEAWEA 25:13

Piq rueq ngaz maq lvy vtueq vganc tishox kuex raungc raq muq maq Israel miqsaz mvrax kvdawc juing lvmz shuimx wvnc tueq ningkhvnc nuex, piq maq phaungc vtueq vsuiuz vsaz hez rueq shomc waz yauk shuimc kuex mkaq muinz shuimx wvnc wuez shuex,” ngoz tueq jungx tueq.

Luke 15:18

Ngaz kvtenc vtueq iwaz kox nuex waung vtueq, iwaz lex, Tishox muex muinz, mnoz nuex muinz ngaz yaq tauk.

Luke 7:47

Kvkhoc rvtueq piq kuex mvrax paunghvlc wawc dawc kuy rvhumc wvnc vtueq, kvkhoc dawc kuy rvhumc tueq lvmx kuex yungx luz yaq piq lungwawc thuinz rueq hakhix tvkhic kuq yaq, mvrax raungluingx saz dvyx dawc kuy jix waz kuex raungluingx saz dvyx lungwawx yaq,” ngoz tueq jungx tueq.

Galatians 3:13

“Pulx jungx nuex but gay rvhumc jix waz kuex Tishox rueq vtuemc kuq waz rvtueq,” ngoz tueq Rumvrc luik nuex jungx shec tueq ikhoc, Christu kuex naungshiq tvkoc vkvtuemc aungx yaq ikhoc rvhumc tueq yix maq, naungshiq kuex Tvrac rueq tuemc kuy rvhumc tiq wawc daungc wvnc phuex.

2 Timothy 2:25

Miqmac rulc rungx raz muq shuimc kay jix htenc muex thuinnyenz maq tvhonc tvtharc thenc jix yaungc rax tuex. Tsuingshiq kuex thuinz kvlayc wvnc vtueq tsuingrux lvmx tuiuz wvnc tvkoc Tishox rueq tsuingshiq muex kuq ruiux kuq shuex.

James 5:16

Kvkhoc rvtueq nuimshiq vdvmz dvmz miqmac mvrax htenc kuex kvjungc vtueq vdvmz dvmz vjux thoz ruiux yuq, nuimshiq vthuiuz vsac htenc kuex hvlx wvnc tuex. Miqhvlx jix rueq vjux thoz kuex luimc vkawc httax yaq.

1 SAMUEL 12:17

Majuiuc jauz kuex shanrawk shanrix jauz rvtueq, rvmuq haz? Yuq muinz Yehowa rueq raungx tvmuk vtueq raungx mtvyunc shueq, ngoz tueq ngaz rueq vjux thoz phaungx. Vkhoc yaungx wvnc tuex nuex, nuimshiq rueq vpiq kox wawc hokhvmx thoz tuit nuex Yehowa muex nuimshiq rueq mvrax yunghvlc yaq gay tuit lvmz rvtueq kuex nuimshiq rueq tuiuz shuinx,” ngoz tueq jungx tueq.

1 SAMUEL 12:19

tsuingshiq rueq Samuel muex ngoc, “Jiyungx waz lex, kejux maq nuiyshiq thueyc kaz miq tvkoc Yehowa m-Tishox kox wawc vjux thoz kuq koq. Vganc nuiyshiq mvrax htenc lotlaz htauk nuex, nuiyshiq rueq hokhvmx thoz ningkhvnc nuex yaq tiq nuiyshiq mvrax htenc kuex majuiuc nuiyshiq rueq tuiux tiq shex,” ngoz tueq jungx tueq.

1 SAMUEL 12:20

Samuel rueq, “Nauk hiz wuez kaz, nuimshiq rueq kvkhoc layx vbac kuex nuimshiq rueq shuimx gay tuit, yuq muinz Yehowa kox maq nauk kvroz wvnc wuez kaz, nuimshiq thuinz vmungx lotlaz maq vpiq muex shuimx kuq wuez shuinz.

1 SAMUEL 12:23

Ngvy tvkoc kuex thoz ruiux, nuimshiq tvkoc vjux thoz mauk ningkhvnc nuex, Yehowa muex yaq gay tauk wawc msawc m-yal wvnc kueq. Kvkhoc ruec tvraung, vhvlx nuiyc vlvmz kuex phvnc tvkoc ngaz rueq nuimshiq muex tvluing kuq phaungx.

1 SAMUEL 2:17

Eli sahez rueq Yehowa muex shomc kuq yaq htenc kuex kvkhoc tvtsanc nganc muq ningkhvnc nuex, tsuingshiq mvrax kuex Yehowa khaungkac nuex pinhtumc yunghvlc rvtueq.